San Lucas 12:15 - DIOSPA QHELQACHISQ

¹⁵ Chantá nillarqataj: Qankunaqa tukuy imata astawan astawan munanamanta sumajta qhawakuychej. Mana yuyanachu qhapaj kayqa allin kawsayman runata apasqanta, nispa.

Qheshwa Biblia DC

¹⁵ Chantá nillarqataj: Qhawakuychej, tukuy imasta munapayaymanta. Runaj kausaynenqa mana qhapaj kayllapichu kashan.

DIOSPA QHELQACHISQAN DEUTEROCANONICAL

¹⁵ Chantá nillarqataj: Qankunaqa tukuy imata astawan astawan munanamanta sumajta qhawakuychej. Mana yuyanachu qhapaj kayqa allin kawsayman runata apasqanta, nispa.

Quechua South Bolivia: Dios Parlapawanchej

¹⁵ Chanta nillarkataj: —Sumajta khawacuychej wakaychacuychejtaj tucuy munapayaymanta. Arí, runaka mana astawan causaytaka atinmanchu may chhica capuyniyoj cashaspapis, —nispa.

San Lucas 12:15 Referans Kwoze

Hebreos 13:5

Ama ashkha qolqeyoj kanamanta phutikuspa kawsaychejchu. Manachayqa imachus kunan tiyapusunkichej, chaywan sonqo junt'asqa kakuychej, imaraykuchus Dios nin: Mana qonqarparisqaykichu, nitaj saqerparisqaykichu, nispa.

Proverbios 15:16

Wakin runakuna wajcha kaspapis, Tata Diosta kasukuspa kawsanku. Chayqa aswan allin, pichus qhapaj kaspa, uma nanayllata tarikun, chaymanta nisqaqa.

Proverbios 16:16

Yachayta tarinaqa qorimantapis astawan allin, yuyayniyoj kanataj qolqemantapis astawan sumaj.

2 Timoteo 3:2

Chaypacha runakuna kay jina kanqanku: Imallatapis paykunallapaj munajkuna, qolqemanta wañusqa, runaykachajkuna, may kasqankuta yuyajkuna ima. Kallanqankutaj Diosmanta alqorakojkuna, tatankuta mamankuta mana kasojkuna, mana pachis niyta yachajkuna, chantá Diosta mana manchachikojkuna ima.

San Lucas 16:14

Chantá fariseokunaqa chay tukuyta uyarispa, Jesusta asipayarqanku, qolqeta munapayasqankurayku.

Colosenses 3:5

Chayrayku ari, ñawpa kawsaypi ima millaytachus ruwaj kankichej, chay munanata wañuchiychej: Amaña khuchichakuspa puriychejchu, nitaj millay kajta ruwaychejchu, nillataj sonqoykichejpa sajra munayninwan, nitaj mana allin kajta munanawan atipachikuychejchu. Jinallataj ama qolqemanta wañusqa kaychejchu, imajtinchus chayqa lantita yupaychaywan ninakun.

San Lucas 8:14

Khishkarara jallp'api t'akasqa mujupis uyarejkunawan ninakullantaj. Chaywanpis paykuna kay kawsaymanta phutikuykunawan, qhapaj kayta munanawan, sonqonkoj munayninta ruwayta munanawan ima atipachikunku. Chayraykutaj mana poqonankukama wiñankuchu.

Salmos 62:10

10 (11) Ama kallpayoj kasqaykichejpi atinikuspa, suwasqa kajwan may kasqaykichejta yuyakuychejchu, nitaj suwasqaykichejman sonqoykichejta churaychejchu, imajtinchus chayqa qhasillamin. Qhapajyaspapis, ama qolqeykichejpi atinikuychejchu.

Salmos 37:16

Pichus pisi tiyapuyniyoj kaspapis cheqan runa kanman, chay runaqa aswan sumaj, pichus ashkha tiyapuyniyoj kaspa millayta ruwan, chay runamanta nisqaqa.

2 Pedro 2:3

Mana cheqanta yachachejkunaqa qolqemanta wañurisqa kaspa, tukuy imaymana llulleriyota wakichisqankuwan qankunamanta qolqeykichejta ch'uskisonqachej. Paykunapaj jasut'iyrí unaymantaña wakichisqa kashan, chinkachisqa kanankutaj patallankupiña.

Marcos 7:22

khuchichakuspa qhenchachakuy, qolqeta munapayay, millayta ruway, wajkunata q'otiyay, millay ruwayta munapayay, envidiakuy, cuento q'epi kay, runaykachay, mana yuyayniyoj kay ima.

Habacuc 2:9

Ay, imarajchus kanqa qanpaj, imaraykuchus suwasqaykiwan wasiykiman junt'acherqanki, ama ima llakiyta rikunaykipaj.

Salmos 10:3

Millayta ruwaspa purejqa mana allin kajta munasqanmanta jatunchakun. Qolqemanta wañusqa runata saminchan, Tata Diostarí pisipaj qhawan.

Job 2:4

Chantá ch'ataykoj ángel Tata Diosman kuticherqa: Runata imachus astawan nanan, mana chayta t'ojpinchejchu chayqa, tukuy imapis allillan. Qhalilla kawsananrayku runaqa imatapis ruwayta atin.

Josué 7:21

Jericopi chay tukuy ima qhechusqayku ukhupi, Babiloniamanta manchay sumaj mantata rikorqani, 200 qolqeta, khuskan kilo kuraj jina qoritawan ima. Chaykunata anchatapuni moq'erisqayrayku oqharerqani. Chantá toldoy uraman p'ampaykorqani, qolqetataj aswan ukhuman churaykorqani, nispa.

1 Corintios 6:10

Jinallataj Diospa kamachiyninman mana yaykonqankuchu suwajkuna, mich'a kajkuna, machajkuna, maldicejkuna, chantá q'otiyajkuna ima.

San Lucas 21:34

Qankunarí qhawarikuychej. Pajtataj anchata mikhunawan, machaykunawan, kay kawsaymanta phutikuykunawan ima sonqoykichej atipachikunman. Pajtataj chay p'unchay mana wakichisqata jap'isunkichejman.

Miqueas 2:2

Waj runaj jallp'anta moq'erinku, qhechuspataj jap'ikapunku. Wajpa wasinta munapayanku, qhechunkutaj. Kallpankuman atinikuspa, runata aylluntinta ñak'arichinku. Q'otiyaspataj, paykunata wasinkumanta wijch'unku.

Jeremías 6:13

Tukuyninku jatunmanta juch'uykama, mana allinta ruwaspa qolqe mirachiyllapi yuyanku. Jinallataj sut'inchajkuna, sacerdotekunapis runakunata q'otiyanallapi yuyanku.

Proverbios 28:16

Mana yuyayniyoj kamachejqa runa masinta anchata waqachin. Mana jinata ruwaspa kamachejrí unayta kawsanqa.

2 Pedro 2:14

Chay runakunaqa pi warmitapis qhawanku paywan puñuykuyta munaspa, juchallispataj, mana sajsakunkuchu. Chantá Cristopi mana tukuy sonqochu atinikojkunaj sonqonkuta suwaspa, paykunata juchallinaman aysanku. Jinallataj chay yachachejkuna tukuy imata munapayanankupaj churasqa kanku. Chayrayku paykuna Diospa maldicisqan kanku.

Ezequiel 33:31

Ajinata aylloyqa jamuspa, ñawpaqeykipi yachasqankuman jina tiyarikunku, parlasqaykita uyarinankupaj. Chaywanpis uyarisqankuta mana ruwankuchu. Simillankuwan misk'ita parlanku, sonqonkupitajrí qolqeta mask'anallapi yuyashanku.

San Lucas 12:16

Chaypacha Jesús uj rijch'anachinata willarqa: Uj qhapaj runa kasqa, chajrantaj ashkhata poqosqa.

1 Reyes 2:40

Chantá Simeyqa burronta caronaykuspa, Gatmanta kuraj kamachej Aquispaman chayarqa, wata runankunata mask'aspa. Jinataj Simeyqa Gatmanta wata runankunata pusakaporqa.