San Lucas 11:42 - DIOSPA QHELQACHISQ

⁴² Ay qankunamanta, fariseokuna. Qankuna sapa chunkamanta ujta Diosman qonkichej mentamanta, rudamanta, tukuy q'omerkunamantawan. Chaywanpis mana wajkunapaj cheqan kajta ruwankichejchu nitaj Diosta munakunkichejchu. Chay chunkamanta ujta qonaqa allinpuni. Chaywanpis mana chay waj ruwanata qonqanachu tiyan.

Qheshwa Biblia DC

⁴² Ay, qankunamanta fariseos! Qankunaqa diezmota qonkichej mentamanta, rudamanta, tukuy q'omerkunamantawan; Diospa cheqanchayninta, munakuynintawan qonqapunkichej. Kayta ruwana karqa, mana jaqayta saqespa.

DIOSPA QHELQACHISQAN DEUTEROCANONICAL

⁴² Ay qankunamanta, fariseokuna. Qankuna sapa chunkamanta ujta Diosman qonkichej mentamanta, rudamanta, tukuy q'omerkunamantawan. Chaywanpis mana wajkunapaj cheqan kajta ruwankichejchu nitaj Diosta munakunkichejchu. Chay chunkamanta ujta qonaqa allinpuni. Chaywanpis mana chay waj ruwanata qonqanachu tiyan.

Quechua South Bolivia: Dios Parlapawanchej

⁴² ‘¡Phutiy, ari, kancuna fariseospajka! Sapa chuncamanta ujta Diosman koshanquichej. Chayta koshanquichej yerbabuenamanta, rudamanta, chayjina juch'uy imasmantawanpis. Astawanpis runasman chekanta ruwayta Diosta munacuytawan konkapunquichej. Chaycunata ruwanayquichej carka, juch'uy imastapis ama konkaspalla.

San Lucas 11:42 Referans Kwoze

San Mateo 23:23

Ay qankunamanta, puraj uya fariseokuna, Diospa kamachisqanmanta yachachejkuna ima. Qankunaqa sapa chunkamanta ujta Diosman qonkichej mentamanta, anismanta, cominomanta ima. Chaywanpis kamachisqakunamanta aswan kuraj kajtarí mana kasunkichejchu. Chaykuna kanku: Cheqan kay, khuyapayakoj kay, jinallataj Diosta mana wasanchay ima. Chay kuraj kamachisqakunataqa ruwanaykichejpuni tiyan, mana chay ujkunata qonqaspa.

San Lucas 18:12

Noqaqa semanapi iskay kutita ayunani, tukuy kapuyniymantataj sapa chunkamanta ujta qoni, nispa.

1 Juan 4:20

Sichus pipis ninman: Noqaqa Diosta munakuni, nispa, Jesucristota qhatej masintataj chejnikunman chayqa, payqa llullamin. Sichus pipis rikushasqan runa masinta mana munakunchu chayqa, mana rikusqan Diostapis manallataj munakunchu.

Malaquías 3:8

Kayta tapuriykichej: Runaqa Diosmanta suwanmanchu? Arí, qankuna noqamanta suwawankichej, nispa. Chantá ninkichejrajtaj: Imatataj qanmanta suwaykuri? nispa. Qankuna sapa chunkamanta ujta qonawaykichejta, jinallataj ofrendatapis suwawankichej.

Miqueas 6:8

Ayllúy, Tata Dios nisunkiña imachus allin kasqanta. Payqa kayta ruwanaykita munan: Cheqan kajta ruwanaykita, khuyakuyniyoj kanaykita, chantá k'umuykukoj sonqowan payta kasunaykita ima.

Proverbios 21:3

Tata Dios astawan munan cheqan kajta, allin kajtawan ruwananchejta, uywa ñak'asqata jaywananchejmanta nisqaqa.

San Mateo 23:27

Ay qankunamanta, puraj uya fariseokuna, Diospa kamachisqanmanta yachachejkuna ima. Qankunaqa yurajchasqa covachaman rijch'akunkichej. Covachaqa jawamanta k'achitu rikukun. Ukhunrí aya tulluwan, tukuy millay asnawan junt'a kashan.

1 Samuel 15:22

Chantá Samuel kuticherqa: Imataj astawan Tata Diospa sonqonta kusichinri? Uywata ñak'aspa q'olachinachu, chayrí kamachisqanta kasunachu? Cheqamanta aswan allin payta kasuna, uywata ñak'aspa q'olachinamanta nisqaqa. Jinataj nisqanta uyarina aswan allin, corderoj wiranta jaywanamanta nisqaqa.

San Juan 5:42

Aswanpis noqa sonqoykichejta sumajta rejsini, yachanitaj qankuna Diosta mana munakusqaykichejta.

San Mateo 23:13

Ay qankunamanta, puraj uya fariseokuna, Diospa kamachisqanmanta yachachejkuna ima. Qankunaqa Diospa janaj pacha kamachiyninman yaykunata wisq'ankichej. Qankuna chayman mana yaykunkichejchu, nitaj yaykuyta munajkunatapis yaykojta saqenkichejchu.

Malaquías 2:17

Tata Diosqa parlasqaykichejta uyarispa, sayk'unña. Chaywanpis qankuna tapunkichejraj: Imata nispataj payta sayk'ucherqaykuri? nispa. Qankuna ninkichej: Tata Diosqa mana allinta ruwajkunata allinpaj qhawan, paykunawantaj kusikun, nispa. Manachayqa nillankichejtaj: Maypitaj kashan justiciata ruwaj Diosri? nispa.

Malaquías 1:6

Tukuy Atiyniyoj Tata Diosqa sacerdotekunata nin: Wawakunaqa tatankuta jatunpaj qhawanku, kamachikunapis patronninkuta respetallankutaj. Jinapis sichus noqa Tataykichej kani chayqa, sacerdotekuna, imaraykutaj mana jatunpaj qhawawankichejchu? Sitajchus qankunaj kamachejniykichej kani chayqa, imaraykutaj mana jatun respetowan qhawawankichejchuri? Aswanpis qankuna noqata pisipaj qhawawaspa, tapuwankichej: Imaynapitaj qanta pisipaj qhawaykuri? nispa.

Eclesiastés 7:18

Chay yuyaychaykunata allinta uyariy, amataj chaymanta kacharikuychu, imaraykuchus Diosta may jatun respetowan qhawajtaqa tukuy imapi allin renqa.

Nehemías 10:37

Jinallataj nerqayku Diosniykoj Templonpi jallch'ana wasiman sacerdotekunapaj apanaykuta chajraykumanta ñawpaj kaj poqoyta, ñawpaj kaj poqoymanta jak'uta, huertaykumanta ñawpaj kaj poqoyta, vinomanta, aceitemanta ima. Chantá levitakunaman apanaykuta nillarqaykutaj, tukuy chajra poqoykunamanta sapa chunkamanta ujta, imaraykuchus paykuna chayta sapa llajtaykupi tantananku karqa.