San Lucas 11:22 - DIOSPA QHELQACHISQ

²² Chaywanpis sichus paymanta aswan kallpayoj jamuspa, maqanakupi atipanman chayqa, atinikusqan armanta qhechunman, paypa imankunata apakapuspataj, chaywan munasqanta ruwanman.

Qheshwa Biblia DC

²² Wajchus, paymanta aswan kallpayoj jamuspa atipanman chayqa, qhechun tukuy maqanasninta, mayqempichus atienekusqanta; rak'intaj chay qhechusqanta.

DIOSPA QHELQACHISQAN DEUTEROCANONICAL

²² Chaywanpis sichus paymanta aswan kallpayoj jamuspa, maqanakupi atipanman chayqa, atinikusqan armanta qhechunman, paypa imankunata apakapuspataj, chaywan munasqanta ruwanman.

Quechua South Bolivia: Dios Parlapawanchej

²² Uj astawan callpayoj runachus payman jamuspa atiparpan chayka, atinicuska makanasninta khechun. Capuynintataj chay callpayojka amigosninwan jaywanaycucun. [Nokapis ajinallatataj supay Satanasta atipaspa millay supaycunata kharkoshani.]

San Lucas 11:22 Referans Kwoze

Isaías 53:12

Chayrayku payta atiyniyojkunawan khuska jatunchasaj. Jinataj atipajkunaj t'inkankuta jap'enqa, pay kikin wañuyman jaywaykukusqanrayku. Payqa juchasapakunawan khuska yupasqa kanqa. Tukuypa juchankuta apanqa, paykunaraykutaj Diosmanta mañaponqa.

Isaías 27:1

Chay p'unchaypi Tata Diosqa jatun, manchay atiyniyoj espadanwan Leviatán sierpeta jasut'enqa, may jinata suchoj, ch'uwirakoj Leviatán sierpeta, mayqenchus mama qochapi tiyakun, chayta.

Génesis 3:15

Noqataj qantawan, warmitawan jap'inachisqaykichej. Jinallataj mirayniykiwan, mirayninwanpis chejninakonqanku. Warmej mirayninmanta kajqa umaykita sarusonqa, qantaj chaki talonninmanta khaninki, nispa. Ajinata Diosqa katarita nerqa.

1 Juan 4:4

Munasqa wawaykuna, qankuna Diospata kankichej, chayraykutaj mana cheqantachu yachachejkunata atipankichejña. Diospa Espíritun, pichus qankunapi kajqa aswan atiyniyoj, pichus kay pachapi kashan, chaymanta nisqaqa.

1 Juan 3:8

Pichus juchallispallapuni purejrí Kuraj Supaypata kasqanta rejsichikushan, imaraykuchus Kuraj Supay qallariymantapacha juchallispallapuni purin. Chayrayku Diospa Churenqa Kuraj Supaypa ruwasqanta phirinanpaj jamorqa.

Colosenses 2:15

Ajinata ruwaspa, supaykunaj kamachiyninkuta, atiyninkuta ima qhechorqa. Ajinamantataj paykunata Cristonejta cruzpi atipaspa, tukuypa rikunanta p'enqaypi rikhuricherqa.

Éxodo 15:9

Awqaykoqa nerqa: Jap'inaykama israelitakunata qhatiykusaj. Sajsakunaykama qhechusqayta rak'irasaj. Espadayta sik'ikuspa, paykunata tukuchisaj, nispa.

San Lucas 11:21

Jesús nillarqataj: Kallpasapa runa sumaj armasqa wasinta qhawajtenqa, tukuy kapuynin sumaj waqaychasqa kakun.

San Lucas 11:23

Pichus mana noqaman sayasqa kajqa contraypi kashan. Pitajchus noqawan ruwanayta mana ruwajqa contraypi ruwan, nispa.

Efesios 6:11

Jinallataj maqanakunapaj Diospa qosqan p'achawan p'achallikuychej, Kuraj Supay tukuy imaymanamanta misk'achiyta munasojtiykichej, sinch'ita sayanaykichejpaj.

Efesios 6:13

Chayrayku maqanakunapaj Diospa qosqan tukuy p'achata churakuychej, mana allin kajta ruwanapaj sinch'i tanqasqa kashajtiykichej mana ithirispa thuruta sayanaykichejpaj. Chantá maqanakuspaña, sinch'ita sayashajllapuni kashankichej.