San Lucas 11:2 - DIOSPA QHELQACHISQ

² Jesustaj paykunata nerqa: Dioswan parlarikuspaqa, ajinata ninkichej: Janaj pachapi kaj Tatayku, sutiyki jatunchasqa kachun. Jamuspa, noqaykuta kamachiyta qallariy.

Qheshwa Biblia DC

² Jesustaj paykunaman nerqa: Diosmanta mañakuspaqa niychej: [Janaj pachapi kashaj] Tatayku, sutiyki yupaychasqa kachun. Reinoyki jamuchun. [Munayniyki ruwasqa kachun, imaynatachus janaj pachapi, ajinallatataj kay pachapipis.]

DIOSPA QHELQACHISQAN DEUTEROCANONICAL

² Jesustaj paykunata nerqa: Dioswan parlarikuspaqa, ajinata ninkichej: Janaj pachapi kaj Tatayku, sutiyki jatunchasqa kachun. Jamuspa, noqaykuta kamachiyta qallariy.

Quechua South Bolivia: Dios Parlapawanchej

² Chayraycu Jesús paycunata nerka: —Diosmanta mañacushaspaka niychej: Janaj pachapi caj Tataycu, tucuy runas sutiyquita yupaychachuncu. Mayta munaycu tucuyta camachinayquita. Janaj pachapi munayniyqui ruwacushan, ajinallataj cay pachapipis ruwacuchun.

San Lucas 11:2 Referans Kwoze

Eclesiastés 5:2

2 (1) Ama simiykeqa imallatapis parlachunchu, nitaj sonqoykipis Diospa ñawpaqenpi imatapis ruwanaykita nichunchu. Diosqa janaj pachapi kashan, qantaj kay pachallapi kashanki. Chayrayku imatapis pisillata parlay.

2 Crónicas 20:6

mañakorqa: Tata Dios, ñawpa tataykoj Diosninku, qanqa janaj pachapi Dios kanki, tukuy kay pachapi suyukunatataj kamachinki. Qanqa atiyniyoj, kallpasapataj kanki, manataj pipis qanwanqa churanakusunkimanchu.

Apocalipsis 15:4

Tukuyta Kamachej Dios, pitaj mana qanta manchachikusunkimanchuri? Pitaj sutiykita mana jatunchanmanchuri? Qanllamin may llimphu kanki. Tukuy runakuna ñawpaqeykiman jamuspa yupaychasonqanku, imaraykuchus justiciata ruwasqaykeqa sut'inchasqaña, nispa.

Salmos 11:4

Tata Diosqa paypaj t'aqakusqan Templopi kashan, kamachinan tiyanataj janaj pachapi kashan. Chaymantapacha qhawaspa, payqa runakunaj purisqankuta watun.

Apocalipsis 20:4

Rikullarqanitaj kamachina tiyanakunata, chaykunapitaj tiyakusharqanku, pikunachus juzganankupaj atiyta jap'erqanku, chaykuna. Umanku qholusqa kajkunaj almankutapis rikullarqanitaj, pikunachus Jesusmanta, chantá Diospa simi nisqanmanta ima willasqankurayku wañuchisqa kasqanku, chaykunata. Paykunaqa sierpeta, lantintapis mana yupaychasqankuchu, manallataj mat'inkupi, chayrí makinkupipis marcanwan marcachikusqankuchu. Kunantajrí paykuna kawsarimpuspa, Cristowan khuska waranqa watata kamacherqanku.

1 Tesalonicenses 1:3

Tata Diosninchejwan parlarikuspa, qankunamanta yuyarikuykupuni Diospi tukuy sonqo atinikuspa ruwasqaykichejmanta, munakuspa wajkunata sinch'ita yanapasqaykichejmanta ima. Chantá yuyarikullaykutaj Tukuyta Kamachej Jesucristo ñak'ariykunapi yanapanasuykichejta pacienciawan suyasqaykichejmanta.

Filipenses 4:20

Tata Diosninchej wiñay wiñaynintinpaj yupaychasqa kachun. Ajina kachun.

Filipenses 1:2

Tata Diosninchejpa, jinataj Tukuyta Kamachej Jesucristonchejpa qhasilla k'acha yanapayninku, sonqo tiyaykuyninku ima qankunawan kachun.

Efesios 1:2

Tata Diosninchejpa, Tukuyta Kamachej Jesucristojtawan qhasilla k'acha yanapayninku, sonqo tiyaykuyninkutaj qankunawan kachun.

2 Corintios 1:2

Tata Diosninchejmanta, chantá Tukuyta Kamachej Jesucristomanta qhasilla k'acha yanapayninku, sonqo tiyaykuyninku ima qankunawan kachun.

1 Corintios 1:3

Tata Diosninchejmanta, jinataj Tukuyta Kamachej Jesucristomantawan qhasilla k'acha yanapayninku, sonqo tiyaykuyninku ima qankunawan kachun.

Isaías 63:16

Qanlla tatayku kanki, tatayku Abraham mana rejsikuwajtiykupis. Ñawpa tatayku Israel mana yuyarikuwajtiykupis, qanpuni tatayku kanki, Tata Dios. Wiñaymantapacha pagaspa kacharichiwajniyku kanki.

Salmos 57:11

11 (12) Diosníy, qanqa janaj pachamanta aswan patapi kanki, jatun kayniykej lliphipiynintaj tukuy kay pachaman junt'aykun.

Apocalipsis 19:6

Jinallataj ashkha runaj parlasqanta jina uyarillarqanitaj, ashkha yakoj phajchasqanta jina, chantá ashkha qhon qhonkunaj manchay sinch'i t'ojyasqanta jina. Paykunataj nisharqanku: Tata Dios jatunchasqa kachun, imaraykuchus Tukuyta Kamachej, Tukuy Atiyniyoj Diosninchej kamachishanña.

Apocalipsis 11:15

Maypachachus qanchis kaj ángel trompetanta waqacherqa chaypacha, janaj pachapi jatunmanta parlasqanku uyarikorqa: Diosninchej, chantá kachamusqan Cristo ima kay pachapi kamachishankuña. Paykunataj wiñay wiñaypaj kamachenqanku, nispa.

1 Tesalonicenses 1:1

Noqa Pablo, Silvanowan, Timoteowan ima Tesalónica llajtapi kaj iglesiaman kay cartata qhelqaspa apachimuyku. Qankunaqa Tata Diosman, jinataj Tukuyta Kamachej Jesucristoman ima ujchasqa kankichej. Chayrayku Diospa qhasilla k'acha yanapaynin, sonqo tiyaykuynin ima qankunawan kachun.

2 Tesalonicenses 2:16

Kikin Tukuyta Kamachej Jesucristonchej, chantá Tata Diosninchej ima munakuwanchej, jinataj wiñaypaj sonqochawanchej, paykunamantataj allin kajta jap'ikunanchejta suyakushallanchejtaj.

Colosenses 1:2

kay cartata qhelqaspa apachimuni, Colosas llajtapi pikunachus Cristopi atinikojkuna kanku, chaykunaman. Qankunaqa Diospaj t'aqasqa kasqaykichejrayku paypaj manchay munasqa kankichej. Chayrayku Tata Diosninchejpa qhasilla k'acha yanapaynin, sonqo tiyaykuynintaj qankunawan kachun.

Romanos 8:15

Diosqa mana wata runa kay sonqotachu qankunaman qosorqachej, ujtawan manchasqalla kanaykichejpaj. Aswanpis Diosqa Espiritunta qosorqachej, paypa wawankuna kanaykichejpaj. Chayrayku chay Espiritunejta Diosman qayllaykunchej: Tatáy, Tatitáy, nispa.

San Mateo 10:32

Sichus pipis runakunaj ñawpaqenpi yachachisqay kasqanta rimarenqa chayqa, noqapis janaj pachapi kashaj Tataypa ñawpaqenpi nisaj: Payqa noqajtamin, nispa.

San Mateo 5:16

Ajinallatataj, k'anchayniykichejqa runakunaj ñawpaqenpi k'anchachun. Ajinamanta paykuna allin ruwasqaykichejta rikuspa, janaj pachapi kashaj Tata Diosniykichejta jatunchanqanku.

San Mateo 3:2

Paytaj nerqa: Diosman kutirikuychej, imaraykuchus janaj pachamanta Dios kay pachapi kamachinanpaj wakichisqaña kashan, nispa.

Habacuc 2:14

Chaypachataj kay pachaqa Tata Diospa jatun kayninmanta yachaywan junt'a kanqa, imaynatachus mama qochaman yaku junt'aykun, jinata.

Oseas 14:2

Tata Diosman kutirikuychej, kay jinata mañakuspataj, qayllaykuychej: Pampachapuwayku tukuy juchaykuta, simiykuwan yupaychasqaykutataj jap'ikuy.

Daniel (hebreo) 7:27

Chantá kay pachapi kamachinapaj atiywan, kallpawan, jatunchasqa kaywan ima Patapi Kaj Diospa ayllunman qosqa kanqa. Paypa kamachiynenqa wiñaypaj kanqa, jinataj kay pachapi kaj chhika suyukuna payta kasonqanku, munaynintataj ruwanqanku, nispa.

Daniel (hebreo) 7:18

Chay qhepatarí Patapi Kaj Dios ayllunman kamachina atiyta qonqa, paykunataj wiñaypaj kamachenqanku, nispa.

Daniel (hebreo) 2:44

Chay kuraj kamachejkuna kamachishajtinku, janaj pachapi kaj Tata Dios mana jayk'aj chinkachisqa kanan kamachiyninta sayarichenqa, manataj mayqen suyupis payta atipanqachu. Astawanpis payqa tukuynin waj suyukunata tukuchenqa, paypa suyuntaj wiñaypaj sayanqa.

Daniel (hebreo) 2:28

Chaywanpis janaj pachapi uj Dios tiyan, pichus pakaypi kaj tukuy imata sut'ita rikuchin, chay. Paymin qan kuraj kamachej Nabucodonosorman sut'ita rikuchisorqa jamoj p'unchaykunapi imachus kananmanta. Kunantaj imatachus puñushaspa mosqokusqaykita noqa willasqayki:

Ezequiel 36:23

Qankuna waj suyukunapi may jatun sutiyta ch'ichicharqankichej. Noqatajrí chay suyukunaj ñawpaqenkupi sutiy may jina llimphuchus kasqanta rikuchisaj. Ajinata ruwajtiy, chay suyukuna yachanqanku noqa Tata Dios kasqayta.

Salmos 108:5

5 (6) Diosníy, janajmanta aswan patapi kanki. Jatun kayniykeqa tukuy kay pachaman junt'an.

Salmos 103:20

Angelkuna, Tata Diosta yupaychaychej, pikunachus atiyniyojkuna, kamachisqanta junt'ajkuna, chantá nisqanta usqhayllata kasojkuna ima kankichej.

2 Reyes 19:19

Tata Diosniyku, mañarikuyku makinkumanta kacharichinawaykuta, tukuy suyoj qanlla Tata Dios kasqaykita yachanankupaj, nispa.

1 Reyes 8:43

qanqa janaj pachamanta uyarimuy, maypichus tiyakunki, chaymantapacha, ruwaytaj karu llajtayojpa mañakususqanta. Chay jinamanta tukuy suyu rejsisonqanku, sutiykitataj manchachikonqanku Israel aylluyki jina. Ajinamanta yachanqanku kay ruwapususqay Templopi sutiyki may oqharisqa kasqanta.

Levítico 22:23

Sichus sonqomanta munaspa torota, chayrí corderota Diosman jaywayta munanman chayqa, jatun chakiyojpis kachun, juch'uy chakiyojpis kachun, jaywayta atillankichej. Sitajchus pipis nisqanta junt'ananpaj Diosman jaywayta munanman chayqa, ajina uywa jaywasqanta mana jap'ikusajchu.

Levítico 10:3

Chaymanta Moisesqa Aaronta nerqa: Kay kananta mana munaspa Tata Dios ajinata nerqa: Noqaman qayllamuwajkunaman may llimphu kayniyta rikuchisaj. Tukuy israelitakunamantaj jatun kayniypa lliphipiyninta rikuchillasajtaj, nispa. Aarontajrí ch'inlla karqa.

Gálatas 1:4

Jesucristomin Tata Diosninchejpa munasqanman jina juchanchejrayku wañuchisqa kananpaj jaywaykukorqa, kay pachapi millay kawsaymanta kacharichinawanchejpaj.

Romanos 1:7

Noqa kay cartata Roma llajtapi Diosta qhatejkunaman apachimuykichej. Qankunaqa Diospa munakusqan kankichej, Diospaj t'aqasqa kanaykichejpaj wajyasqataj. Kunantaj napaykuykichej: Tata Diosninchejpa, chantá Tukuyta Kamachej Jesucristojta qhasilla k'acha yanapayninku, sonqo tiyaykuyninku ima qankunawan kachun.

San Lucas 11:1

Jesús uj kuti Dioswan parlarikuyta tukojtin, ujnin yachachisqan nerqa: Wiraqochi, Dioswan parlarikuyta yachachiwayku, imaynatachus Bautizaj Juanpis yachachisqankunaman yachacherqa, ajinata, nispa.