San Lucas 10:42 - DIOSPA QHELQACHISQ

⁴² Ujllamin aswan allin kajqa. Mariaqa chay aswan allin kajta ajllakun, chaytataj mana pipis paymanta qhechonqachu, nispa.

Qheshwa Biblia DC

⁴² Ujllamin aswan walejqa. Mariaqa ajllakun allin kajta. Chaytaqa mana pipis qhechonqachu.

DIOSPA QHELQACHISQAN DEUTEROCANONICAL

⁴² Ujllamin aswan allin kajqa. Mariaqa chay aswan allin kajta ajllakun, chaytataj mana pipis paymanta qhechonqachu, nispa.

Quechua South Bolivia: Dios Parlapawanchej

⁴² Uj sapallanmin canan cashan. Mariaka allin cajta ajllarka. Cay ajllaskanka mana paymanta khechuskachu canka, —nispa.

San Lucas 10:42 Referans Kwoze

Salmos 27:4

Kayllata Tata Diosmanta mañakuni, chayllatataj munani: Kawsanay p'unchaykama Tata Diospa wasinpi kayta munani, Templonpi payta yupaychanaypaj, ima munay kaynintataj qhawanaypaj.

San Juan 4:14

Noqaj qosqay yakuta ujyajrí manaña jayk'ajpis ujtawan ch'akichikonqachu. Aswanpis noqaj qosqay yakoqa paypi mana ch'akej pujyu jina kanqa, chay yakutaj payman wiñay kawsayta qonqa, nispa.

San Juan 5:24

Kaytapis nillaykichejtaj: Sichus pipis parlasqayta uyarispa, kachamuwaj Tataypi atinikun chayqa, payqa wiñay kawsayniyoj, manataj juicio p'unchaypi juchachasqachu kanqa. Pay mana jayk'ajpis juchachasqachu kanqa, imaraykuchus wañuymanta kawsayman chimpapunña.

Salmos 73:25

Piniytaj janaj pachapi tiyapuwanri? Qanlla noqajta kapuwanki. Qanwan kaspaqa, kay pachapi manaña imatapis munanichu.

San Lucas 18:22

Chayta uyarispa, Jesús payman nerqa: Jina chayqa, uj imatawanraj ruwanayki tiyan: Tukuy kapuyniykita vendespa, wajchakunaman chay qolqeta rak'iray. Ajinata ruwaspa, janaj pachapi tukuy imayoj kanki. Chaymantataj kutimuspa, yachachisqay kanaykipaj noqawan jamuy, nispa.

San Juan 17:3

Paykuna wiñay kawsayman yaykunku, maypachachus qanpi, chantá noqapi atinikunku, chaypachalla. Qanpi atinikunanku tiyan, imajtinchus qan uj k'ata cheqa kaj Dios kanki. Noqapipis atinikunallankutaj tiyan, imajtinchus noqaqa qanpa kachamusqayki Jesucristo kani.

Salmos 17:15

Noqatajrí cheqanta ruwaj kaspa, uyaykita rikusaj. Rijch'arispa, qanta rikusqayki, chaywantaj sonqo junt'asqa kasaj.

Marcos 8:36

Ima allintaj runapaj kanman, sichus kay pachaj tukuy kapuyninta jap'ispapis mana wiñay kawsayman yaykunmanchu chayqa?

Salmos 142:5

5 (6) Tata Dios, qanman qhaparikamuyki, niykitaj: Qanllamin pakakunay kanki, kay pachapi tukuy kapuyneyqa qanlla kanki.

Deuteronomio 30:19

Jinaqa janajta, kay pachatawan ima testigota jina churani, kawsayta, chayrí wañuyta, chantá saminchasqa kanata, chayrí maldicisqa kanatachus ajllakunaykichejpaj nisusqaymanta. Noqarí niykichejman, astawan walej kanman qan, jinataj wawaykikuna ima kawsayta ajllakunaykichej.

Salmos 119:30

Qanta mana wasanchaspa puriyta ajllakuni, kamachisqaykiman jina kawsaytataj tukuy sonqo nini.

San Lucas 8:18

Chayrayku, allinta uyariwaychej ari: Kapuyniyojmanqa Dios astawanraj qonqa. Mana kapuyniyojmantatajrí kapusqanta yuyasqantapis Dios qhechonqa, nispa.

San Lucas 12:20

Diostajrí payta nisqa: Wampu runa, kunan ch'isipacha wañunki. Jinaqa pipajtaj kanqa chay tukuy ima tantasqaykiri? nispa.

Salmos 119:111

Kamachisqaykeqa wiñaypaj chayaqeymin, imajtinchus chaykunaqa sonqoyta kusichiwanku.

1 Corintios 13:3

Sitajchus noqa tukuy tiyapuwasqanta wajchakunaman rak'irayman, ukhuytapis ninaman enqhaykusqa kananpaj jaywaykuyman chayqa, chaymanta jatunchakuyta atiyman. Chaywanpis manachus wajkunata munakuymanchu chayqa, chay ruwasqaywan ni imata tariymanchu.

San Lucas 12:33

Chayrayku kapuyniykichejta vendeychej, chay qolqeta pisichikojkunaman rak'inaykichejpaj. Ajinamanta mana thantakoj wayaqata ruwakunkichej, kapuyniykichejtataj janaj pachapi waqaychankichej. Chaypeqa kapuyniykichej mana tukukonqachu, manataj suwapis yaykonqachu, nitaj thutapis k'utonqachu.

Eclesiastés 12:13

Chay tukuy imaj tukukuynenqa kaymin: Diosta may jatun respetowan qhaway, kamachisqantataj junt'ay. Chayllata runaqa ruwanan tiyan.

San Lucas 16:25

Abrahamtajrí kuticherqa: Yuyarikuy wawáy, qan kawsashaspa tukuy imayoj karqanki. Lazarorí mana walejpichu karqa. Kunanqa pay sonqochasqa kashan, qantaj ñak'arishanki.

Josué 24:22

Chantá Josué kuticherqa: Tata Diosllata kasuspa purinaykichejta ajllakusqaykichejmanta qankunallataj testigo kankichej, nispa. Israelitakunataj kuticherqanku: Arí, noqallaykutaj kayku, nispa.

Josué 24:15

Sichus Tata Diosta mana kasuyta munankichejchu chayqa, kunanpacha pitachus kasunaykichejta ajllakuychej: Mayqen dioskunatachus ñawpa tataykichejkuna mayu chimpapi yupaycharqanku, chaykunata, chayrí, maypichus kunan tiyakushankichej, chay amorreokunaj diosninkukunatachus. Noqarí tukuy aylluywan Tata Diostapuni yupaychanaykuta niyku, nispa.

Salmos 119:173

Makiykeqa yanapanawanpaj jina wakisqa kachun, imaraykuchus kamachisqaykita kasunayta ajllakorqani.

Gálatas 5:6

Cristo Jesuspi atinikusqanchejrayku circuncidasqa kay chayrí mana circuncidasqa kaypis mana ni imapi yanapawanchejchu. Aswanqa Jesucristopi atinikuylla valen, chaytaj wajkunata munakuyta yanapawanchej.

San Lucas 16:2

Chayrayku patronnin payta wajyaspa, nisqa: Imatataj qanmanta uyarishaniri? Mayordomo kasqaykimanta cuentata qoway, imaraykuchus manaña kapuyniymanta mayordomo kayta atinkichu, nispa.

San Lucas 10:39

Martajtataj uj ñañan karqa María sutiyoj, paytaj Jesuspa ñawpaqenman tiyarikuspa, yachachisqanta uyarisharqa.

San Lucas 11:1

Jesús uj kuti Dioswan parlarikuyta tukojtin, ujnin yachachisqan nerqa: Wiraqochi, Dioswan parlarikuyta yachachiwayku, imaynatachus Bautizaj Juanpis yachachisqankunaman yachacherqa, ajinata, nispa.

San Juan 6:27

Ama tukukoj mikhunata tarinaykichejraykullaqa chhikatapuni phutikuychejchu. Aswanpis qankunaqa wiñay kawsayta mask'anaykichejpaj tukuy sonqoykichejta churaychej. Chayta noqa Runaj Churillan qoyta atiykichej, imaraykuchus Tata Dios chaypaj churawarqa, nispa.

San Juan 11:1

Uj runa, Lázaro sutiyoj onqosqa kasharqa. Paywan, panankuna Mariawan, Martawan ima Betaniamanta karqanku.

San Juan 11:19

Chayrayku ashkha runakuna Martata, Mariatawan ima watukoj jamusqanku, turanku wañupusqanmanta paykunata sonqochayta munaspa.

San Juan 12:3

Chaymantaj María nardomanta ruwasqa sumaj jawinata apamorqa. Apamusqan jawinaqa khuskan litro jina karqa, ashkha precioyojtaj. Chantá Mariaqa Jesuspa chakinta chaywan jawerqa, chujchanwantaj ch'akicherqa. Chay jawinaj sumaj q'apasqantaj wasiman junt'aykorqa.