San Lucas 10:31 - DIOSPA QHELQACHISQ

³¹ Chantá uj sacerdote chay ñannejta rishallasqataj. Chaywanpis chay runata rikuspa, ripullasqa.

Qheshwa Biblia DC

³¹ Chantá uj sacerdote chay ñannejta uraykushallarqataj, rikuspataj pasapullarqa.

DIOSPA QHELQACHISQAN DEUTEROCANONICAL

³¹ Chantá uj sacerdote chay ñannejta rishallasqataj. Chaywanpis chay runata rikuspa, ripullasqa.

Quechua South Bolivia: Dios Parlapawanchej

³¹ Ajinataj yupaychana-wasipi uj ruwanayoj chay ñanllatataj uraycusharka. Chay wijch'uska runata ricuspa carunejta muyurerka.

San Lucas 10:31 Referans Kwoze

Salmos 69:20

20 (21) Alqochakuwasqankumanta sonqoy p'akisqa kashan, mana kallpayoj, uj jinayasqa kashani. Noqaqa sonqochawajta, noqamanta khuyakojta ima qhasillata mask'arqani, manataj tarerqanichu.

Malaquías 1:10

Chantá Tukuy Atiniyoj Tata Diosqa nillantaj: May sumaj kanman, sichus mayqennillaykichejpis Temploj punkunta wisq'aykunman chayqa, ama ujtawan qhasi manakajpaj altarniypi ninata jap'ichinankupaj. Qankunawanqa mana sonqo junt'asqachu kani, nitaj ofrendaykichejtapis jap'ikusajchu.

Oseas 6:9

Sacerdotekunapis wateqaj suwakuna kankuman jina, Sichem llajtaman rina ñanpi wateqaspa, runata wañuchinku. Chay jinata ruwasqankoqa p'enqaymin.

Oseas 5:1

Tata Dios nin: Sacerdotekuna, kayta uyariychej. Israelitakuna, allinta uyariychej. Kuraj kamachejpa ayllunmanta kajkunapis uyarillaychejtaj: Qankuna juchachasqa kankichej, imaraykuchus Mispapi uj misk'ana jina karqankichej, Tabor orqo patapitaj wakichisqa tojlla jina karqankichej.

Jeremías 5:31

Diospa nisqanta sut'inchajkuna llulla kajllata sut'inchanku, sacerdotekunataj munasqankuman jinalla kamachinku. Aylluyrí chaytapuni munanku. Chaywanpis imanankichejtaj chay tukukuy p'unchay chayamojtinri? nispa.

Eclesiastés 9:11

Chay jawa ujtawan qhawaspa, kaytapis rikullarqanitaj: Kay pachapi mana usqhayta t'ijojkunachu sapa kuti atipanku, maqanakupitaj mana kallpayojkunachu. Yachajniyojkunapis wakin kuti mana mikhunayoj rikhurinku, nitaj allin yuyayniyojkunapis qhapajchu kanku, nitaj yachajkunapis sapa kuti jatunpaj qhawasqachu kanku. Manachayqa tiempo chayamojtin, wakinpaj allin tiempo chayamun, wakinpajtaj mana.

Proverbios 21:13

Sichus pipis wajcha runakunaj mañakusqankuta mana uyarin chayqa, paypa mañakusqanpis manallataj uyarisqachu kanqa.

Salmos 142:4

4 (5) Pañanejman kutirikuspa qhawani, manataj pipis yanapaj jamoj kanchu, nitaj pipis noqaman kutikuwaj kanchu. Manallataj pipis noqata qhawariwajqa kanchu.

Rut 2:3

Jinataj Rutqa chajra pataman rispa, ruthojkunaj t'akasqanku cebadata chajmakuyta qallarerqa. Chay chajratajrí Elimelecpa ayllun Boozpata kasqa.

2 Samuel 1:6

Chay runataj kuticherqa: Mana rinallamanta, Gilboa orqoman rerqani, chaypitaj rikorqani Saulta lanzanpi atiykusqata. Chaypachapunitaj filisteokunaqa carretapi maqanakojkuna, jinataj caballopi maqanakojkunapis payta taripaykushasqankutaña.

Isaías 58:7

Munani yarqhasqakunaman mikhunaykichejmanta jaywarinaykichejta, mana wasiyojkunatataj wasiykichejman wajyarikunaykichejta. Munallanitaj mana p'achayojkunata p'achallichinaykichejta, pisichikoj runa masiykichejmantapis ama pakakunaykichejta.

San Lucas 10:30

Jinapi Jesús uj rijch'anachinawan kuticherqa: Uj runa Jerusalén llajtamanta Jericó llajtaman rishajtin, suwakuna payta jap'iykusqanku. Chay suwakunataj tukuy imanta qhechuspa, sumajta maqaykuytawan, parti wañusqata saqerparisqanku.

San Lucas 10:32

Jinallatataj, uj levita chaynejta rishasqa, chay runata choqarayashajta rikushaspapis, ripullasqa.