San Lucas 10:21 - DIOSPA QHELQACHISQ

²¹ Chaypacha, Jesusqa Santo Espiritunejta may kusisqa kaspa, Diosta nerqa: Tatáy, janaj pachata kay pachatawan kamachej Dios, noqa jatunchayki, imaraykuchus kay imakunata yachayniyojkunamanta, yuyayniyojkunamantawan pakarqanki, wawa jina kajkunaman sut'inchanaykipaj. Arí Tatáy, qan ajinata munarqanki, nispa.

Qheshwa Biblia DC

²¹ Chay kikimpachataj, Jesusqa Santo Espiritunejta may kusisqa kaspa nerqa: Tatáy, janaj pachajta kay pachajtawan Señornin, yupaychayki kay imasta pakasqaykimanta, yachayniyojkunamanta yuyayniyojkunamantawan; wawasmantaj kay imasmanta willasqaykimanta. Arí Tatáy, ajinata qanqa munarqanki.

DIOSPA QHELQACHISQAN DEUTEROCANONICAL

²¹ Chaypacha, Jesusqa Santo Espiritunejta may kusisqa kaspa, Diosta nerqa: Tatáy, janaj pachata kay pachatawan kamachej Dios, noqa jatunchayki, imaraykuchus kay imakunata yachayniyojkunamanta, yuyayniyojkunamantawan pakarqanki, wawa jina kajkunaman sut'inchanaykipaj. Arí Tatáy, qan ajinata munarqanki, nispa.

Quechua South Bolivia: Dios Parlapawanchej

²¹ Chay quiquinpacha Santo Espíritu Jesuspa sonkonman jatun cusiywan junt'acherka. Jesustaj nerka: —Tucuy cay pachata janaj pachatawan Camachej Tatáy, agradececuspa yupaychayqui. Imaraycuchus yuyaskayquita pacarkanqui ancha yachayniyoj runasmanta. Chaytarí wawajina llamp'u sonkoyojcunaman sut'incharkanqui. Arí, Tatáy, ajinata ruwaskayquipi cusicunqui, —nispa.

San Lucas 10:21 Referans Kwoze

2 Corintios 4:3

Sichus Jesusmanta willasqayku, chay sumaj willay velowan jina pakasqallaraj kashan chayqa, chinkay ñanpi kajkunallapaj pakasqa kashan.

Efesios 1:11

Jinallataj Cristoman ujchasqa kasqanchejrayku Diospa chayaqenmanta jap'erqanchej. Dios ajina kananta nerqa, imajtinchus payqa wiñaymantapacha ajllakuwarqanchej, pichus munayninta junt'ananpaj tukuy imata ruwan, chay.

Efesios 1:5

Dios munakuwasqanchejrayku Churin Jesucristonejta paypa wawanpaj rejsikapuwarqanchej, imajtinchus ajina kananta qallariymantapacha nerqa.

Marcos 10:15

Kayta sut'ita niykichej: Pichus mana wawa jina Diospa kamachiyninta jap'ikojqa mana jayk'aj chayman yaykonqachu, nispa.

San Mateo 21:16

Chayrayku Jesusta nerqanku: Uyarishankichu kaykuna imatachus nishasqankuta? nispa. Jesustaj kuticherqa: Arí, uyarishani. Qankunarí, manachu jayk'ajpis Diospa Qhelqachisqanpi kay jinata ñawirerqankichej? Chaypi nin: Qanqa juch'uy wawakunata, ñuñojkunatawan ima sumajta yupaychasunankuta yachacherqanki, nispa.

San Mateo 16:17

Chaymanta Jesús nerqa: Kusikuyniyojmin kanki Simón, Jonaspa churin. Chaytaqa mana runachu sut'inchasunki, manachayrí, janaj pachapi kashaj Tata Diosniy chayta sut'inchasunki.

Salmos 8:2

2 (3) Ñuñoj wawakunata, juch'uy wawakunatapis atiyniykimanta parlanankupaj yachacherqanki, ajinata ruwaspataj, awqaykikunata, contraykipi oqharikojkunata ima ch'inyacherqanki.

San Lucas 15:9

Tariytawantaj kawsaqenkunata, llajta masinkunata ima tantaykuspa, paykunata nin: Noqawan kusikuychej, imaraykuchus chinkachisqay qolqeyta tarikapuni, nispa.

San Lucas 15:5

Ovejanta tariytawantaj, michejqa may kusisqa lijrariykukun.

Sofonías 3:17

Tata Diosniykeqa qanwan kashan. Payqa may atiyniyojmin, qhespichisonqataj. Tata Diosqa qanwan kusisqapuni kanqa. Munakuyninwan mosoj kawsayta qosonqa, qanmanta kusikuspataj, raymipi jina takirikonqa, nispa.

Isaías 66:1

Tata Dios nin: Janaj pachaqa noqaj kamachinay tiyana, kay pachataj chakiypa sarunan. Jina kajtenqa, maypitaj wasita ruwapuwankichejmanri? May cheqapitaj noqaqa samarikusajri?

Isaías 53:11

Maypachachus pay rikonqa chay jina llakiyta ñak'arispa imatachus tarisqanta chaypacha, may sonqo junt'asqa kanqa. Cheqan kamachi chay jina ñak'arisqanwan ashkhata cheqanpaj qhawasqa kanankuta ruwanqa, imaraykuchus paykunaj juchankumanta jasut'isqa kanqa.

Isaías 29:14

Chayrayku noqaqa jatuchaj t'ukuna imakunata ruwaspa, kay runakunata t'ukushajta saqesaj. Yachayniyoj runankoj yachayninkoqa chinkaponqa, jinallataj yuyaysapaj yuyayninpis manaña kanqachu, nispa.

San Juan 11:41

Chantá rumita tanqarqanku. Jesustaj patata qhawaspa, nerqa: Tatáy, uyariwasqaykimanta pachis niyki.

Isaías 62:5

Imaynatachus wayna parlakusqan sipaswan casarakun, ajinallatataj Diospis qanta warminpaj oqharikapusonqa. Imaynatachus qhari warmi kusikunku, ajinallatataj Diosniyki qanwan kusikonqa.

Isaías 35:8

Chaypitaj rumiwan chakasqa uj sumaj ñan kanqa, sutintaj kanqa “Juchamanta May Llimphu Kaj Ñan”. Chayninta mana llimphuchasqa runakuna manapuni riyta atenqankuchu, nitaj ima wampu runapis chay ñanta purenqachu.

Salmos 25:14

Tata Dios kawsakun, pikunachus payta may jatun respetowan qhawanku, chaykunawan, tratontapis paykunaman rejsichenqa.

Salmos 24:1

(1b) Tukuy kay pachaqa Tata Diospata, tukuy ima chaypi kajpis. Tukuy kay pachaqa paypatapuni, tukuy chaypi kawsajkunapis.

San Mateo 3:7

Ashkha fariseokuna, saduceokunawan ima Juan bautizasqanta rikoj jamullarqankutaj. Juantajrí paykunata rikuspa, nerqa: Katarikunaj miraynin, pitaj nisorqachej Diospa jamoj, k'araj phiñakuyninmanta ayqenaykichejtari?