San Lucas 10:2 - DIOSPA QHELQACHISQ

² Jesustaj nerqa: Sut'ita niykichej: Poqoyta oqharinaqa ashkhamin, oqharejkunatajrí pisilla kanku. Chayrayku Chajrayojmanta mañakuychej astawan ashkha oqharejkunata kachamunanpaj.

Qheshwa Biblia DC

² Jesustaj nerqa: Cheqamanta cosechanaqa ashkha, oqharejkunataj pisi. Mañakuychej Señormanta astawan oqharejkunata cosechanman kachamunampaj.

DIOSPA QHELQACHISQAN DEUTEROCANONICAL

² Jesustaj nerqa: Sut'ita niykichej: Poqoyta oqharinaqa ashkhamin, oqharejkunatajrí pisilla kanku. Chayrayku Chajrayojmanta mañakuychej astawan ashkha oqharejkunata kachamunanpaj.

Quechua South Bolivia: Dios Parlapawanchej

² Jesuska paycunata nisharka: —Chekapuni runaska uj jatun pokoska trigo chajrajina cancu. Llanc'ajcunarí chayta ruthunancupajka ancha pisis cancu. Chayraycu mañacuychej Diosmanta llanc'ajcunata uskhayta chajranman cachamunanta. Tucuy caytaka paymin camachin.

San Lucas 10:2 Referans Kwoze

1 Tesalonicenses 5:12

Wawqe panakuna, mañarikuyku iglesiata pusarejkunata tukuy respetowan qhawanaykichejta, imajtinchus paykunaqa atisqankuta ruwaspa yachachisunkichej Diosta qhatikojkuna jina kawsanaykichejpaj.

Marcos 16:15

Jesustaj nerqa: Qankuna tukuy kay pachaman riychej, jinaspataj noqamanta sumaj willayta tukuy runaman willamuychej.

2 Timoteo 4:5

Qantajrí tukuy imapipis allin yuyayniyojpuni kay, imata ñak'ariypipis pacienciakuspa. Chantá Jesusmanta sumaj willayta willallaypuni, jinataj imachus ruwanaykitapis allinta ruway.

2 Tesalonicenses 3:1

Kunanqa wawqe panakuna, Dioswan parlarikuspa, noqaykupaj mañaripuwayku Tukuyta Kamachej Jesuspa willachisqan tukuynejpi uyarisqa kananpaj, jatunchasqataj, imaynachus qankuna ukhupi karqa, ajinata.

Marcos 13:34

Chayqa karu llajtaman ripoj runaman rijch'akun. Wasinta saqenanpaj, pay sapa kamachinman imachus ruwanankuta saqesqa. Punkuta qhawajtapis kutimunankama allinta qhawananta kamachisqa.

1 Timoteo 4:10

Chayrayku tukuy sonqo sinch'ita llank'anchej, jinataj mayta kallpakushallanchejpuni, imaraykuchus kawsaj Diospi atinikuspa yanapanawanchejta suyakushanchej. Diosqa tukuy runata qhespichiyta munan, astawanqa pikunachus paypi atinikunku, chaykunata.

Hechos 22:21

Jesustajrí kutichiwarqa: Puririllayña, imaraykuchus noqa karuman kachasqayki, mana judío kajkunaman noqamanta willaranaykipaj, nispa.

Hechos 20:28

Chayrayku qankuna Dioswan imaynatachus purisqaykichejta qhawakuychej. Jinallataj tukuy wawqe panakunatapis michillaychejtaj, imaraykuchus Santo Espíritu qankunata churasorqachej paykunata qhawanaykichejpaj, Diospa Iglesianta michinaykichejpaj ima, mayqentachus Jesucristo kikin yawarninwan rantikorqa, chayta.

Hechos 13:4

Chantá Bernabewan, Saulowan Santo Espíritoj kamachisqanta kasuspa, Seleuciaman rerqanku. Chaymantataj botepi rispa, Chipre churuman chayarqanku.

Hechos 13:2

Uj p'unchay ayunaspa Diosta yupaychashajtinku, Santo Espíritu paykunata nerqa: Bernabeta, Saulotawan t'aqapuwaychej, imapajchus ajllakuni, chayta ruwamunankupaj, nispa.

Hechos 11:19

Runakuna Estebanta wañuchisqankumanta qhepata, paykunallataj Jesusta qhatikoj chay waj wawqekunatapis ñak'arichiyta qallarerqanku. Chay wawqekunataj Jerusalenmanta ch'eqeraspa, Feniciakama, Chiprekama, chantá Antioquiakama ima chayasqanku. Chaypitaj Jesusmanta sumaj willayta judiokunallaman willasqanku, manataj wajkunamanqa.

Hechos 8:4

Jesusta qhatikojkuna Jerusalenmanta ayqespa, maymanchus risqankupi Jesusmanta sumaj willayta willararqanku.

San Lucas 9:1

Uj kuti Jesús chunka iskayniyoj yachachisqankunata tantaykuspa, paykunaman atiyta qorqa, tukuy imaymana supaykunata runamanta qharqonankupaj, onqosqakunatapis qhaliyachinankupaj.

Marcos 16:20

Paypa yachachisqankunataj, tukuynejman rispa Jesusmanta sumaj willayta willaramorqanku. Tukuyta Kamachej Jesuspis paykunata yanapaj, runaj mana jayk'aj rikusqan t'ukunata ruwasqankuwan yachayta qonankupaj yachachisqanku cheqan kasqanta.

San Mateo 20:1

Diospa janaj pacha kamachiynenqa chajrayoj uj runaman rijch'akun, pichus tutamanta uva pallanankupaj peonkunata mink'aj llojsisqa, chayman.

Zacarías 11:17

Ay, imachus kanqa jaqay uywanta saqerpayaj qhella michejmantaqa. Espadawan makinta qholuchunku, paña ñawintapis t'ojsichunku. Makinpis ch'akipuchun, ñawinpis lerq'oyachun, nispa.

Jeremías 3:15

Chantá noqa jina sonqoyoj kamachejkunata churapusqaykichej, paykunataj qankunata sumaj yachaywan, allin yuyaywantaj michisonqachej.

Filipenses 2:25

Yuyarqani wawqey Epafroditota qankunaman kachamunayqa allin kasqanta. Pay yanapawan, noqawan khuskataj Jesusmanta sumaj willayta willanapi sinch'ita sayarqa. Qankunataj payta kachamuwarqankichej, pisichikushajtiy yanapanawanpaj.

Filipenses 2:21

Wajkunarí paykunaj allinnillankuta mask'anku, manataj Cristo Jesuspa munasqantachu.

1 Corintios 12:28

Diostaj Iglesiapi sapa ujta ruwanayojta churan: Ñawpajta Jesuspa kuraj kachankunata, qhepanta Diosmanta sut'inchajkunata, chaymanta nisqanta yachachejkunata, chaymantataj t'ukuna imakunata ruwajkunata, onqosqakunata qhaliyachejkunata, yanapajkunata, iglesiata pusarejkunata, chantá mana rejsisqa parlayta atejkunata ima.

Números 11:17

Noqataj chayman urayk'amuspa, qanwan parlasaj. Chantá qanpi kaj espirituta paykunamanpis qollasajtaj, paykuna kay runakunata pusayta yanapasunankupaj. Ajinamanta qanqa manaña sapallaykichu pusanki.

Colosenses 1:29

Chaypajmin Cristoj atiyninpi atinikuspa, tukuy sonqoywan sinch'ita ruwashani. Cristoj atiynintaj noqapi sinch'ita llank'ashan.

Filipenses 2:30

Epafroditoqa Cristoj ruwananpi kasqanrayku yaqha wañorqa. Noqata yanapawaspa, wañuy patapiña kasharqa, imaraykuchus qankuna karupi kaspa, mana yanapawayta aterqankichejchu.

Hebreos 3:6

Cristorí Diospa Churin kaspa, Diospa ayllunpi imachus ruwananta sumajta junt'arqa. Noqanchejmin chay ayllun kanchej, sichus sonqonchejpi kallpachakusunchej, chantá Cristopi atinikuspa allin kajta suyakusqanchejpi sinch'ita sayasunchej chayqa.

1 Tesalonicenses 2:9

Wawqe panakuna, qankuna yuyarikushankichejpuni kawsanaykupaj sayk'uy sayk'uyta imatachus ruwasqaykuta. Diospa sumaj willayninta qankunaman willashaspa, mikhunaykupaj tuta p'unchay llank'aspa karqayku, ama pipis mikhuchinawaykumanta phutikushanaykichejpaj.

Colosenses 4:12

Qankunamanta ujniykichej, Cristoj kamachin Epafras napaykamullasunkichejtaj. Payqa Dioswan parlarikuspa mañapusunkichejpuni Tata Dios kallpachanasuykichejpaj, yuyayninpiña kanaman chayanaykichejpaj, chantá Diospa munasqanta junt'anaykichejpaj ima.

2 Corintios 6:1

Ajina ari, Diospa ruwayninpi yanapakojkuna kaspa, noqayku mañarikuyku ama pisipaj qhawanaykichejta Diospa qhasilla k'acha yanapayninta jap'isqaykichejta.

1 Corintios 15:10

Chaywanpis, Diospa qhasilla k'acha yanapayninrayku Jesuspa kachan kani. Chay k'acha yanapaynintaj noqapaj mana qhasipajchu karqa, imajtinchus tukuy kuraj kachakunamanta nisqaqa noqa astawan Diospaj llank'arqani. Chaywanpis mana kallpallaywanchu llank'arqani, aswanpis Dios noqanejta k'acha yanapayninwan yanapawasqanrayku llank'arqa.

Zacarías 11:5

Chaykunata rantikojkunaqa mana llakikuspa ñak'anku. Vendejkunataj ninku: Pachis Tata Diosman, imaraykuchus qhapajña kani, nispa. Ni michejninkupis paykunamanta khuyakunkuchu.

1 Reyes 18:22

Chantá Eliasqa runakunata nillarqapuni: Tata Diosmanta sut'inchajqa noqalla qhepakuni, Baalmanta sut'inchajkunarí 450 kanku.

Números 11:29

Moisestajrí kuticherqa: Ama qan chaymanta llakikuychu. Allin kanman Tata Diosqa tukuy israelitakunaman espiritunta qonan, jinamanta Tata Diosmanta sut'inchanankupaj, nispa.

Filemón 1:1

Munasqa yanapajniyku Filemón, noqa Pablo Timoteowan khuska, kay cartata qhelqaspa, qanman apachimuyki. Yachanki jina, noqa Jesucristomanta parlasqayrayku preso kashani.

Salmos 68:11

11 (12) Tukuyta Kamachej Dios ujta parlarqa, ashkha warmitaj chay sumaj willaykunata willarqanku:

Apocalipsis 2:1

Chantá pay niwarqa: Éfeso llajtapi iglesiaj angelninman kay nisqayta qhelqay: Pichus paña makinpi qanchis ch'askakunata jap'ej, chantá qanchis qorimanta lamparakunaj chawpinpi purej kay jinata nisunki: