San Lucas 1:51 - DIOSPA QHELQACHISQ

⁵¹ Makinwan Dios atiyninta rikuchin, ch'eqerachintaj runaykachajkunata, churanakojkunata ima.

Qheshwa Biblia DC

⁵¹ Makinwantaj atiyninta rikucherqa; ch'eqeracherqataj tukuy jatunchakojkunata sonqonkupi yuyayninkupi ima.

DIOSPA QHELQACHISQAN DEUTEROCANONICAL

⁵¹ Makinwan Dios atiyninta rikuchin, ch'eqerachintaj runaykachajkunata, churanakojkunata ima.

Quechua South Bolivia: Dios Parlapawanchej

⁵¹ Dios atiyninwan jatuchej ruwanasta ruwarka. Payka tucuy jatunchacojcunata atipaspa aykeracherka.

San Lucas 1:51 Referans Kwoze

Salmos 98:1

(1b) Tata Diosman uj mosoj takiyta takiychej, manchayta t'ukunata pay ruwasqanrayku. Payqa sinch'i kallpanwan, sinch'i atiyninwan ima tukuy awqankunata atipan.

Isaías 52:10

Tata Diosqa makinta q'empirakun atiyninta rikuchinanpaj tukuy suyoj ñawpaqenkupi. Chantá tukuy kay pachaj k'uchunpi tiyakojkunaqa Diosninchej kacharichiwasqanchejta rikonqanku.

Isaías 51:9

Rijch'ariy, Tata Dios, rijch'ariy, atiyniykiwan kacharichiwayku, imaynatachus unay ruwaj kanki, ajinata. Imaynatachus ñawpa tataykukunaj tiemponpi ruwarqanki, ajinata ruway. Qanqa Rajabta chhikan chhikanta t'isarparerqanki, mama qochapi tiyaj sierpetataj t'unarparerqanki.

Romanos 1:21

Ajinata Diosta rejsishaspapis, paykuna mana Diosta jinachu payta jatuncharqanku, nitaj pachis nerqankuchu. Astawanqa Diosmanta qhasi manakaj yuyanata wakicherqanku. Ajinata yuyasqankuraykutaj yuyayninku laqhayachisqa karqa, chantá uma muyusqa jina karqanku.

Daniel (hebreo) 4:37

37 (34) Chayrayku noqa Nabucodonosorqa janaj pachapi Kuraj Kamachej Diosta yupaychani. Sutinta pataman oqharini, jatunchanitaj, imaraykuchus tukuy ruwasqanqa cheqapuni, cheqantaj. Chantá pay jatunchakojkunatapis k'umuykuchiyta atillantaj.

Isaías 63:12

Maypitaj kashan pichus jatun atiyninta Moisesta yanapananpaj churarqa, chayri? Maytaj kunan pichus israelitakunaj ñawpaqenkupi yakuta iskayman t'aqarqa, chayri? Ajinamanta Tata Diosqa atiyniyoj kasqanta wiñaypaj rikucherqa.

Isaías 40:10

Tukuyta Kamachej Tata Dios jatun atiyninwan jamuspa, atiyniyoj makinwan tukuy imata k'umuykuchin. Payqa ayllunta kacharichiytawan, paykunata pusamushan.

Salmos 118:15

Cheqanta ruwajkunaj wasinkupi atipasqankurayku kusiymanta takisqanku uyarikun: Tata Dios jatun atiyninwan t'ukuna imakunata ruwan, nispa.

Salmos 89:10

10 (11) Chantá mama qochapi jatun sierpeta chakiykiwan saruspa, wañusqata jina ruwarqanki, awqaykikunatataj makiykej kallpanwan ch'eqeracherqanki.

Génesis 6:5

Tata Diosrí rikorqa kay pachapi runakunaj millayta ruwasqanku anchañapuni kasqanta. Jinallataj Tata Dios yacharqa runakuna qhepanejman millayta ruwaspa purinallapipuni yuyasqankuta.

Apocalipsis 18:8

Ajinata nisqanrayku uj p'unchaylla kay ñak'ariykuna payman jamonqa: Wañuy, waqay, yarqhay ima. Chantá ninawan ruphaykuchisqa kanqa, imaraykuchus Tukuyta Kamachej, Tukuy Atiyniyoj Diosmin payta juzganqa, nispa.

1 Pedro 5:5

Jinallataj waynakuna, qankunapis iglesiapi kurajkunawan k'umuykukoj sonqo kaychej. Chantá tukuy wawqe panakuna purajmanta kasunakuspa, llamp'u sonqo kaychej, imaraykuchus Diospa Qhelqachisqanpi nin: Diosqa runaykachajkunaman sayaykun, llamp'u sonqoyojkunatataj k'acha kayninwan yanapan, nispa.

2 Corintios 10:5

Noqayku phiriyku, pikunachus may kasqankuta yuyakuspa wajkunata jark'anku Diosta ama rejsinankupaj, chaykunaj pantasqa yachachisqankuta. Jinallataj Diospa contranpi yuyasqanku pantasqa kasqanta rikuchispa, paykunaman Cristota kasuyta yachachiyku.

Salmos 89:13

13 (14) Makiykeqa sinch'i atiyniyojmin, paña makiykitaj atipananpaj kallpayojmin.

Salmos 63:5

5 (6) Almayqa may kusisqa, sajsasqataj kanqa, jatun mikhuypi misk'i mikhunawan sajsakoj runa jina. Chantá kusiy takiykunawan yupaychasqayki.

Salmos 52:9

9 (11) Tukuy ruwasqaykimanta, Diosníy, wiñaypaj pachis nisqayki. Noqaqa kasusojkunaj ñawpaqenkupi qanpi atinikusaj, imaraykuchus qan k'acha kanki.

Salmos 33:10

Tata Diosqa suyukunaj wakichikusqankuta manakajman tukuchin. Diosta mana manchachikoj runakunaj yuyasqankutapis chawarachin.

Deuteronomio 4:34

Uj diosllapis kanchu, uj suyuta tukuy suyoj chawpinkumanta ajllakoj, imaynatachus Tata Dios Egiptopi qankunawan ruwarqa, ajinata ruwajqa? Tata Diosmin ñawpaqeykichejpi tukuy imaymana t'ukunata ruwaspa, maqanakuspa, may jina atiyniyoj kasqanta rikuchispa, t'ukuspa mancharinapaj jina imakunata ruwarqa.

Éxodo 18:11

Kunan yachani Tata Diosqa tukuy dioskunamanta nisqaqa astawan atiyniyoj kasqanta. Payqa runaykachaj Egipto llajtayojkunaj ñak'arichisqankumanta ayllunta kacharicherqa, nispa.

Génesis 8:21

Q'olachispa jaywanaj q'aparisqanqa Tata Diospaj ima munay karqa. Chayrayku Dios nerqa: Noqaqa runaj juchanrayku kay pachata manaña ujtawan maldicisajchu. Runa wawamantapacha mana allinta ruwanallapipuni yuyan chaypis, manaña noqa tukuy kawsajta tukuchisajchu, kunan imaynatachus tukucherqani, jinataqa.

Génesis 11:8

Ajinata Tata Diosqa tukuynejman runakunata ch'eqeracherqa, chayraykutaj paykuna llajtata ruwashasqankuta saqerqanku.

Jeremías 49:15

Tata Diosqa Edomta nin: Noqa tukuy suyumanta aswan juch'uy kanaykipaj ruwasqayki, jinallataj runakuna ukhupi pisipaj qhawasqa kanki.