Levítico 9:7 - DIOSPA QHELQACHISQ

⁷ Chaymanta Moisesqa Aaronta nillarqataj: Altarman qayllaspa, jucha pampachasqa kananpaj jaywanaykita jayway. Chantá q'olachina jaywanaykitapis jaywallaytaj. Ajinata ruwanki qanpa juchallisqayki, jinataj israelitakunaj juchallisqankupis pampachasqa kananpaj. Chantá israelitakunaj apamusqankuta Diosman jayway, juchallisqanku pampachasqa kananpaj. Ajinata Tata Diospa kamachisqanman jina ruwanki, nispa.

Qheshwa Biblia DC

⁷ Chaymanta Moisesqa Aaronman nerqa: Altarman qayllamuy, Señormantaj juchasrayku rikuchikuta jayway, chay uj uywatawan, juchasniykej cuentamanta, israelitaspa juchasninkoj cuentanmantawan jaywanayki tiyan chayta, ruphachisqa kanampaj. Jaywallaytaj israelitaspa rikuchikunkuta juchasninku pampachasqa kanampaj, Señorpa kamachisqanman jina.

DIOSPA QHELQACHISQAN DEUTEROCANONICAL

⁷ Chaymanta Moisesqa Aaronta nillarqataj: Altarman qayllaspa, jucha pampachasqa kananpaj jaywanaykita jayway. Chantá q'olachina jaywanaykitapis jaywallaytaj. Ajinata ruwanki qanpa juchallisqayki, jinataj israelitakunaj juchallisqankupis pampachasqa kananpaj. Chantá israelitakunaj apamusqankuta Diosman jayway, juchallisqanku pampachasqa kananpaj. Ajinata Tata Diospa kamachisqanman jina ruwanki, nispa.

Levítico 9:7 Referans Kwoze

Hebreos 5:3

Chayrayku payqa uywata ñak'aspa, Diosman jaywan ajinamanta juchan pampachasqa kananpaj. Chantá runakunaj juchanku pampachasqa kananpaj uywa ñak'asqata jaywanallantaj tiyan.

Hebreos 5:1

Diosqa tukuy kuraj kaj sacerdotekunata runakuna ukhumanta ajllan, paykuna runakunaj sutinkupi Diospa ñawpaqenpi rikhurinankupaj. Jinataj kuraj kaj sacerdoteqa runakunaj sutinpi jaywanakunata Diosman jaywan, jinallataj jucha pampachasqa kananpaj uywa ñak'asqa q'olachinatapis.

Hebreos 9:7

Diosllapaj T'aqasqa Cheqamanrí, watapi uj kutita kuraj kaj sacerdotella yaykoj. Chayman uywa ñak'asqaj yawarnin aparisqa yaykoj. Chay yawartataj Diosman jaywanan karqa, paypa juchanta Dios pampachananpaj, chantá runakuna mana reparakuspalla juchallikusqanku, chaytawan Dios pampachananpaj.

Levítico 4:3

Sichus kuraj kaj sacerdote juchallinman chayqa, tukuy israelitakuna juchayojllataj rikhurenqanku. Jina kajtenqa, juchallisqan pampachasqa kananpaj sacerdoteqa mana iman imanasqa torillota Tata Diosman jaywanqa.

1 Samuel 3:14

Chayrayku Elíj ayllunpa contranpi tiluspa, nini: Juchankoqa mana jayk'ajpis pampachasqachu kanqa, ni uywa ñak'asqa jaywanawan, ni ofrendawanpis, nispa.

Levítico 9:2

Chantá Moisés Aaronta nerqa: Juchata pampachanapaj uj torillota apamuy. Jinallataj q'olachispa jaywanapaj mana iman imanasqa corderotawan apamullaytaj. Jinaspataj chaykunata Tata Diosman jayway.

Levítico 8:34

Tata Dios kamacherqa juchaykichej pampachasqa kananpaj kunan imatachus ruwarqanchej, chayta ruwanata.

Levítico 16:6

Chantá Aaronqa chay torillota ñak'aspa, Tata Diosman jaywanqa paypa juchan, jinataj ayllunpa juchan pampachasqa kananpaj.

Levítico 16:11

Chantá Aaronqa paypa juchan, chantá ayllunpa juchan pampachasqa kananpaj torillota ñak'aspa, Tata Diosman jaywanqa.

Levítico 16:24

Jinaspataj, Diospaj T'aqasqa Cheqapi yakuwan mayllakuspa, waj p'achata churaykukuytawan llojsimonqa. Chantá payrayku, jinataj tukuy israelitakunarayku jaywanata q'olachispa Tata Diosman jaywanqa. Ajinata ruwaspa, paypa juchan, chantá israelitakunaj juchankupis pampachasqa kananta tarenqa.