Levítico 9:24 - DIOSPA QHELQACHISQ

²⁴ Chaymantataj Tata Diospa ñawpaqenmanta nina llojsimuspa, altarpi aychata, wiratawan ima q'olaykorqa. Chayta rikuspataj, tukuy israelitakuna kusikuspa qhaparerqanku, chantá pampakama k'umuykorqanku.

Qheshwa Biblia DC

²⁴ Señorpa ñaupaqenmantataj nina lauray llojserqa, chaytaj rupharqa altar patapi kasharqa chay jaywasqa uywasta, wirastawan. Chayta rikuspataj tukuynin israelitas kusiywan qhaparerqanku, k'umuykorqankutaj pampaman umasninkuta chayachinankukama.

DIOSPA QHELQACHISQAN DEUTEROCANONICAL

²⁴ Chaymantataj Tata Diospa ñawpaqenmanta nina llojsimuspa, altarpi aychata, wiratawan ima q'olaykorqa. Chayta rikuspataj, tukuy israelitakuna kusikuspa qhaparerqanku, chantá pampakama k'umuykorqanku.

Levítico 9:24 Referans Kwoze

Jueces 6:21

Jinapi angelqa varawan chay aychata, jinataj chay t'antata llankhajtinkama, chay chhankamanta nina lawray llojsimuspa, aychata, t'antatapis q'olaykorqa. Chaymantaqa Tata Diospa angelnin chinkariporqa.

1 Crónicas 21:26

Chaypitaj David Tata Diospaj uj altarta ruwarqa. Chantá uywata ñak'aspa q'olacherqa, jinataj allinyakuy jaywanatawan qorqa. Chaymantataj Tata Diosmanta mañakorqa, Diostaj Davidpa mañakusqanta uyarispa, janaj pachamantapacha ninata kachaykamorqa, chay ninataj altar patapi jaywanata q'olaykorqa.

Salmos 80:1

1 (2) Israelta michej Dios, uywariwayku. Qanqa José aylluta ovejata jina pusaykachanki, kamachinayki tiyanataj querubinkunaj chawpinkupi kashan.

Jueces 13:23

Warmintajrí kuticherqa: Sichus Tata Dios wañuchiyta munawasunman karqa chayqa, manachari q'olachisqanchejta, nitaj ofrendanchejtapis jap'iwasunmanchu karqa. Nillataj kay imakunata rikuchiwasunmanchu karqa. Manallataj kay tukuyta willawasunmanchu karqa, nispa.

Levítico 6:13

13 (6) Altar patapi ninaqa lawrallanqapuni, manataj jayk'aj wañunanchu tiyan.

Éxodo 3:2

Chaypitaj uj t'ankar sach'api nina lawrashaj chawpipi Tata Diospa angelnin rikhurerqa. Moisestaj t'ankarta nina mana ruphasqanta rikuspa,

Génesis 15:17

Laqhayaykuytataj uj horno manchayta q'oshñishaj rikhurerqa, jinallataj lawrashaj nina, chaykunataj uywa ñak'asqaj chawpinta pasasharqa.

Apocalipsis 7:11

Chantá tukuy angelkuna kamachina tiyanaj muyuyninpi sayasharqanku, kurajkunaj, chantá tawa kawsajkunaj muyuyninpi ima. Jinallataj kamachina tiyanaj ñawpaqenpi pampakama k'umuykuspa, Diosta yupaycharqanku.

Apocalipsis 5:8

P'anqata jap'isqantawantaj, chay tawa kawsajkuna, chantá chay iskay chunka tawayoj kurajkuna ima Corderoj ñawpaqenpi pampakama k'umuykorqanku. Sapa ujninku arpata jap'isharqanku, chantá qorimanta copapi inciensowan junt'asqata. Copapi inciensoqa Diospa ajllakusqanpa mañakusqankuwan ninakorqa.

San Mateo 26:39

Aswan ñawpajman rispataj, Jesús pampakama k'umuykuytawan, Diosmanta mañakorqa: Tatáy, atikojtenqa, imatachus ñak'arinaymanta kacharichiway ari. Chaywanpis, ama noqaj munaynillay kachunchu, manachayqa qanpa munayniyki ruwasqa kachun, nispa.

Esdras 3:11

Ujkuna yupaychaspa takerqanku, wajkunataj Tata Diosman pachis nispa, nerqanku: Payqa may k'achapuni, Israeltaqa wiñaypaj munakun, nispa. Chantá tukuy runakuna kusiywan qhaparispa, Tata Diosta yupaycharqanku, paypa Templonta watejmanta ruwayta qallarishajta rikusqankurayku.

Apocalipsis 4:9

Chay kawsajkunaqa kamachina tiyanapi tiyasqa kajta pachis nispa yupaychanku, pichus wiñay wiñaypaj kawsan, chayta.

2 Crónicas 6:2

Noqatajrí Templota ruwachipuyki chaypi wiñaypaj tiyakunaykipaj, nispa.

2 Reyes 19:15

Chantá payqa Tata Diosmanta ajinata mañakorqa: Israelpa Tata Diosnin, querubinkunaj chawpinkupi tiyakoj, qanllamin kay pachapi tukuy suyoj Diosnin kanki. Qanlla janaj pachata, kay pachatawan ruwarqanki.

Números 16:22

Chayta uyarispa, Moiseswan, Aaronwan pampakama k'umuykuspa, nerqanku: Diosniyku, tukuy runaman kawsayta qoj, uj runa juchallisqanraykuchu kay tukuy runaj contrankuta phiñakunki? nispa.

Números 14:5

Chantá Moiseswan, Aaronwan ima tukuy israelitakuna rikushajtinku, pampakama k'umuykorqanku.

Génesis 17:3

Chantá Abram pampakama k'umuykorqa. Diostaj payta nillarqataj:

Levítico 10:2

Jinapi Tata Diospa ñawpaqenmanta ujllata nina llojsimuspa, paykunata ruphaykorqa. Ajinata Tata Diospa ñawpaqenpi iskayninku wañorqanku.

Números 23:21

Payqa Jacobpa mirayninpi mana ni ima millay ch'ichita tarinchu, nillataj Israelpi ch'ichi kajta ruwanata rikunchu. Tata Diosninkoqa paykunawan kashan, paykunataj Diosta kuraj kamachejninkuta jina jatunchanku.