Levítico 8:35 - DIOSPA QHELQACHISQ

³⁵ Chayrayku qankunaqa qanchis p'unchay junt'ata, tuta p'unchay Dioswan Tinkukuna Toldo punkupi kanaykichej tiyan. Ama wañuchisqa kanaykichejpaj, Tata Diospa kamachisqanta kasuychej. Ajinata Tata Dios kamachiwarqa, nispa.

Qheshwa Biblia DC

³⁵ Chayrayku qankunaqa Dioswan tinkukuna toldo punkupi kanaykichej tiyan tuta p'unchay, qanchis día junt'ata. Señorpa kamachisqanta kasuychej, manataj wañunkichejchu. Ajinata ari Señorqa kamachiwarqa.

DIOSPA QHELQACHISQAN DEUTEROCANONICAL

³⁵ Chayrayku qankunaqa qanchis p'unchay junt'ata, tuta p'unchay Dioswan Tinkukuna Toldo punkupi kanaykichej tiyan. Ama wañuchisqa kanaykichejpaj, Tata Diospa kamachisqanta kasuychej. Ajinata Tata Dios kamachiwarqa, nispa.

Levítico 8:35 Referans Kwoze

1 Reyes 2:3

Tata Diosniykej kamachisqanta junt'ay, munasqanman jina ruwaspa. Chantá Diospa tukuy kamachisqanta kasuypuni, imaynachus Moisespa kamachisqanpi qhelqasqa kasqanman jina, tukuy ima ruwasqaykipi, tukuy imata ruwaj churakusqaykipipis allin risunanpaj.

Deuteronomio 11:1

Tata Diosniykichejta munakuychej, paypa nisqantataj tuta p'unchay junt'aychej. Kamachisqankunata, yachachisqankunata ima kasuychej.

Números 9:19

Sichus phuyu Dioswan Tinkukuna Toldo patapi unayta sayaj chayqa, israelitakuna Tata Diosta kasuspa, mana chaymanta purirejchu kanku.

Números 3:7

Eleazarwan chantá Itamarwan ima Aaronta, jinallataj tukuy israelitakunata Dioswan Tinkukuna Toldopi yanapanankupaj kanqanku. Jinallataj Dioswan Tinkukuna Toldopi imachus ruwanankuta ruwanqanku.

Hebreos 7:28

Moisespa kamachisqanqa pisi kallpa runakunatamin churarqa kuraj kaj sacerdotekuna kanankupaj. Chaywanpis Moisespa kamachisqanmanta qhepata Dios tiluspa Churinta Kuraj Kaj Sacerdotepaj churarqa. Kunantaj payqa wiñaypaj mana pantayniyoj Kuraj Kaj Sacerdote.

2 Timoteo 4:1

Noqaqa Diospa ñawpaqenpi, chantá Cristo Jesuspa ñawpaqenpipis, pichus Kuraj Kamachej jina kamachinanpaj jamuspa kawsajkunata, wañusqakunatapis juzganqa, chaypa ñawpaqenpi, kayta ruwanaykita kamachiyki:

1 Timoteo 6:20

Timoteóy, allinta waqaychay, imatachus Dios qosorqa, chayta. Qhesachay Diosman mana kutirikojkunaj qhasi manakaj thawtisqankuta, churanakuyta ima, mayqenmantachus wakinkuna pantaspa, yuyanku cheqa yachay kasqanta, chaykunata.

1 Timoteo 6:17

Timoteo, kay pachapi qhapajkunata kamachiy ama umata oqharinankuta, amataj tiyapuyninkupi atinikunankuta, imaraykuchus qhapajyayqa tukukapojlla. Manachayqa kawsaj Diospi atinikuchunku, pichus mana mich'akuspa tukuy imata qowanchej chaykunawan kusisqa kawsananchejpaj, chaymanta.

1 Timoteo 6:13

Kunanqa kayta kamachiyki, pichus tukuy imaman kawsayta qoj Tata Diospa ñawpaqenpi, jinallataj Jesucristoj ñawpaqenpipis, pichus Poncio Pilatoj ñawpaqenpi Diospi atinikunamanta sut'ita willarqa, chaypa ñawpaqenpi:

1 Timoteo 5:21

Noqaqa Diospa ñawpaqenpi, Tukuyta Kamachej Jesucristoj ñawpaqenpipis, chantá ajllasqa angelkunaj ñawpaqenpiwan ima kamachiyki kay kamachisqata junt'anaykita ama pitapis qhawaraspa, nitaj pimanpis uyata orqhospa.

1 Timoteo 1:18

Timoteo wawáy, kayta ruwanaykita kamachiyki, imaynatachus ñawpajta qanmanta sut'incharqanku, chayman jina, ajinamanta sumaj soldado jina sumajta maqanakunaykipaj:

2 Corintios 7:1

Ajinaqa, munasqa wawqe panakuna, Dios chay imakunata qonawanchejta nin. Chayrayku tukuy mana allin kajmanta karunchakuna, jinataj sonqonchejtapis tukuy ch'ichi kajmanta llimphuchana. Chantá Diosta may jatun respetowan qhawaspa, atisqanchejta ruwana pay jina llimphupuni kananchejpaj.

Ezequiel 48:11

Chay tukuy jallp'aqa Sadocpa mirayninmanta kaj sacerdotekunapaj t'aqasqa kanqa. Paykunaqa kamachisqayta kasorqanku. Israelitakunaqa levitakuna jina mana nisqaymanta karunchakorqankuchu.

Ezequiel 43:25

Qanchis p'unchay junt'ata sapa p'unchay uj chivota jucharayku ñak'aspa jaywallanqankutaj. Jinallataj uj mana iman imanasqa torillota, uj mana iman imanasqa carnerotawan ñak'aspa jaywallanqankutaj.

Números 19:12

Kinsa kaj p'unchaypi, qanchis kaj p'unchaypiwan, llimphuchakunapaj yakuwan mayllakonqa, chantá llimphupaj qhawasqa kanqa. Sichus mana kinsa kaj p'unchaypi, nitaj qanchis kaj p'unchaypipis llimphuchakonqachu chayqa, mana llimphupaj qhawasqa kanqa.

Levítico 14:8

Pichus llimphuchakojqa p'achanta t'ajsanan tiyan, jinallataj tukuy chujchanta raphakonqa. Chantapis mayllakullanqataj, ajinamanta llimphupaj qhawasqa kanqa. Chaymantaraj jaraman yaykuponqa. Chaywanpis qanchis p'unchaytaraj paypa toldonmanta jawallapi tiyakonqa.

Levítico 10:1

Uj kuti Aaronpata churinkuna Nadabwan, Abiuwan ima sapa uj incienso q'oshñichinata oqharikuspa, ninata churarqanku. Chantá ninaman inciensota churaspa, Tata Diosman jaywarqanku, mana kamachisqanman jinachu.

Levítico 8:30

Chantá Moisés jawina aceiteta, chantá altar patapi kashaj yawartawan oqharispa, Aaronta, churinkunatawan ima ch'ajchorqa. Jinallataj sacerdote p'achankutapis ch'ajchullarqataj. Ajinata Moisesqa Aaronta, churinkunata, chantá sacerdote p'achankutawan ima Tata Diospaj t'aqarqa.

Éxodo 29:35

Imaynatachus kamachisusqayman jina, ajinata Aaronwan, churinkunawan ima ruwanki. Sacerdoteykuna kanankupaj t'aqaspa, qanchis p'unchayta chay tukuy imata ruwanki.

Levítico 8:34

Tata Dios kamacherqa juchaykichej pampachasqa kananpaj kunan imatachus ruwarqanchej, chayta ruwanata.

Levítico 8:36

Chantá Aaronwan, churinkunawan ima Moisesnejta Tata Dios tukuy kamachisqanta ruwarqanku.