Levítico 8:22 - DIOSPA QHELQACHISQ

²² Chaymanta Moisés Tata Diospaj t'aqasqa kanapaj jaywana ujnin kaj corderotañataj apachimorqa. Chantá Aaronwan, churinkunawan ima, uywaj umanman makinkuta churarqanku.

Qheshwa Biblia DC

²² Chay qhepata Moisesqa apachimorqa ujnin corderotañataj llimphuchakuypaj kajta. Chaypa umanmantaj Aaronwan wawasninwan makisninkuta churarqanku.

DIOSPA QHELQACHISQAN DEUTEROCANONICAL

²² Chaymanta Moisés Tata Diospaj t'aqasqa kanapaj jaywana ujnin kaj corderotañataj apachimorqa. Chantá Aaronwan, churinkunawan ima, uywaj umanman makinkuta churarqanku.

Levítico 8:22 Referans Kwoze

Levítico 8:2

Aaronta, churinkunatawan ima wajyachiy. Chantá sacerdotekunapaj p'achata, jawina aceiteta ima oqharikuy, jinallataj jucha pampachasqa kananpaj jaywana torillota, iskay corderota, canastapi mana levadurayoj t'antatawan.

Efesios 5:27

Ajinata ruwarqa pay kikinman Iglesiata pusananpaj sumaj k'ancharishajta, mana ch'ichiyojta, mana k'usuyojta, nillataj iman imanasqata. Manachayqa juchamanta t'aqasqa kanqa, mana imamanta k'aminataj.

Efesios 5:25

Qosakuna, sapa ujpis warmiykichejta munakuychej, imaynatachus Cristo Iglesiata munakuspa payrayku kawsayninta qorqa, ajinata.

2 Corintios 5:21

Cristoqa mana jayk'ajpis juchallerqachu. Chaywanpis Diosqa noqanchejrayku Cristoman tukuy juchanchejta q'epiricherqa juchanpis kanman jinata, ajinamanta noqanchej Cristoman ujchasqa kaspa, Diospa ñawpaqenpi cheqan runapaj qhawasqa kananchejpaj.

1 Corintios 1:30

Chaywanpis kikin Diosmin qankunata Cristo Jesuswan ujchaykorqasunkichej. Cristowan ujchasqa kasqaykichejraykutaj qankuna yachayniyoj kankichej. Jinallataj Cristo Diospa ñawpaqenpi cheqan runapaj qhawasqa kananchejpaj ruwawarqanchej, jinallataj juchamanta t'aqasqa llimphu, chantá juchamanta kacharichisqa kananchejpaj ima.

San Juan 17:19

Paykunarayku wañunaypaj kawsayniyta qanman jaywayki, ajinamanta paykunapis cheqa kajta jap'ikusqankunejta qanpaj t'aqasqallataj kanankupaj.

Levítico 8:29

Chantá Moisés uywaj qhasqonta oqharerqa, ikhaspataj, Tata Diosman jaywarqa. Tata Diospa kamachisqanman jina, Diospaj t'aqasqa kanapaj jaywasqa corderomanta qhasqon Moisespaj kanan karqa.

Levítico 7:37

Chaykunamin kamachisqakuna kashan: Q'olachispa jaywanamanta, ch'aki mikhuyta jaywanamanta, jucha pampachasqa kananpaj jaywanamanta, jucharayku jaywanamanta, t'aqasqa kaspa jaywanamanta, chantá allinyakuy jaywanamanta.