Levítico 7:21 - DIOSPA QHELQACHISQ

²¹ Ichapis pipis runaj ch'ichinta llankhanman, chayrí ch'ichipaj qhawasqa animalta, chayrí ima ch'ichillatapis llankhanman, jinapis Tata Diosman k'achata kawsakuy jaywanamanta mikhunman chayqa, llajtamanta wijch'usqa kanqa, nispa.

Qheshwa Biblia DC

²¹ Pillapis runaj ch'ichisninta, chayri uywaj ch'ichisninta llankhaspa, chayri ima mana allimpaj qhawasqata llujchispa, allinyakuy rikuchiku jaywasqa aychata mikhunman Señorpata karqa chayta chayqa, chay runa ayllun ukhumanta chinkachisqa kanqa.

DIOSPA QHELQACHISQAN DEUTEROCANONICAL

²¹ Ichapis pipis runaj ch'ichinta llankhanman, chayrí ch'ichipaj qhawasqa animalta, chayrí ima ch'ichillatapis llankhanman, jinapis Tata Diosman k'achata kawsakuy jaywanamanta mikhunman chayqa, llajtamanta wijch'usqa kanqa, nispa.

Levítico 7:21 Referans Kwoze

Ezequiel 4:14

Noqatajrí kuticherqani: Ay, Tukuyta Kamachej Tata Diosníy, manapuni jayk'aj ima millay ch'ichipaj qhawasqata llankharqanichu, nillataj jayk'ajpis pay kikinmanta wañusqa uywaj aychanta mikhorqanichu, nitaj k'ita animalkunaj uywa wañuchisqan aychata, nillataj ch'ichipaj qhawasqa aychatapis, nispa.

Levítico 12:1

Tata Dios Moiseswan parlaspa, nillarqataj:

Levítico 11:20

Jinallataj tukuy imaymana lijrayoj khuruta, jinataj pampata purej tukuy imaymana khuruta ch'ichipaj qhawankichej.

Deuteronomio 14:10

Mana llikha lijrayojkunata, mana qherpayojkunata imaqa ama mikhunkichejchu. Chaykunataqa ch'ichipaj qhawankichej.

Deuteronomio 14:3

Imachus ch'ichipaj qhawasqa kajtaqa ama mikhunkichejchu.

Levítico 22:4

Sichus Aaronpa mirayninmanta mayqen qharillapis llejtiwan onqosqa kashaspa, chayrí phichilunmanta q'eya surumunman chayqa, llimphupaj qhawasqa kananpaj llimphuchakunankama Diospaj t'aqasqa mikhunamanta mana mikhuyta atenqachu. Pichus ayarayku ch'ichipaj qhawasqa imakunata llankhaj, chayrí pichus mujun llojsirparejta llankhaj,

Levítico 18:29

Pillapis chay jina millayta ruwajqa llajtanmanta chinkachisqa kanqa.

Levítico 17:14

Tukuy kawsajpa kawsaynenqa yawarpi kashan. Chayrayku israelitakunata nini: Ni ima animalpa yawarninta mikhunkichejchu, imaraykuchus tukuy kawsajpata yawarninpi kawsaynin kashan. Chayrayku yawarta mikhoj runaqa chinkachisqa kanqa.

Levítico 17:10

Tata Dios israelitakunata nillarqataj: Sichus uj israelita, chayrí qankunawan tiyakoj waj llajtayojpis yawarta mikhunman chayqa, noqa paypa contranpi sayaykusaj, chantá ayllun ukhumanta payta chinkachisaj.

Levítico 7:27

Pichus ima animalpallatapis yawarninta mikhojqa llajtamanta wijch'usqa kanqa, nispa.

Levítico 7:25

Sichus pipis Tata Diosman q'olachispa jaywana uywaj wiranta mikhonqa chayqa, chinkachisqa kanqa.

Levítico 7:20

Sichus pipis mana llimphupaj qhawasqa kashaspa, Tata Diosman allinyakuy jaywasqamanta aychata mikhunman chayqa, chinkachisqa kanqa.

Éxodo 12:19

Qanchis p'unchayta wasiykichejpi mana levadura kananchu tiyan. Sichus pipis levadurayojta imatapis mikhunman chayqa, pay israelitakuna ukhumanta wijch'usqa kanqa, Israel llajtayoj kachun, chayrí waj llajtayojpis.

Éxodo 12:15

Qanchis p'unchayta mana levadurayoj t'antata mikhunkichej. Ajinaqa, raymi qallariymantapacha wasiykichejpi manapuni levadura kananchu tiyan. Pillapis chay qanchis p'unchaypi levadurayoj t'antata mikhojqa israelitakuna ukhumanta wijch'usqa kanqa.

Génesis 17:14

Pichus mana circuncidasqa kajrí, qankuna ukhumanta wijch'usqa kanqa, trato ruwasqayta mana kasusqanrayku, nispa.

Levítico 7:22

Tata Dios Moisesta nillarqataj:

Levítico 22:3

Nillaytaj: Kunanmanta qhepamanqa Aaronpa mirayninmanta sichus mayqellanpis mana llimphupaj qhawasqa kashaspa, israelitakuna noqapaj t'aqaspa apamuwasqankuman qayllanman chayqa, payqa ñawpaqeymanta chinkachisqa kanqa. Noqamin Tata Dios kani.

Números 19:22

Mana llimphupajchu qhawasqa runaj tukuy imata llankhasqanqa ch'ichipaj qhawasqallataj kanqa. Pichus mana llimphupaj qhawasqa runata llankhajpis, ch'isiyaykuykama mana llimphupaj qhawasqallataj kanqa.

1 Samuel 20:26

Chay p'unchaypi Saulqa mana imatapis nerqachu. Jinapis sonqonpi nisharqa: Ichapis juchallin, manataj llimphupajchu qhawasqa kaspa mana jamunchu, nispa.

Levítico 19:8

Pichus mikhojqa juchachasqa kanqa. Chayrayku llajtanmanta chinkachisqa kanqa, Tata Diosman jaywasqata manakajpaj qhawasqanrayku.

Levítico 20:3

Noqa chay runaj contranpi sayaykusaj, llajtanmantataj chinkachisaj, imaraykuchus wawanta Molocman jaywaspa, tiyakunayta ch'ichicharqa, llimphu sutiytapis sarorqa.

Levítico 23:29

Pichus chay p'unchaypi mana ayunajqa, pipis kachun, llajtanmanta chinkachisqa kanqa.

Ezequiel 33:25

Chayrayku paykunata niy: Tukuyta Kamachej Tata Dios kay jinata nisunkichej: Qankunaqa aychata yawarnintinta mikhunkichej, lantikunata yupaychankichej, runatapis wañuchinkichej. Ajina kashaspa, kay suyuta jap'ikapuyta yuyashankichejchu?