Levítico 7:12 - DIOSPA QHELQACHISQ

¹² Sichus pipis Tata Diosta pachis nispa jaywanata Diosman apamonqa chayqa, ñak'aspa jaywanapaj uywatawan khuska aceitewan puñasqa mana levadurayoj tortillata apamonqa. Apamullanqataj aceitewan jawisqa mana levadurayoj tortillata, chantá sumaj jak'umanta aceitewan puñaspa ruwasqa t'antawan.

Qheshwa Biblia DC

¹² Sichus uj agradecekuy rikuchikuta Señorman jaywayta munanku chayqa, apamuchunku mana levadurayoj t'antata, aceitewan ruwasqata, mana levadurayoj torillatawan aceitewan jawisqata, sumajnin kaj ñut'u jak'umanta aceitewan ruwasqa t'antatawan.

DIOSPA QHELQACHISQAN DEUTEROCANONICAL

¹² Sichus pipis Tata Diosta pachis nispa jaywanata Diosman apamonqa chayqa, ñak'aspa jaywanapaj uywatawan khuska aceitewan puñasqa mana levadurayoj tortillata apamonqa. Apamullanqataj aceitewan jawisqa mana levadurayoj tortillata, chantá sumaj jak'umanta aceitewan puñaspa ruwasqa t'antawan.

Levítico 7:12 Referans Kwoze

Números 6:15

Chantá sumaj jak'umanta aceitewan puñasqa mana levadurayoj ruwasqa t'antata jaywanqa. Jinallataj aceitewan jawisqa mana levadurayoj ruwasqa t'antata uj canastitapi jaywallanqataj. Chaywan khuska ch'akiy mikhuy jaywanata vinotawan khuska jaywallanqataj.

Levítico 2:4

Sichus hornopi chayachisqa ch'aki mikhuymanta jaywanata apamunki chayqa, sumaj jak'umanta aceitewan ruwasqa t'antata apamunki, manachayrí aceitewan jawisqa t'antata apamunki. Chaykunataj mana levadurayoj ruwasqa kanqa.

1 Pedro 2:5

Qankunapis kawsashaj rumi jina kajtiykichej, Diosqa qankunawan mana rikukoj templonta perqachashan. Jinallataj juchamanta t'aqasqa sacerdotekunapis kallankichejtaj. Ajinaqa Santo Espirituman jina jaywanakunata Tata Diosman jaywankichej, chaykunatataj Diosqa Jesucristonejta tukuy sonqo jap'ikun.

Hebreos 13:15

Chayrayku, Jesucristonejta Tata Diosta yupaychanachej. Ajinata yupaychaspa, Diosman jaywashanchej ima jaywanatachus sapa p'unchay jaywananchej kashan, chayta. Chaynejta payllatapuni Diosninchejpaj rejsikapushasqanchejta rimarishanchej.

Efesios 5:20

Jinallataj Tukuyta Kamachej Jesucristoj sutinpi tukuy imamanta Tata Diosman pachis niychejpuni.

Romanos 1:21

Ajinata Diosta rejsishaspapis, paykuna mana Diosta jinachu payta jatuncharqanku, nitaj pachis nerqankuchu. Astawanqa Diosmanta qhasi manakaj yuyanata wakicherqanku. Ajinata yuyasqankuraykutaj yuyayninku laqhayachisqa karqa, chantá uma muyusqa jina karqanku.

San Lucas 17:18

Kay waj llajtayojllachu Diosta jatunchaj kutimun? nispa.

San Lucas 17:16

Jesuspa ñawpaqenman wijch'uykukuspataj, qhaliyachisqanmanta pachis nispa nerqa. Chay runataj Samariamanta karqa.

Oseas 14:2

Tata Diosman kutirikuychej, kay jinata mañakuspataj, qayllaykuychej: Pampachapuwayku tukuy juchaykuta, simiykuwan yupaychasqaykutataj jap'ikuy.

Salmos 116:17

Tata Dios, pachis nispa uywa ñak'asqata jaywasqayki, sutiykita oqharispataj, qanmanta mañarikusaj.

Salmos 107:8

Israelitakunaqa khuyakuyninmanta Tata Diosta pachis nichunku, paykunapaj allin imakunata ruwasqanmanta.

Jeremías 33:11

Jinallataj casarakojkunaj kusiymanta takisqanku ima uyarikullanqataj. Chantá Tata Diospa Templonman pachis nispa jaywanata apamojkunaj takisqanku uyarikullanqataj. Kay jinata takenqanku: Tukuy Atiyniyoj Tata Diosman pachis niychej, imaraykuchus Tata Diosqa k'achamin, khuyakuynintaj wiñaypaj, nispa. Arí, noqa kay suyuta watejmanta kutichisaj, ñawpajta karqa, ajinallataj kananpaj. Noqa Tata Diosmin chayta nini.

Salmos 50:23

Chaywanpis pichus pachis pachis nispa niwajqa noqata jatunchawan. Sitajchus puriyniykita allinchanki chayqa, noqa qanta qhespichisqayki.

Nehemías 12:43

Chay p'unchaypi ashkha uywata ñak'aspa Diosman jaywarqanku, runakunataj mayta kusikorqanku Dios paykunata mayta kusichisqanrayku. Warmikunapis, wawakunapis sinch'ita kusikullarqankutaj. Chaypacha Jerusalenpi kusiywan ch'ajwasqankoqa karumantapacha uyarikorqa.

2 Crónicas 33:16

Chaymantataj Tata Diospa altarninta allinchacherqa, chaypitaj allinyakuna jaywanata, Diosman pachis nisqa jaywanatapis jaywarqa. Judá suyupi tukuy tiyakojkunatapis kamachillarqataj Israelpa Tata Diosnillanta yupaychanankuta.

2 Crónicas 29:31

Chantá Ezequiasqa jatunmanta parlaspa nerqa: Kunanqa Tata Diospaj t'aqasqaña kankichej. Qayllaykuspa, uywa ñak'asqata, Diosman pachis nispa jaywanatawan Tata Diospa Temploj ñawpaqenman apamuychej, nispa. Chantá israelitakunaqa uywakunata apamorqanku ñak'anankupaj, Tata Diosman pachis nispa jaywanankupaj ima. K'acha sonqoyoj kajkunataj Diosman jaywanankupaj tukuy sonqo apamorqanku.

Levítico 22:29

Sichus Tata Diosta pachis nispa jaywanaykichejpaj apamunkichej chayqa, jap'ikusunanpaj jina allinta ruwanaykichej tiyan.

Levítico 7:15

Diosta pachis nispa, chantá allinyakuy jaywanapaj jaywasqa uywaj aychantaqa chay p'unchaypacha mikhunanku tiyan. Q'ayantinpajqa mana ni uj chhikallantapis puchuchinankuchu tiyan.

Levítico 6:16

16 (9) Ch'aki mikhuy jaywanamanta puchojtataj Aaronwan, churinkunawan ima mikhonqanku, Dioswan Tinkukuna Toldoj pationpi, Diospaj T'aqasqa Cheqapi.

Levítico 2:5

Sichus paylapi chayachisqa ch'aki mikhuymanta jaywanata apamunki chayqa, sumaj jak'umanta mana levadurayojta, aceitewan puñasqata apamunki.

Amós 4:5

Pachis nispa, jaywanata jina mana levadurayoj t'antata q'olachiychej. Sonqomanta munaspa, jaywanata apamusqaykichejmantapis tukuyman willaramuychej. Chayta ruwaspa, manchayta kusikunkichej, icharí? Noqa Tukuyta Kamachej Tata Diosmin chayta nini.