Levítico 6:4 - DIOSPA QHELQACHISQ

⁴ 4 (5.23) Chaykunata ruwasqanmanta juchayoj kanqa. Jinaqa imatachus suwasqanta runa masinman kutichipunan tiyan, atiyniyoj kaspa imatachus qhechusqanta, prendata jap'ikapusqanta, chayrí tarikuspa pakaykusqanta.

Qheshwa Biblia DC

⁴ Chay runaqa runa masinman kutichipunan tiyan: Atiyniyoj kaspa qhechusqanta, prendata jap'ikapusqanta, chayri tarikuspa pakaykusqanta ima.

DIOSPA QHELQACHISQAN DEUTEROCANONICAL

⁴ 4 (5.23) Chaykunata ruwasqanmanta juchayoj kanqa. Jinaqa imatachus suwasqanta runa masinman kutichipunan tiyan, atiyniyoj kaspa imatachus qhechusqanta, prendata jap'ikapusqanta, chayrí tarikuspa pakaykusqanta.

Levítico 6:4 Referans Kwoze

Sofonías 1:9

Chay p'unchaypi wasikunaman suwaj yaykuykojkunata jasut'illasajtaj, pikunachus patronninkuta q'otiyaspa, suwasqankuwan diosninkoj wasinkuta junt'achinku, chaykunata, nispa.

Miqueas 2:2

Waj runaj jallp'anta moq'erinku, qhechuspataj jap'ikapunku. Wajpa wasinta munapayanku, qhechunkutaj. Kallpankuman atinikuspa, runata aylluntinta ñak'arichinku. Q'otiyaspataj, paykunata wasinkumanta wijch'unku.

Amós 3:10

Tata Dios nin: Aylluymanta kajkuna mana imatapis cheqanta ruwayta yachankuchu. Kamachinanku wasipi waqaychanku kallpankuman atinikuspa suwasqankuta, qhechusqankuta ima, nispa.

Ezequiel 18:18

Tatanrí runa masinta ñak'aricherqa, suwakorqa, runakuna ukhupitaj mana allin imakunata ruwarqa. Chayrayku pay millayta ruwasqanmanta wañonqapuni.

Ezequiel 18:12

Wajcha runakunata, pisi tiyapuyniyojkunata ima ñak'arichinman, suwakunman, manachayrí manumanta ima jap'isqantapis mana kutichipunmanchu. Lantikunatapis yupaychanman, millaytaj ruwanman.

Ezequiel 18:7

Mana pitapis ñak'arichinchu. Manukojman prenda saqesqanta qopun, manataj pimantapis suwanchu. Yarqhachikojman mikhunata qon, mana p'achayojtataj p'achallichin.

Isaías 59:6

Mik'u mik'oj llikhanmanta awasqa p'achaqa churakunapaj mana walejchu, nitaj ruwasqankoqa ni imapajpis allinchu. Millay kajta ruwaspa purinku, kallpapi atinikuspataj, mana allin kajllata ruwanku.

Job 24:2

Millayta ruwajkunaqa jallp'a mojonkunata suchuchinku, tropankuman yapaykunankupajtaj ovejakunata suwanku.

Job 20:19

Payqa wajchakunamanta kapuyninkuta qhechuspa, mana imayojta saqerqa, mana ruwasqan wasikunatapis jap'ikapullarqataj.

Génesis 21:25

Chaywanpis Abrahamqa Abimelecta yuyaricherqa paypa kamachinkuna Abrahampa kamachinkunamanta uj yaku pujyuta qhechusqankuta.

Levítico 24:18

Pichus runaj uywanta wañuchejqa uywamanta uywallatataj kutichinan tiyan.

Levítico 24:21

Pichus uj runaj uywanta wañuchejqa kawsashaj uywata kutichipunan tiyan. Pichus uj runata wañuchejqa wañuchisqallataj kanqa.

Números 5:7

Payqa juchanta rimarinan tiyan, chantá runa masinta mana allinta ruwasqanmanta tukuyninta kutichipunan tiyan. Chaymantaj phishqaman rak'ispa, ujnintawan yapaykuspa pagapunan tiyan.

Ezequiel 33:15

Payqa manumanta ima jap'isqanta, suwakusqantataj kutichipunman, manañataj millay imakunata ruwanmanñachu, astawanpis kawsananpaj kamachisqaman jina purinman. Chaytachus ruwanman chayqa, pay kawsanqapuni, manataj wañonqachu.

Malaquías 1:13

Qankuna nillankichejtaj: Kay ruwanawan amisqaña kayku, nispa. Chayta nispa, pisipaj qhawawankichej. Chantá yuyankichejraj kusikunayta, maypachachus noqaman apamuwankichej suwasqa uywata, chakin p'akisqata, chayrí onqosqatapis, chaypacha. Noqa Tukuy Atiyniyoj Tata Dios chayta nini.

Levítico 4:12

torillojta tukuy iman kaj chhikata, jaramanta jawapi uj llimphuchasqa cheqaman orqhonqa, maypichus ushphata jich'anku, chayman. Chaypitaj ushpha pataman llant'ata churaspa, chaykunata ruphachenqa.

Nehemías 5:11

Chayrayku uyariwaychej: Chay manuchakojkunaj jallp'ankuta, uva huertankuta, olivo sach'ankuta, wasinkutapis kunanpacha kutichipuychej. Ajinallatataj mashkha interestachus jap'ikorqankichej qolqeta, granota, vinota, aceitetapis manusqaykichejmanta, chaytapis paykunaman kutichipullaychejtaj, nispa.

Ezequiel 44:19

Runakuna maypichus kashanku, chay jawa patioman llojsinankupaj ima p'achawanchus Templopi ruwanankuta junt'asharqanku, chaykunata orqhokonqanku. Chantá Temploj jallch'ana cuartonpi chay p'achata saqespa, waj p'achakunata churakonqanku. Ajinamanta Diospaj t'aqasqa chay p'achakunawan mana wajkunaman chimpachenqankuchu noqa Diospaj t'aqasqa kayninkuta.