Levítico 6:27 - DIOSPA QHELQACHISQ

²⁷ 27 (20) Imallapis Diosman jaywasqa aychaman chayajqa Diospaj t'aqasqa kanqa. Sichus uywaj yawarnin p'achaman ch'altaykunman chaypis, p'achata Diospaj T'aqasqa Cheqapi t'ajsanqanku.

Qheshwa Biblia DC

²⁷ Pillapis, chayri imallapis kay uywaj aychanman chayajqa llimphuchasqa kanqa. Sichus uywaj yawarnin p'achaman ch'allpaykonqa chaypis, sumaj t'aqasqa cheqapi mayllasqa kanqa.

DIOSPA QHELQACHISQAN DEUTEROCANONICAL

²⁷ 27 (20) Imallapis Diosman jaywasqa aychaman chayajqa Diospaj t'aqasqa kanqa. Sichus uywaj yawarnin p'achaman ch'altaykunman chaypis, p'achata Diospaj T'aqasqa Cheqapi t'ajsanqanku.

Levítico 6:27 Referans Kwoze

Éxodo 29:37

Qanchis p'unchayta altarpi, jucha pampachasqa kananpaj, uywa ñak'asqata Diosman jaywanki. Ajinata ruwaspa altarta Diospaj t'aqanki. Altartaj may llimphupaj qhawasqa kanqa. Imallapis altarman chayaykojqa Diospaj t'aqasqa kanqa.

2 Corintios 7:11

Qankunarí Diospa munasqanman jina llakikorqankichej. Kunantaj qhawariychej imachus chaymanta kasqanta: Qankuna mayta munarqankichej mana juchayojpaj qhawasqa kayta. Chay jucharayku phiñakorqankichej, manchachikullarqankichejtaj. Chantá rikuwaytapuni munarqankichej, jinallataj tukuy sonqowan munarqankichej chay juchallej wanananpaj jasut'isqa kananta. Ajinata ruwaspa, sut'ita yachayta qorqankichej imachus mana allinchu kasqanmanta mana juchayoj kasqaykichejta.

2 Corintios 7:1

Ajinaqa, munasqa wawqe panakuna, Dios chay imakunata qonawanchejta nin. Chayrayku tukuy mana allin kajmanta karunchakuna, jinataj sonqonchejtapis tukuy ch'ichi kajmanta llimphuchana. Chantá Diosta may jatun respetowan qhawaspa, atisqanchejta ruwana pay jina llimphupuni kananchejpaj.

San Mateo 9:21

Chayta ruwarqa, imaraykuchus sonqon ukhupi nisharqa: Sichus Jesuspa p'achallantapis llankhaykuyman chayqa, qhaliyapuyman, nispa.

Hageo 2:12

Nisunman pipis Diospaj t'aqasqa jaywanamanta aychata p'achanpi mayt'uspa apaykachashajtin, chay p'achaj kantun t'antaman, wayk'usqa mikhunaman, vinoman, aceiteman, chayrí, mayqen mikhuyllamanpis chayanman. Chayraykuchu chay mikhuna Diospaj t'aqasqa kanman? nispa. Sacerdotekunataj kuticherqanku: Mana, nispa.

Levítico 11:32

Jinallataj imamanchus chay wañusqa animal urmaykonqa chayqa, chaypis ch'ichillapajtaj qhawasqa kanqa. K'aspimanta ruwasqapis kachun, chayrí kachun p'acha, qara, costalkuna, llank'anapaj herramientapis, ch'ichipaj qhawasqa kanqa. Chaykunataqa yakuwan mayllankichej, ch'isiyanankamataj ch'ichipaj qhawasqa kanqa. Chaymantaraj llimphu kanqa.

Levítico 6:18

18 (11) Qhepanejman, wiñaypaj Aaronpa mirayninmanta tukuy qhareqa q'olachispa Tata Diosman jaywanamanta mikhuyta atenqanku. Kayqa wiñaypaj kamachisqay kanqa. Tukuy imachus Diosman jaywanaman chayajqa Tata Diospaj t'aqasqa kanqa, nispa.

Éxodo 30:29

Ajinata chaykunata Tata Diospaj t'aqanki. Tukuynintaj may llimphu nisqa Tata Diospaj t'aqasqa kanqa. Tukuy imachus chayman chayaykojqa Tata Diospaj t'aqasqallataj kanqa.

San Mateo 14:36

Jinataj Jesusta mayta nerqanku onqosqakuna p'achanpa kantullantapis llankharinankuta saqenanta. Chantá tukuy llankhaykojkunaqa onqoyninkumanta qhaliyachisqa karqanku.

Levítico 7:19

Ch'ichipaj qhawasqa imaman chayaj aychataqa mana mikhonqankuchu, manachayqa ruphachisqallaña kanan tiyan. Aychataqa llimphupaj qhawasqa kajkunalla mikhonqanku.

Ezequiel 44:19

Runakuna maypichus kashanku, chay jawa patioman llojsinankupaj ima p'achawanchus Templopi ruwanankuta junt'asharqanku, chaykunata orqhokonqanku. Chantá Temploj jallch'ana cuartonpi chay p'achata saqespa, waj p'achakunata churakonqanku. Ajinamanta Diospaj t'aqasqa chay p'achakunawan mana wajkunaman chimpachenqankuchu noqa Diospaj t'aqasqa kayninkuta.