Levítico 5:13 - DIOSPA QHELQACHISQ

¹³ Ajinata sacerdote ruwanqa, imallapipis chay runaj juchallisqan pampachasqa kananpaj. Juchallejtaj qhespichisqa kanqa. Diosman jaywanamanta puchojtaj sacerdotepaj kanqa, imaynatachus ch'aki mikhuy jaywanamanta sacerdotekuna jap'inku, ajina, nispa.

Qheshwa Biblia DC

¹³ Ajinamanta sacerdoteqa chay runaj ima jucha ruwasqasninmantapis perdonachenqa. Kay rikuchikumanta puchojqa sacerdotespaj kanqa, imaynatachus ch'aki mikhuy rikuchikuswan ruwakorqa ajinata. Chayqa juchaspa cuentanmanta rikuchiku.

DIOSPA QHELQACHISQAN DEUTEROCANONICAL

¹³ Ajinata sacerdote ruwanqa, imallapipis chay runaj juchallisqan pampachasqa kananpaj. Juchallejtaj qhespichisqa kanqa. Diosman jaywanamanta puchojtaj sacerdotepaj kanqa, imaynatachus ch'aki mikhuy jaywanamanta sacerdotekuna jap'inku, ajina, nispa.

Levítico 5:13 Referans Kwoze

Levítico 2:3

Jaywanamanta puchoj jak'utaj Aaronpaj, churinkunapajwan ima kanqa. Chay jak'utaj Tata Diospaj t'aqasqa kasqanrayku, maypaj qhawasqa kanqa.

Levítico 4:26

Chantá ñak'asqa chivoj tukuynin wiranta altarpi q'olachenqa, imaynatachus k'achata kawsakuy jaywana uywa ñak'asqa wirawan ruwanku, ajinallatataj. Sacerdoteqa ajinata ruwaspa, kamachejpata juchan pampachasqa kananta tarenqa, kamachejpa juchantaj pampachasqa kanqa.

1 Corintios 9:13

Manachu yachankichej Templopi imachus ruwanapi ruwaysikojkunaqa Diosman jaywasqamanta mikhusqankuta? Jinallataj altarpi jaywajkunapis manachu altarpi kaj ofrendamanta wakinta jap'illankutaj?

Oseas 4:8

Aylluy juchanku pampachasqa kananpaj imatachus qosqankumanta sacerdotekuna kawsanku. Chayrayku sacerdotekuna munanku aylluy juchallinallankutapuni.

1 Samuel 2:28

Chantá Israelpa tukuynin ayllun ukhumanta sacerdoteykuna kanankupaj paykunata ajllakorqani, uywa ñak'asqa jaywanata altarniy patapi q'olachinankupaj, jinataj inciensota q'oshñichinankupaj, chantá unkuta ñawpaqeypi churakunankupaj ima. Chay jawa ñawpa tataykichejkunaman qollarqanitaj, imakunatachus israelitakuna Tata Diospaj apamunku, chaymanta mikhunankupaj.

Levítico 7:6

Chantá jucharayku jaywasqa uywamantaqa Diospaj T'aqasqa Cheqapi tukuy sacerdotekuna mikhuyta atenqanku, imaraykuchus chayqa Diospaj t'aqasqamin.

Levítico 5:6

Chantá juchan pampachasqa kananpaj, uywanmanta uj china ovejata, chayrí uj cabrata apamunan tiyan, Tata Diosman jaywananpaj. Sacerdotetaj chay uywata ñak'aspa, Tata Diosman jaywajtin, chay runaj juchan pampachasqa kananta tarenqa.

Levítico 4:31

Chantaqa cabraj tukuy wiranta wirachanqa, imaynatachus Tata Diosman k'achata kawsakuy jaywanata jaywanapaj ñak'asqa uywaj wiranwan ruwanku, ajinallatataj. Sacerdoteqa ajinata ruwaspa, runaj juchan pampachasqa kananta tarenqa, chay runaj juchantaj pampachasqa kanqa.

Levítico 4:20

Chay ñak'asqa torillowan ruwanqa, kuraj kaj sacerdote juchan pampachasqa kananpaj ñak'asqa torillowan imaynatachus ruwarqa, ajinallatataj. Ajinata sacerdoteqa israelitakunaj juchanku pampachasqa kananpaj, Tata Diosman jaywanqa. Juchankutaj pampachasqa kanqa.

Levítico 2:10

Diosman jaywanamanta puchojrí, Aaronpaj chantá churinkunapaj ima kanqa. Diosman jaywanamanta puchojqa Tata Diospaj t'aqasqa kasqanrayku, maypaj qhawasqa kanqa.

Levítico 5:4

Sichus mayqellanpis mana allinta qhawarikuspalla, allin kajta, chayrí mana allin kajta ruwananta tilunman chayqa, chaymantataj pantaykusqanta reparakunman chaypis, chay runaqa juchayojmin kanqa.

Levítico 5:5

Sichus pillapis chaykunata ruwaspa juchallinman chayqa, juchallisqanta rimarinan tiyan.

Levítico 5:10

Ujnin urpitataj kamachisqa kasqanman jina, q'olachispa Diosman jaywanqa. Ajinata sacerdoteqa chay runaj juchan pampachasqa kananpaj jaywanqa. Chay runaj juchallisqantaj pampachasqa kanqa.

Levítico 5:12

Chayta sacerdoteman apanqa, paytaj uj pojtu jak'uta oqharispa, yuyarikuna jaywanata jina altarpi q'olachenqa, Tata Diosman jaywanatawan khuskata. Chayqa jucha pampachasqa kananpaj Diosman jaywanamin.

Levítico 5:14

Tata Diosqa Moisesta nillarqataj:

Levítico 5:16

Juchallejqa Tata Diospaj t'aqasqa kajta jap'ikapusqanmanta mashkhachus valesqanta kutichipunan tiyan. Chantá mashkhachus valesqanman sapa phishqamanta ujta yapaspa, sacerdoteman jaywanqa. Sacerdotetaj runaj juchan pampachasqa kananpaj, uywata ñak'aspa, Diosman jaywanqa. Ajinata ruwaspa, sacerdoteqa juchallejpata juchan pampachasqa kananta tarenqa. Chay runaj juchallisqantaj pampachasqa kanqa.