Levítico 4:35 - DIOSPA QHELQACHISQ

³⁵ Chantá ñak'asqa ovejaj tukuy wiranta wirachanqa, imaynatachus k'achata kawsakuy jaywana uywa ñak'asqawan ruwanku, jinallatataj. Jinaspataj, sacerdoteqa Tata Diosman ch'aki mikhuy jaywanaj patanpi wirata altarpi q'olachenqa. Sacerdoteqa ajinata ruwaspa, runaj juchallisqan pampachasqa kananta tarenqa. Chay runaj juchantaj pampachasqa kanqa, nispa.

Qheshwa Biblia DC

³⁵ Chaymantataj ovejaj tukuy wirasninta wirachanqa, imaynatachus ruwanku allinyakuy rikuchiku wiraswan ajinata. Sacerdoteqa chay wirasta altar patapi ruphachenqa, Señorman rikuchikus qosqa karqa chaykunatawan khuska. Ajinamanta chay sacerdoteqa chay rikuchikuta jaywanqa chay runaj juchasninmanta. Juchasnintaj pampachasqa kanqa.

DIOSPA QHELQACHISQAN DEUTEROCANONICAL

³⁵ Chantá ñak'asqa ovejaj tukuy wiranta wirachanqa, imaynatachus k'achata kawsakuy jaywana uywa ñak'asqawan ruwanku, jinallatataj. Jinaspataj, sacerdoteqa Tata Diosman ch'aki mikhuy jaywanaj patanpi wirata altarpi q'olachenqa. Sacerdoteqa ajinata ruwaspa, runaj juchallisqan pampachasqa kananta tarenqa. Chay runaj juchantaj pampachasqa kanqa, nispa.

Levítico 4:35 Referans Kwoze

Levítico 4:26

Chantá ñak'asqa chivoj tukuynin wiranta altarpi q'olachenqa, imaynatachus k'achata kawsakuy jaywana uywa ñak'asqa wirawan ruwanku, ajinallatataj. Sacerdoteqa ajinata ruwaspa, kamachejpata juchan pampachasqa kananta tarenqa, kamachejpa juchantaj pampachasqa kanqa.

Levítico 4:20

Chay ñak'asqa torillowan ruwanqa, kuraj kaj sacerdote juchan pampachasqa kananpaj ñak'asqa torillowan imaynatachus ruwarqa, ajinallatataj. Ajinata sacerdoteqa israelitakunaj juchanku pampachasqa kananpaj, Tata Diosman jaywanqa. Juchankutaj pampachasqa kanqa.

Levítico 14:18

Chaymantataj sacerdoteqa makinpi puchoj aceitewan llimphuchakojpa umanta jawillanqataj. Ajinata ruwaspa, sacerdoteqa Tata Diospa ñawpaqenpi chay runaj juchan pampachasqa kananta tarenqa.

Levítico 6:7

7 (5.26) Chantá sacerdoteqa chay runaj juchallisqan pampachasqa kananpaj, chay jaywanata Tata Diosman jaywanqa. Ajinata ruwasqanrayku, chay runaj mayqen juchallisqanpis pampachasqa kanqa, nispa.

1 Juan 2:2

Paymin juchanchej pampachasqa kananpaj ñak'asqa uywata q'olachisqa jina jaywasqa karqa. Manataj noqanchejpa juchanchejraykullachu, jaywasqa karqa, astawanqa kay pachapi tukuy runaj juchankurayku.

1 Juan 1:7

K'anchaypichus kawsanchej chayqa, imaynatachus Diospis k'anchaypi kashan, ajinata, noqanchejpis ujkuna ujkunawan uj sonqolla kawsanchej, Diospa Churin Jesuspa yawarnintaj tukuy juchamanta llimphuchawanchej.

1 Pedro 3:18

Cristopis juchanchejrayku wiñaypaj uj kutillata ñak'arerqa. Pay mana juchayojchu karqa. Chaywanpis juchasapakunarayku wañorqa, Tata Diosman pusanasuykichejpaj. Cheqapuni payqa runa jina wañuchisqa karqa, Santo Espiritunejtataj kawsarichisqa karqa.

1 Pedro 2:24

Ajinamanta pay kikin ukhunpi juchanchejta k'aspi cruzpi aparqa, noqanchej juchallinapaj wañuspa, cheqanta ruwaspa kawsananchejpaj. Paypa ukhun khallarasqa kasqanraykutaj qankuna qhaliyachisqa kankichej.

1 Pedro 2:22

Cristoqa mana jayk'ajpis juchallerqachu, nitaj pitapis llullakuspa q'otiyarqachu.

Hebreos 9:14

Cristorí wiñaypaj kawsaj Santo Espiritunejta Diosman mana iman imanasqa uywa jina pay kikin jaywaykukorqa. Ajinaqa Cristoj yawarnin may jinatarajchus sonqonchejta millay ruwasqanchejmanta llimphuchawasunchej, kawsaj Diospa munayninta ruwananchejpaj.

Hebreos 7:26

Jesusqa, necesitasharqanchej chay Kuraj Kaj Sacerdotemin. Payqa juchamanta t'aqasqa, mana k'amina, llimphutaj. Kunantaj Dios Payta juchasapakunamanta t'aqanña, jinataj janaj pachamanta aswan pataman churarqa.

Hebreos 4:14

Diospa Churin Jesusqa Kuraj Kaj Sacerdotenchej, pichus janaj pachaman yaykorqa, chay. Chayrayku Jesucristopi atinikusqanchejmanta ch'ipakuspa, sinch'ita sayanallanchejpuni tiyan.

Hebreos 1:3

Diospa Churenqa Diospa jatun kayninpa lliphipiyninta rikuchin, paypa kaynintaj Tata Diospa kayninta rejsichiwanchej. Payllataj atiyniyoj simi nisqanwan tukuy kaj chhikata maychus kananpi purichin. Chantá juchanchejta pampachaspa llimphuchawarqanchej, jinaspataj, janaj pachapi jatun atiyniyoj Kamachejpa pañanman tiyaykukorqa.

Colosenses 1:14

Jinataj Diospa Churin cruzpi wañusqanwan pagaspa, kacharichiwarqanchej, juchanchejtataj pampacharqa.

Efesios 5:2

Jinallataj ujkunata munakuychej, imaynatachus Cristopis munakuwarqanchej, ajinata. Chayrayku pay kikin noqanchejrayku Diosman jaywaykukorqa ima munay q'aparishaj jaywana jina.

2 Corintios 5:21

Cristoqa mana jayk'ajpis juchallerqachu. Chaywanpis Diosqa noqanchejrayku Cristoman tukuy juchanchejta q'epiricherqa juchanpis kanman jinata, ajinamanta noqanchej Cristoman ujchasqa kaspa, Diospa ñawpaqenpi cheqan runapaj qhawasqa kananchejpaj.

Romanos 10:4

Chaywanpis kamachisqakunata imapajchus Dios churarqa, chayta Cristo junt'anña, ajinamanta Cristopi tukuy atinikojkuna Diospa ñawpaqenpi cheqan runapaj qhawasqa kananchejpaj.

Romanos 8:1

Chayrayku pikunachus Cristo Jesusman ujchasqa kajkunaqa manaña ni imamanta juchachasqachu kasunchej.

Romanos 4:25

Jesucristomin juchanchejrayku wañunanpaj jaywaykusqa karqa, jinataj cheqan runapaj qhawasqa kananchejpaj kawsarichisqa karqa.

Números 15:25

Chaymanta sacerdote chay uywata israelitakunaj juchallisqanku pampachasqa kananpaj Tata Diosman jaywanqa. Juchallisqankutaj pampachasqa kanqa, imajtinchus mana yuyasqallamanta juchallerqanku. Noqataj mana yuyasqallamanta juchallikusqankuta pampachasaj, imajtinchus qankunaqa q'olachispa jaywanata, chantá jucha pampachasqa kananpaj jaywanatawan jaywawarqankichej.

Levítico 14:53

Jinaytawantaj, kawsashaj p'isqetuta llajtamanta jawapi kachariponqa. Ajinata sacerdoteqa wasita llimphuchanapaj imachus ruwanata junt'anqa. Chay wasitaj llimphupaj qhawasqa kanqa, nispa.

Levítico 12:8

Sichus onqokoj warmejta corderota apamunanpaj mana tiyapunmanchu chayqa, apamuchun iskay jurk'utata, chayrí iskay urpi irpata. Ujnenqa Tata Diosman q'olachispa jaywanapaj kanqa, ujnintaj jucha pampachasqa kananpaj Diosman jaywanapaj kanqa. Ajinata sacerdoteqa warmej juchan pampachasqa kananpaj jaywanqa, warmitaj llimphupaj qhawasqa kanqa, nispa.

Levítico 9:7

Chaymanta Moisesqa Aaronta nillarqataj: Altarman qayllaspa, jucha pampachasqa kananpaj jaywanaykita jayway. Chantá q'olachina jaywanaykitapis jaywallaytaj. Ajinata ruwanki qanpa juchallisqayki, jinataj israelitakunaj juchallisqankupis pampachasqa kananpaj. Chantá israelitakunaj apamusqankuta Diosman jayway, juchallisqanku pampachasqa kananpaj. Ajinata Tata Diospa kamachisqanman jina ruwanki, nispa.

Levítico 5:13

Ajinata sacerdote ruwanqa, imallapipis chay runaj juchallisqan pampachasqa kananpaj. Juchallejtaj qhespichisqa kanqa. Diosman jaywanamanta puchojtaj sacerdotepaj kanqa, imaynatachus ch'aki mikhuy jaywanamanta sacerdotekuna jap'inku, ajina, nispa.

Levítico 5:10

Ujnin urpitataj kamachisqa kasqanman jina, q'olachispa Diosman jaywanqa. Ajinata sacerdoteqa chay runaj juchan pampachasqa kananpaj jaywanqa. Chay runaj juchallisqantaj pampachasqa kanqa.

Levítico 5:6

Chantá juchan pampachasqa kananpaj, uywanmanta uj china ovejata, chayrí uj cabrata apamunan tiyan, Tata Diosman jaywananpaj. Sacerdotetaj chay uywata ñak'aspa, Tata Diosman jaywajtin, chay runaj juchan pampachasqa kananta tarenqa.

Números 15:28

Chay runa mana yuyasqallamanta juchallisqan pampachasqa kananpaj, sacerdoteqa cabrata jaywanqa, noqataj juchallisqanta pampachasaj.

Levítico 15:15

Sacerdotetaj chaykunamanta ujninta jucha pampachasqa kananpaj jaywanqa, ujnintataj q'olachispa Tata Diosman jaywanqa. Ajinata sacerdoteqa q'eya onqoyniyoj qhari Tata Diospa ñawpaqenpi llimphupaj qhawasqa kananpaj ruwanqa.

Levítico 19:22

Sacerdotetaj chay corderota Tata Diosman jaywanqa, chay runaj juchallisqan pampachasqa kananpaj. Ajinamanta juchallisqan pampachasqa kanqa.