Levítico 4:3 - DIOSPA QHELQACHISQ

³ Sichus kuraj kaj sacerdote juchallinman chayqa, tukuy israelitakuna juchayojllataj rikhurenqanku. Jina kajtenqa, juchallisqan pampachasqa kananpaj sacerdoteqa mana iman imanasqa torillota Tata Diosman jaywanqa.

Qheshwa Biblia DC

³ Sichus aceitewan jawisqa sacerdote juchallikun, runastawan juchallichin chayqa, pay Señorman apamuchun uj torillota sumajnin kajta mana iman imanasqata, chay juchampa cuentanmanta rikuchiku kanampaj.

DIOSPA QHELQACHISQAN DEUTEROCANONICAL

³ Sichus kuraj kaj sacerdote juchallinman chayqa, tukuy israelitakuna juchayojllataj rikhurenqanku. Jina kajtenqa, juchallisqan pampachasqa kananpaj sacerdoteqa mana iman imanasqa torillota Tata Diosman jaywanqa.

Levítico 4:3 Referans Kwoze

2 Corintios 5:21

Cristoqa mana jayk'ajpis juchallerqachu. Chaywanpis Diosqa noqanchejrayku Cristoman tukuy juchanchejta q'epiricherqa juchanpis kanman jinata, ajinamanta noqanchej Cristoman ujchasqa kaspa, Diospa ñawpaqenpi cheqan runapaj qhawasqa kananchejpaj.

Levítico 9:2

Chantá Moisés Aaronta nerqa: Juchata pampachanapaj uj torillota apamuy. Jinallataj q'olachispa jaywanapaj mana iman imanasqa corderotawan apamullaytaj. Jinaspataj chaykunata Tata Diosman jayway.

Levítico 4:14

Juchallisqankuta reparakuytawan, juchanku pampachasqa kananpaj, tukuyninku uj torillota Diosman jaywananku tiyan. Torillotaqa Dioswan Tinkukuna Toldo punkuman apanqanku.

Hebreos 5:3

Chayrayku payqa uywata ñak'aspa, Diosman jaywan ajinamanta juchan pampachasqa kananpaj. Chantá runakunaj juchanku pampachasqa kananpaj uywa ñak'asqata jaywanallantaj tiyan.

Esdras 8:35

Chay qhepata pikunachus Babiloniamanta noqaykuwan khuska kutimporqanku, chaykunaqa kay imakunata qorqanku Israelpa Tata Diosninpaj ñak'aspa, q'olachisqa kanankupaj: Chunka iskayniyoj waka uñakunata, jisq'on chunka sojtayoj carnerokunata, qanchis chunka qanchisniyoj carnerokunatawan. Chunka iskayniyoj chivokunatapis juchaj cuentanmanta jaywallarqankutaj.

Romanos 8:3

Imatachus Moisespa kamachisqan mana ruwayta aterqachu runa pisi kallpayoj kasqanrayku, chayta Dios ruwarqa. Chaypaj payqa Churinta kachamorqa juchallej runaman rijch'akojta, juchanchejrayku wañunanpaj. Ajinamanta paynejta Diosqa noqanchejpi juchaj atiyninta chinkacherqa.

Ezequiel 43:19

Levita sacerdotekunaman, mayqenkunachus Sadocpa mirayninmanta kanku, chaykunaman uj torillota qonki juchankumanta q'olachispa, ñawpaqeypi jaywanawankupaj. Noqa Tukuyta Kamachej Tata Diosmin chayta nini.

Éxodo 29:21

Altar patapi kaj yawarwan, jinataj jawina aceitewan Aaronta, chantá p'achantapis ch'ajchullankitaj. Jinallataj churinkunata, p'achankutapis ch'ajchullankitaj. Ajinamanta Aarón, churinkuna ima, jinallataj p'achankupis Diospaj t'aqasqa kanqanku.

Éxodo 29:14

Torilloj aychanta, qaranta, wanuntawan imataj, jaramanta jawaman apaspa, chaypi ruphachinki. Chaymin kanqa juchata pampachanapaj q'olachispa jaywanaqa.

Éxodo 29:7

Chantá jawina aceiteta umanman jich'aykuspa, Aaronta jawinki.

Números 8:8

Chaymantataj uj torillota apamullachunkutaj, aceitewan puñasqa sumaj jak'utawan ima ch'aki mikhuy jaywanata jaywanapaj. Jinallataj jucharayku Diosman jaywanapaj uj torillota apamullachunkutaj.

Levítico 16:11

Chantá Aaronqa paypa juchan, chantá ayllunpa juchan pampachasqa kananpaj torillota ñak'aspa, Tata Diosman jaywanqa.

Levítico 16:6

Chantá Aaronqa chay torillota ñak'aspa, Tata Diosman jaywanqa paypa juchan, jinataj ayllunpa juchan pampachasqa kananpaj.

Levítico 8:12

Chantá Moisesqa Aaronpa umanman jawina aceiteta jich'aspa, sacerdote kananpaj t'aqarqa.

Levítico 5:6

Chantá juchan pampachasqa kananpaj, uywanmanta uj china ovejata, chayrí uj cabrata apamunan tiyan, Tata Diosman jaywananpaj. Sacerdotetaj chay uywata ñak'aspa, Tata Diosman jaywajtin, chay runaj juchan pampachasqa kananta tarenqa.

Éxodo 30:10

Aaronqa watapi uj kutita altarpa wajrankunata, uywa ñak'asqaj yawarninwan jawenqa. Ajinata ruwanqa jucha pampachasqa kananpaj. Chaytaqa sapa watapi uj kutillata jucha pampachasqa kananpaj ruwanqa. Chay altartaj Tata Diospaj may llimphumin kanqa, nispa. Ajinata Tata Dios nerqa.

Hebreos 9:12

Chantá Cristoqa manallataj chivokunaj nitaj torillokunaj yawarnin aparisqachu yaykorqa. Manachayqa pay kikinpa yawarnin aparisqa Diosllapaj T'aqasqa Cheqaman uj kutillata yaykorqa. Ajinamanta Cristo wiñaypaj juchaj atiyninmanta kacharichiwarqanchej.

Levítico 4:5

Chantá kuraj kaj sacerdotellataj torilloj yawarninmanta uj chhikata Dioswan Tinkukuna Toldo ukhuman apanqa.

Levítico 4:23

Juchallisqanta reparakuytawantaj, mana iman imanasqa uj chivota Diosman jaywananpaj apamonqa.

Levítico 4:28

Juchallisqanta reparakuytawantaj, juchan pampachasqa kananpaj Diosman jaywananpaj mana iman imanasqa uj cabrata apamonqa.

Números 16:22

Chayta uyarispa, Moiseswan, Aaronwan pampakama k'umuykuspa, nerqanku: Diosniyku, tukuy runaman kawsayta qoj, uj runa juchallisqanraykuchu kay tukuy runaj contrankuta phiñakunki? nispa.

2 Crónicas 29:21

Paykunataj kaykunata aparqanku: Qanchis torillokunata, qanchis carnerokunata, qanchis corderokunata, qanchis chivokunata ima. Chay tukuyta aparqanku kuraj kamachej ayllunpa juchanrayku, Judá jatun ayllurayku, jinallataj Templopi ruwajkunarayku jaywanankupaj. Temploman chayajtinkutaj, Ezequiasqa kamacherqa Aaronpa ayllunmanta sacerdotekuna uywa ñak'asqata Tata Diospa altarninpi jaywaspa q'olachinankuta.

Levítico 1:3

Sichus mayqenpis sonqonmanta munaspa q'olachispa jaywanata wakankunamanta apamuwanqa chayqa, mana iman imanasqa uj torota apamuchun. Jaywasqanta Tata Dios kusisqa jap'ikunanpajqa, Dioswan Tinkukuna Toldoman yaykuna punkupi jaywanqa.

Levítico 1:10

Sichus israelitakunamanta pipis q'olachispa jaywananpaj ovejamanta, chayrí cabramanta apamonqa chayqa, orqota mana iman imanasqata apamunan tiyan.

Levítico 6:18

18 (11) Qhepanejman, wiñaypaj Aaronpa mirayninmanta tukuy qhareqa q'olachispa Tata Diosman jaywanamanta mikhuyta atenqanku. Kayqa wiñaypaj kamachisqay kanqa. Tukuy imachus Diosman jaywanaman chayajqa Tata Diospaj t'aqasqa kanqa, nispa.

Levítico 9:3

Israelitakunatataj niy: Jucha pampachasqa kananpaj Diosman jaywanapaj uj chivota apamuychej. Jinallataj mana iman imanasqa uj watayoj torillota, uj watayoj corderotawan ima apamullaychejtaj q'olachispa Tata Diosman jaywanapaj.

Levítico 16:3

Aaronqa Diosllapaj T'aqasqa nisqa cheqaman yaykunan tiyan, jucha pampachasqa kananpaj jaywananpaj, uj torillowan, chantá q'olachispa Diosman jaywananpaj uj carnerowan ima.

Levítico 16:5

Aaronqa israelitakunaj juchanku pampachasqa kananpaj Diosman jaywananpaj, paykunamanta iskay chivota jap'enqa. Q'olachispa Diosman jaywananpajtaj uj carnerota jap'illanqataj.

Ezequiel 40:39

Punku yaykuna corredorpi tawa mesakuna karqanku, sapa ladopi iskaykama churasqa. Chay mesa patapitaj uywata ñak'ananku karqa q'olachinankupaj, jucharayku jaywaspa, mana yuyasqallamanta juchallisqankurayku jaywanapaj ima.

Ezequiel 44:27

Maypachachus watej ruwananta junt'ananpaj Temploman, chayrí ukhu patioman yaykonqa chaypacha, ñawpajta juchanmanta uywa ñak'asqata q'olachispa jaywanqa. Noqa Tukuyta Kamachej Tata Dios chayta kamachini.