Levítico 3:11 - DIOSPA QHELQACHISQ

¹¹ Chantá sacerdoteqa chay tukuyta altar patapi q'olachenqa. Chayqa Tata Diospaj misk'i mikhuy q'olachisqa jaywana kanqa.

Qheshwa Biblia DC

¹¹ Chaymantataj chaykunata sacerdote tukuynin altar patapi ruphachenqa mikhuna rikuchikuta jina Señorpaj.

DIOSPA QHELQACHISQAN DEUTEROCANONICAL

¹¹ Chantá sacerdoteqa chay tukuyta altar patapi q'olachenqa. Chayqa Tata Diospaj misk'i mikhuy q'olachisqa jaywana kanqa.

Levítico 3:11 Referans Kwoze

Levítico 21:17

Aaronta niy: Kunanmanta qhepamanqa mirayniykimanta mayqenpis iman mana allin kajtenqa, Tata Diosninman t'antata jaywaj mana qayllayta atenqachu.

Levítico 21:6

Paykunaqa noqajllataña kanankupaj t'aqasqa kasqankurayku sutiyta ama p'enqaypi rikhurichenqankuchu. Paykunaqa noqa Tata Diosman q'olachisqa jaywanata jaywawanku, jinallataj Diospaj t'aqasqa t'antantawan. Chayrayku Diospaj t'aqasqa jina kachunku.

Levítico 21:8

Chayrayku paykunata Tata Diospaj t'aqasqata jina qhawankichej, imaraykuchus paykunaqa Tata Diosniykichejman t'antanta jaywanku. Chayrayku sacerdotekunata Diospaj t'aqasqa kasqankuta jina qhawaychej, imajtinchus noqaqa may llimphumin kani, pichus qankunata noqajta kanaykichejpaj t'aqakuykichej, chay.

Levítico 3:16

Chantá sacerdoteqa chay tukuyta altar patapi q'olachenqa. Chayqa Tata Diospaj misk'i mikhuy q'olachisqa jaywana jina kanqa, ima munayta q'aparishaj. Uywaj tukuy wiranqa Tata Diospaj kanqa.

Levítico 3:5

Tukuy chaytaqa Aaronpa mirayninmanta sacerdotekuna altarpi q'olachenqanku, uywa ñak'asqa q'olachinatawan khuska. Chay q'olachisqa jaywanaqa Tata Diospaj ima munay q'aparishaj jaywana kanqa.

Malaquías 1:7

Qankunaqa altarniyman mana llimphupaj qhawasqa t'antata apamunkichej, chantá ninkichejraj: Imata ruwaspataj sonqoykita nanachiykuri? nispa. Qankunaqa sonqoyta nanachiwankichej, altarniyta pisipaj qhawaspa.

Ezequiel 44:7

Qankuna Temployta ch'ichichankichej, sonqonkupi, aychankupipis mana circuncidasqa waj llajtayoj runakunata wasiyman pusaykuspa. Paykunata saqenkichej mikhunayta jina, wirata yawartawan jaywanawankuta. Tukuy chay millayta ruwaspa, tratoyta p'akinkichej.

Números 28:2

Israelitakunata kamachiy, maychus tiemponpi t'antayta, jinallataj q'olachispa jaywanata jaywanawankuta. Chaykunaqa noqapaj ima munayta q'apashaj jaywanamin kanku.

Levítico 22:25

Ajina uywata Diosniykichejman jaywanaykichejpajqa nillataj waj llajtayojkunamanta jap'inkichejchu. Chaykunaqa iman imanasqa uywakuna kanku, chayrayku Diosqa mana jap'ikusonqachejchu, nispa.

Apocalipsis 3:20

Noqaqa punkuykipi kashani, takashanitaj. Sichus wajyasqayta uyarispa punkuta kicharimuwanki chayqa, noqa wasiykiman yaykusaj, qanwan khuskataj mikhusaj.

1 Corintios 10:21

Qankuna mana atinkichejchu Tukuyta Kamachej Jesuspa copanmanta ujyashaspa, supaykunaj copanmantapis ujyayta. Nillataj atinkichejchu Tukuyta Kamachej Jesuspa Cenanmanta mikhuyta, supaykunaj mikhunanmantapis mikhuyta.

Romanos 8:32

Diosqa uj k'ata Churinta mana mich'akuspa qorqa tukuyninchejrayku wañunanpaj. Ajina chayqa, manachu Churinwan khuskata tukuy imatawan qowasunmanri?

Malaquías 1:12

Qankunatajrí sonqoyta nanachiwankichej, imaraykuchus altarneyqa pisipaj qhawanalla kasqanta ninkichej, jinallataj noqaman jaywanatapis.

Salmos 22:14

14 (15) Jich'asqa yaku jina kani, tukuy tulluytaj ch'utasqa kashan. Sonqoypis mapha jina ukhuypi unuyashan.

Números 28:24

Ajinata qanchisnintin p'unchaypi ruwankichej. Chay jaywana Tata Diospaj ima munay q'apashajta jaywana kanqa. Chay jawa, sapa p'unchay q'olachispa Tata Diosman jaywanata, vinotawan ima jaywankichej.