Levítico 26:43 - DIOSPA QHELQACHISQ

⁴³ Karuman wijch'usqa kasqaykichejrayku, jallp'aykichejqa saqerparisqa ch'inpacha kanqa. Chaypacha jallp'aqa mana samarisqanmanta samarenqa. Qankunataj millayta ruwaspa purisqaykichejmanta jasut'isqa kankichej, imajtinchus kamachisqaykunata qhesacharqankichej, nisqaytataj pisipaj qhawarqankichej.

Qheshwa Biblia DC

⁴³ Jinamanta chay jallp'aqa qankunamanta samarikonqa, qankuna chaypi mana tiyanaykichejkama. Qankunaqa juchasniykichejrayku junt'anaykichej tiyan, kamachisqasniyta, leyesniytawan qhesachasqaykichejrayku.

DIOSPA QHELQACHISQAN DEUTEROCANONICAL

⁴³ Karuman wijch'usqa kasqaykichejrayku, jallp'aykichejqa saqerparisqa ch'inpacha kanqa. Chaypacha jallp'aqa mana samarisqanmanta samarenqa. Qankunataj millayta ruwaspa purisqaykichejmanta jasut'isqa kankichej, imajtinchus kamachisqaykunata qhesacharqankichej, nisqaytataj pisipaj qhawarqankichej.

Levítico 26:43 Referans Kwoze

Romanos 8:7

Pikunachus juchallinaman aysaj sonqonkoj munasqanta kasojkunaqa Diospa contranpi kashanku, imaraykuchus Diospa kamachisqanta mana kasuyta munankuchu nitaj kasuyta atinkuchu.

Levítico 26:15

Jinallataj kamachisqayta pisipaj qhawaspa, nisqaytapis pisipaj qhawankichej. Chantá tratoytapis p'akispa, tukuy kamachisqayta mana junt'awajchejchu chayqa,

San Juan 7:7

Runakuna qankunata mana chejnikusunkichejchu. Noqatarí chejnikuwanku, imaraykuchus noqaqa ruwasqanku mana allinchu kasqanta sut'ita nipuni.

Zacarías 11:8

Uj killallapi kinsa mana allin michejkunata wijch'orqani. Chaywanpis ovejakunapis noqawan sayk'usqankurayku, chejnikuwarqanku.

Amós 5:10

Ay, qankunamanta justiciata ruwajta chejnejkuna, pikunachus testigo jina cheqanta parlajkunata mana rikuyta atejkuna.

Daniel (hebreo) 9:14

Chayraykumá, qan Tata Dios, kay jasut'ita wakichispa, pataykuman apachimuwarqayku. Tata Diosniyku, qanmin tukuy ima ruwasqaykipi cheqan kanki, noqaykutajrí niwasqaykuta mana uyarisuyta munarqaykuchu.

Jeremías 31:19

Noqa qanmanta karunchakorqani. Chaywanpis juchallisqayta rejsikapuspa, watej qanman kutirikamuni. Qhasqoyta takakuspa, p'enqasqa k'umuykuni, wayna kashaspa juchallisqayrayku, nispa.

Isaías 26:16

Tata Dios, may jina llakiypi rikhurispa, noqayku qanta mask'asorqayku. Allin ñanman churayta munaspa ñak'arichiwashajtiyku, qantapuni mask'arqayku.

Salmos 119:75

Tata Dios, kamachisqayki cheqan kasqanta yachani, cheqan ñanman churawayta munaspa allinta ruwarqanki.

Salmos 119:71

K'umuykuchisqa kanayqa noqapaj allin karqa, ajinamanta kamachisqaykita yachaqakunaypaj.

Salmos 119:67

Manaraj k'umuykuchisqa kashaspa, noqaqa anchata pantaj kani. Kunantajrí nisqaykita kasuni.

Salmos 50:17

K'amisqayta qanqa sajrapaj jap'inki, nitaj parlasqaytapis cuentaman churankichu.

Salmos 50:15

Llakiykuna qhatirisojtin, wajyakuway, noqataj kacharichisqayki. Chaymantataj qan jatunchawanki, nispa.

Job 5:17

Pi runatachus Tata Dios cheqan ñanman churayta munaspa k'amin, chaymin kusisqa. Chayrayku qanqa Tukuy Atiyniyoj Tata Dios k'amisusqanta ama qhesachaychu.

2 Crónicas 33:12

Chaymanta Manasesqa sinch'i ñak'ariypi kashaspa, ñawpa tatankukunaj Tata Diosninman mayta k'umuykukuspa qhaparikorqa.

Levítico 26:41

Noqapis contraykichejpi oqharikuspa, awqaykichejpa llajtankuman wijch'usqaykichej. Ichapis ajinamanta sonqoykichej llamp'uyajtin, juchallisqaykichejta rejsikapuwajchej.

Levítico 26:30

Noqataj orqo patapi lanti yupaychana wasiykichejta thuñirasaj, incienso q'oshñichina altarniykichejtapis loqherasaj. Qankunaj ayaykichejtaqa mana kawsayniyoj lantiykichejpa patanman tawqasaj. Qankunamantataj millachikusqaykichej.

Levítico 26:11

Noqaqa qankunaj chawpiykichejpi tiyakusaj, manataj qhesachasqaykichejchu.

Deuteronomio 32:36

Chaypacha Tata Diosqa pisi kallpayojta, rikuspa ayllunman kutikonqa. Tata Diosqa kamachinkunamanta khuyakonqa, manaña kallpayoj, nitaj pisi kallpayoj qhepakusqankuta rikuspa.

2 Crónicas 36:21

Ajinamanta Diosmanta sut'inchaj Jeremiaspa nisqan junt'akorqa. Jinamanta Israel suyoj jallp'anqa qanchis chunka wata junt'akunankama samarerqa, ñawpajta israelitakuna mana jallp'ata samarichisqankumanta.