Levítico 26:33 - DIOSPA QHELQACHISQ

³³ Qankunata maqanakuwan ñak'arichisqaykichej, waj suyukunamantaj ch'eqerachisqaykichej. Jallp'aykichejqa ch'inman tukonqa, llajtaykichejtaj ch'in raqayllaman.

Qheshwa Biblia DC

³³ Qankunaman maqanakuta apachimusaj, qankunata waj nacionesman ch'eqerachisqaykichej. Jallp'asniykichej ch'inman tukonqa, llajtasniykichejtaj manchay manchachikuna raqayasman tukonqanku.

DIOSPA QHELQACHISQAN DEUTEROCANONICAL

³³ Qankunata maqanakuwan ñak'arichisqaykichej, waj suyukunamantaj ch'eqerachisqaykichej. Jallp'aykichejqa ch'inman tukonqa, llajtaykichejtaj ch'in raqayllaman.

Levítico 26:33 Referans Kwoze

Zacarías 7:14

Chayrayku muyoj wayra jina paykunata ch'eqeracherqani mana rejsisqa karu suyukunaman, chay qhepatataj llajtanku ni pejpa tiyakunan ch'inman tukorqa. Paykunamin chay jina k'acha suyuta ch'inman tukucherqanku, nispa.

Ezequiel 20:23

Chaywanpis ch'innejpi tiluspa nillarqanitaj: Qankunata tukuy kay pachapi kaj suyukunaman ch'eqerachisqaykichej, nispa.

Deuteronomio 4:27

Tata Diosqa waj suyukunaman ch'eqerachisonqachej, chay jallp'apitaj pisillaña qhepakunkichej.

Ezequiel 22:15

Tukuy llajtakunaman ch'eqerachisqayki, tukuy suyukunamantaj wijch'usqayki. Jinata ruwaspa, ch'ichichakusqaykita llimphuchasaj.

Salmos 44:11

11 (12) Qanqa paykunaman jaywaykuwarqayku ñak'anapaj ovejapis kaykuman jinata, waj suyukunamantaj ch'eqerachiwarqayku.

San Lucas 21:24

Wakenqa espadawan wañuchisqa kanqanku, wakintaj presochasqa tukuy suyuman apasqa kanqanku. Chantá mana judío kajkunaqa Jerusalén llajtata saronqanku chay tiempo junt'akunankama.

Lamentaciones 4:15

Paykunataqa runakuna qhaparinku: Ithiriychej, amataj llojchiwaykuchu, imaraykuchus mana llimphupaj qhawasqa kankichej, nispa. Waj suyukunamanta runakunapis ninku: Paykunaqa qhella puriskiri kanku. Manaña jayk'ajpis kaypeqa ujtawan tiyakonqankuñachu, nispa.

Jeremías 9:16

16 (15) Paykunata ñawpa tatankoj, nitaj paykunaj mana rejsisqanku suyukunaman ch'eqerachisaj. Chaypitaj paykunata espadawan qhatiykachachisaj, ni uj puchuyoj tukuchisqa kanankukama, nispa.

Lamentaciones 1:3

Judá suyupi tiyakojkuna karu suyukunaman apasqa kanku. Chaypi may ñak'arichisqa kanku, sinch'i ruwanawan. Waj suyukunaj chawpinpi tiyakuspa, mana samariyta tarinchu. Awqakunawan muyurisqa kaspataj mana ayqeyta atinchu.

Santiago 1:1

Noqa Santiago Diospa wata runan kani, Tukuyta Kamachej Jesucristojtawan. Qankuna Israelpa chunka iskayniyoj ayllunmanta waj suyukunapi ch'eqerasqa kajkunata napaykamuykichej.

2 Crónicas 7:19

Sitajchus noqamanta t'aqakuspa, kamachisqayta mana junt'ankichejchu, waj dioskunatataj kasuspa yupaychawajchej chayqa,

Nehemías 1:8

Chaywanpis yuyarikuy imaynatachus kamachiyki Moisesnejta k'amirpariwasqaykuta. Qan nerqanki: Sichus noqata wasanchawankichej chayqa, noqa tukuynejman ch'eqerachisqaykichej.

Salmos 106:27

mirayninkutapis waj suyukunaman presota apachispa, paykunatapis ch'eqerachinanpaj.

Isaías 1:7

Suyuykichejqa ch'inman tukun, llajtaykichejtataj ninawan ruphaykuchinku. Qankuna qhawashajtiykichej, waj llajtayojkuna poqochisqaykichejta apakapunku. Llajtaykichejqa ch'inpacha qhepakun.

Jeremías 7:34

Chantá Judá suyupi, jinallataj Jerusalén llajtapipis raymikunata, tusuykunata, takiykunata, jinallataj casarakupi takiykunatapis ch'inyachisaj. Tukuy suyutaj ch'inman tukuchisqa kanqa, nispa.

Jeremías 13:24

Chayraykumin qankunata ch'eqerachisqaykichej, imaynatachus ch'innejmanta wayra pajata apakapun, ajinata.

Jeremías 15:4

Judá suyuta ñawpa kuraj kamachej Ezequiaspa churin Manasés imatachus Jerusalenpi millayta ruwasqanmanta, chayta ruwasaj. Chayta rikuspataj, tukuy suyumanta kajkuna mayta mancharenqanku.

Jeremías 31:10

Suyukuna, Tata Diospa nisqanta uyariychej. Mama qochaj karu kantunkunapi kayta willaramuychej: Tata Diosqa Israel ayllunta ch'eqeracherqa. Jinapis payllataj paykunata tantaykamonqa, waqaychanqataj. Imaynatachus michej ovejankunata michin, ajinata paykunata waqaychanqa, nispa.

Ezequiel 5:2

Maypichus Jerusalén llajtaman rijch'akojta dibujarqanki, chay llajtata jap'inapaj muyuykuna junt'akojtin, kinsaman t'aqasqa chujchaykimanta ujnin t'aqata llajta chawpipi ruphachinki. Chantá chay kinsaman t'aqamanta ujnin t'aqa chujchaykita llajtaj muyuyninpi espadawan k'uturanki. Uj kaj t'aqa chujchaykitataj wayrawan apachinki, imaraykuchus noqaqa judiokunaj qhepankuta espada oqharisqa risaj.

Amós 9:4

Awqankukuna paykunata mana munashajta waj suyuman apanqanku chaypis, chaypipis espadawan wañuchinankuta kamachillasajtaj. Paykunataqa ñawillaypi purichisaj, mana allinninkupajchu, manachayqa llakiyninkupaj, nispa.

1 Reyes 8:46

Mana kanchu uj runallapis mana juchallejqa. Chayrayku ichapis contraykipi juchallikunkuman, qantaj paykunaj contranpi phiñakuspa, karuman chayrí qayllamanpis awqankoj makinman jaywaykuwaj, presota waj suyuman apanankupaj.

2 Reyes 25:9

Payqa Tata Diospa Templonta, kuraj kamachej Sedequiaspa wasinta, Jerusalén llajtapi tukuy wasikunata, chantá manchay uyarisqa runakunaj wasinkutawan ruphaykucherqa.

Nehemías 1:3

Paykunataj niwarqanku: Pikunachus apasqa kanamanta llusp'erqanku, chaykuna chayllapi qhepakorqanku. Chaywanpis may llakisqa, p'enqasqataj kashanku. Jerusalén llajtaj perqanpis thuñisqa, punkunkunataj ninawan ruphasqa kashan, nispa.

Ester (hebreo) 3:8

Chantá Amanqa kuraj kamachej Asuerota nerqa: Kuraj kamachejníy, kamachishanki kay suyu ukhupi waj llajtayoj runakuna t'aqa t'aqalla kashanku. Paykunataj kamachisqaykita mana kasukunkuchu. Paykunaj usunkoqa waj jinataj. Chaykunata kawsajta saqespataj, mana imata tarinkichu.

Salmos 44:12

12 (13) Aylluykitaqa chhalarparerqanki, vendespataj, mana ni imatapis ganarqankichu.

Isaías 6:11

Noqarí taporqani: Tukuyta Kamachej Dios, mayk'ajkamataj ajina kanqari? nispa. Paytaj niwarqa: Kayqa llajtankukuna chinkachisqa kanankama kanqa, mana uj runayoj nitaj wasiyoj ni piniyoj kanankama, campopis ch'inpacha qhepakunankama.

Jeremías 4:7

Leonqa jusk'umanta llojsimunña. Suyukunata chinkarachejqa puririmunña, tukuy llajtaykita ch'inyachinanpaj, raqaykunallataña saqenanpaj ima.

Jeremías 8:3

Chantá chay millay runakunata wañuchisqaymanta kawsashaj qhepakojkunata ch'eqerachisaj, paykunataj wañuytaraj astawan munanqanku chay cheqakunapi kawsanankumanta nisqaqa. Noqa Tukuy Atiyniyoj Tata Diosmin chayta nini.

Lamentaciones 1:1

Jerusalén llajta unay may chhika runayoj karqa, kunantaj ch'inpacha qhepakun. Llajtakuna ukhupi chay chhika jatun llajta kashaspa, warmisapaman jina tukun. Suyukunata kamachej llajtataj kunanqa mit'animan tukun.

Lamentaciones 4:16

Tata Diospuni paykunata tukuynejman ch'eqeracherqa, manañataj paykunata qhawarerqachu. Runakunaqa sacerdotekunata manaña jatunpaj qhawankuchu, nitaj machu runakunatapis khuyankuchu.

Ezequiel 12:20

Tukuy llajtakunaqa raqayman tukuchisqa kanqanku, jallp'ataj mana imayoj t'ajra pampa qhepakonqa. Chaypacharaj qankuna noqa Tata Dios kasqayta yachankichej, nispa.

Oseas 9:6

Tukuchisqa kanaykichejmanta ayqejtiykichejpis, Egiptomanta runakuna jap'isonqachej, Menfis llajtapitaj ayaykichej p'ampasqa kanqa. Qolqe jallch'anaykichejman ithapallulla junt'aykonqa, jaraykichejpipis khishkalla wiñaykaponqa.