Levítico 26:31 - DIOSPA QHELQACHISQ

³¹ Llajtaykichejta raqayllataña saqesaj, yupaychana wasiykichejtapis loqhesaj. Ima munayta q'apashaj jaywawasqaykichejwanpis manaña misk'irichikusajchu.

Qheshwa Biblia DC

³¹ Llajtasniykichejta raqayasta saqesaj, chinkachisaj yupaychana wasisniykichejtapis. Sumaj q'apashaj jaywawasqaykichejtapis manaña jap'isqaykichejchu.

DIOSPA QHELQACHISQAN DEUTEROCANONICAL

³¹ Llajtaykichejta raqayllataña saqesaj, yupaychana wasiykichejtapis loqhesaj. Ima munayta q'apashaj jaywawasqaykichejwanpis manaña misk'irichikusajchu.

Levítico 26:31 Referans Kwoze

Nehemías 2:3

Chaywanpis kuraj kamachejta nerqani: Kuraj kamachejníy, wiñaypaj kawsakuy. Imaraykutaj mana llakikusajchuri? Maypichus tatay mamay p'ampasqa kashanku, chay llajtaqa thuñisqa kashan, muyuyninpi perqanpa punkunkunataj rupharasqa kashanku, nispa.

Hebreos 10:26

Sichus noqanchej cheqa kajta yachaspaña, juchallillasunmanpuni chayqa, chay juchata pampachanapaj manaña waj jaywana kanchu.

Ezequiel 9:6

Machu runakunata, waynakunata, sipaskunata, wawakunata, warmikunata ima. Tukuyninkuta wañurachiychej. Pikunachus señalniyoj kajkunamanrí ama qayllaykullankichejpischu, nispa. Chantá chay runakunaqa, pikunachus Diospa Templonpa punkunpi kasharqanku, chay kurajkunamanta qallarispa, runakunata wañurachiyta qallarerqanku.

Lamentaciones 2:7

Tata Diosqa altarninta qhesachan, jinallataj paypaj t'aqasqa cheqatapis pisipaj qhawan. Llajtaj muyuyninpi jark'achasqa perqakunatapis awqankuman jaywaykorqa. Awqankunataj Tata Diospa Templonpi raymi p'unchaypi jina manchayta kusiywan ch'ajwarinku.

Lamentaciones 1:10

Awqankoqa Jerusalenpata qhapaj imankunata jap'ikapun. Jerusalenqa qanta mana manchachikoj runakunata rikorqa Temploykiman junt'aykojta, pikunatachus mana Temploykiman yaykunankuta nerqanki, chaykunata.

Jeremías 4:7

Leonqa jusk'umanta llojsimunña. Suyukunata chinkarachejqa puririmunña, tukuy llajtaykita ch'inyachinanpaj, raqaykunallataña saqenanpaj ima.

Hechos 6:14

Chantá uyarillaykutaj nejta Nazaret llajtayoj Jesusqa Templota urmachinanta, jinallataj Moisespa yachachisqan usukunata waj jinaman tukuchinanta, nispa.

San Lucas 21:24

Wakenqa espadawan wañuchisqa kanqanku, wakintaj presochasqa tukuy suyuman apasqa kanqanku. Chantá mana judío kajkunaqa Jerusalén llajtata saronqanku chay tiempo junt'akunankama.

Miqueas 3:12

Chayrayku juchaykichejrayku, Sión orqopi Jerusalén llajta barbechoman tukonqa, raqayllamantaj. Maypichus Diospa Templon kashan, chay orqotapis ch'umilla p'ampaykonqa.

Ezequiel 24:21

Israel aylluyman niy: Tukuyta Kamachej Tata Dios nisunkichej: Noqa Temployta ch'ichipaj qhawasqata ruwasaj, mayqentachus chay jinatapuni munakuspa runaykachankichej, chayta. Jinallataj Jerusalenpi saqesqaykichej churiykichejkuna, ususiykichejkuna ima espadawan wañuchisqa kanqanku, nispa.

Ezequiel 21:15

15 (20) Chay espadaqa ashkha runata manchachenqa, ashkhatataj wañurachenqa. Tukuy wasi punkupi wañuchej espadata churani. Espadaqa sumaj llosq'ochasqa illapakunata kacharinanpaj, jinataj wañurachinapaj wakichisqa kashan.

Ezequiel 21:7

7 (12) Imamantachus waqasqaykita tapusojtinkutaj, ninki: May jatun llakiy chayamunanta yachaspa waqashani. Chaypacha tukuy runakuna mana kallpayoj, qollpirasqa, manchariywan kanqanku. Makinkupis llawch'iyanqa, tukuy chaki moqonkutaj manchariywan kharkatitenqanku. Chay p'unchay chayamushanña, chaytaj jinapuni kanqa. Noqa Tukuyta Kamachej Tata Diosmin chayta nini.

Ezequiel 6:6

Maypichus paykuna tiyakunku, chay llajtakuna thuñisqallataj kanqanku. Tukuy altarninkukuna phirisqapuni kanqanku. Lantinkukunapis, intiman rijch'akoj lantinkukuna ima phirisqallataj kanqanku. Inciensota q'oshñichinanku altarkunapis thuñichisqallataj kanqanku. Tukuy ima ruwasqankupis chinkachisqa kanqa.

Lamentaciones 1:1

Jerusalén llajta unay may chhika runayoj karqa, kunantaj ch'inpacha qhepakun. Llajtakuna ukhupi chay chhika jatun llajta kashaspa, warmisapaman jina tukun. Suyukunata kamachej llajtataj kunanqa mit'animan tukun.

Jeremías 52:13

Payqa Tata Diospa Templonta ruphaykucherqa. Jinallataj kuraj kamachejpa kamachinan wasita, chantá Jerusalén llajtapi tukuy wasikunata ruphaykuchillarqataj, astawanqa kurajkunaj wasinkukunata.

Jeremías 26:9

Imaraykutaj Tata Diospa sutinpi parlaj churakuspa, nerqanki kay Templo Silopi yupaychana wasi jina thuñisqa kananta, kay llajtapis ch'inyachisqa kananta, mana runayojtaj qhepakunantari? nispa. Chantá tukuy runakuna Diospa Templonpa ñawpaqenpi Jeremiaspa contranta tantaykukorqanku.

Jeremías 26:6

Silo llajtapi ruwasqayta jinallatataj kay Templotapis ruwasaj. Kay llajtataj tukuypa asipayanan, alqochakunantaj kanqa, nispa.

Jeremías 22:5

Sitajchus kay kamachisqayta mana kasunkichejchu chayrí, kay kamachina wasikunatapis raqayllaman tukuchisaj. Noqa Tata Diosmin chayta nini.

Jeremías 9:11

11 (10) Tata Dios nin: Jerusalén llajtata rumi qotuman tukuchisaj, k'ita alqokunaj tiyakunanman. Judá suyupi llajtakunata raqaykunaman tukuchisaj, manañataj pipis chaypi tiyakoj kanqachu, nispa.

Isaías 66:3

Chaywanpis pichus wakata ñak'aspa jaywawajqa uj runata wañuchejwan ninakun. Corderota ñak'aspa jaywanata apamojqa alqotapis wañuchispa jaywanman jina. Ch'aki mikhuy jaywanata apamojqa khuchej yawarninta apamojman ninakun. Inciensota q'oshñichejqa lantitapis yupaychanman jina kashan. Paykunaqa sapa ujninku imatachus munasqankuta ajllakunku, chay millay ruwasqankuwantaj sonqonkupi kusikunku.

Isaías 1:7

Suyuykichejqa ch'inman tukun, llajtaykichejtataj ninawan ruphaykuchinku. Qankuna qhawashajtiykichej, waj llajtayojkuna poqochisqaykichejta apakapunku. Llajtaykichejqa ch'inpacha qhepakun.

Nehemías 2:17

Chantá paykunata nerqani: Qankuna yachankichej sinch'i llakiypi kashasqanchejta. Jerusalén llajtanchejpa perqanqa urmasqa, punkunkunapis ruphasqa kashanku. Jerusalenpa perqanta watejmanta jatarichinachej amaña asipayanawanchejpaj, nispa.

2 Crónicas 36:19

Chay jawaqa Babiloniamanta soldadokuna Diospa Templontapis ruphaykucherqanku, Jerusalén llajtaj perqankunatataj thuñiykorqanku. Kamachina wasimanpis ninata jap'iykucherqanku. Chay valorniyoj kaj imakunatapis tukuyninta t'unaykorqanku.

Génesis 8:21

Q'olachispa jaywanaj q'aparisqanqa Tata Diospaj ima munay karqa. Chayrayku Dios nerqa: Noqaqa runaj juchanrayku kay pachata manaña ujtawan maldicisajchu. Runa wawamantapacha mana allinta ruwanallapipuni yuyan chaypis, manaña noqa tukuy kawsajta tukuchisajchu, kunan imaynatachus tukucherqani, jinataqa.

2 Reyes 22:19

Chantá kay llajta jinataj chaypi tiyakojkuna maldicisqa kanankuta, chantá ch'inman tukuchisqa kanankuta nisqayrayku, sonqoykita wawayachispa ñawpaqeypi k'umuykorqanki, jinallataj p'achaykita llik'irakuspa waqarqanki. Chayta noqa uyariyki, nispa Tata Diosqa nisunki.

Isaías 6:11

Noqarí taporqani: Tukuyta Kamachej Dios, mayk'ajkamataj ajina kanqari? nispa. Paytaj niwarqa: Kayqa llajtankukuna chinkachisqa kanankama kanqa, mana uj runayoj nitaj wasiyoj ni piniyoj kanankama, campopis ch'inpacha qhepakunankama.

Isaías 63:18

Noqayku ajllasqa aylluyki pisi tiempollapaj qanpaj t'aqasqa cheqata jap'erqayku. Kunantajrí awqaykukuna Temploykita sarunku.

Jeremías 44:2

Israelpa Tukuy Atiyniyoj Tata Diosnin kay jinata nin: Qankuna rikorqankichej noqa tukuy ñak'ariykunata Jerusalén llajtaj contranta kachaykamusqayta, jinataj Judá suyupi kaj llajtakunamanpis. Kunan chay llajtakuna raqayllaña kashanku, manataj pipis chaykunapi tiyakunñachu.

Jeremías 44:6

Chayrayku k'araj phiñakuyneyqa nina jina lawrarispa, Judapi llajtakunata, Jerusalenpi callekunata ima ruphaykorqa. Chaykunataj kunan p'unchaykama ch'inpacha raqaykunallaña qhepakunku, nispa.

Daniel (hebreo) 2:46

Chantá kuraj kamachej Nabucodonosor Danielpa ñawpaqenman pampakama k'umuykukorqa. Jinaspataj, kamacherqa uywa ñak'asqa q'olachinata Danielman jaywanankuta, inciensotataj payman q'oshñichinankuta.

Amós 7:9

Isaacpa yupaychanan wasikuna thuñisqa kanqanku, Israelpa lanti yupaychana templonkunapis urmachisqa kanqa. Jeroboanpa aylluntapis espadawan wañuchichisaj, nispa.

Sofonías 3:6

Tata Dios nin: Suyukunata phiriykuni. Jark'achasqa torrenkukuna pampachasqa kanku, callenkukunatataj ch'inpachata saqerparini. Chaypi mana uj runapis purinchu. Saqerasqa ch'usaj llajtankupi mana uj runallapis tiyakoj kanchu.

Nehemías 1:3

Paykunataj niwarqanku: Pikunachus apasqa kanamanta llusp'erqanku, chaykuna chayllapi qhepakorqanku. Chaywanpis may llakisqa, p'enqasqataj kashanku. Jerusalén llajtaj perqanpis thuñisqa, punkunkunataj ninawan ruphasqa kashan, nispa.

Isaías 64:9

Tata Dios, ama ari chay jinataqa phiñakuychu, amataj juchaykumanta yuyarikullaypunichu ari. Tukuyniykuta qanpa aylluyki kayku.

Jeremías 4:26

Qhawarispa, sumaj poqoj jallp'akunapis ch'inman tukuchisqa kasqankuta rikorqani, tukuy llajtankunataj raqayllaña kasqankuta. Tata Diosmin k'araj phiñakuyninpi chay tukuyta ruwarqa.

Jeremías 4:27

Tata Dios nin: Tukuy jallp'a ch'inman tukuchisqa kanqa. Chaywanpis mana tukuynintapunichu tukuchisaj.

Lamentaciones 2:6

Tata Dios huerta qhawana ch'ujllata jina Templonta thuñirparin. Maypichus tantakoj kanku, chayta ujllata thuñirparerqa. Tata Diosqa Sionpi raymi ruwanata, samarina p'unchaytapis qonqapunankuta ruwarqa. Chay jina phiñakuyninwan kuraj kamachejta, chantá sacerdotekunatapis qhesacharqa.

Ezequiel 12:20

Tukuy llajtakunaqa raqayman tukuchisqa kanqanku, jallp'ataj mana imayoj t'ajra pampa qhepakonqa. Chaypacharaj qankuna noqa Tata Dios kasqayta yachankichej, nispa.