Levítico 23:32 - DIOSPA QHELQACHISQ

³² Chay p'unchayqa qankunapaj samarina p'unchay kanqa. Jisq'on kaj p'unchay ch'isiyaymanta q'ayantin ch'isiyanankama samarinkichej, chantá ayunankichej ima, nispa.

Qheshwa Biblia DC

³² Chayqa qankunapaj kanqa uj samarikuna p'unchay, qankuna ayunanaykichejpaj, chay p'unchayta waqaychanaykichejpaj, chay killapi isq'on diaj ch'isiyayninmanta q'ayantin diaj ch'isiyayninkama.

DIOSPA QHELQACHISQAN DEUTEROCANONICAL

³² Chay p'unchayqa qankunapaj samarina p'unchay kanqa. Jisq'on kaj p'unchay ch'isiyaymanta q'ayantin ch'isiyanankama samarinkichej, chantá ayunankichej ima, nispa.

Levítico 23:32 Referans Kwoze

Hebreos 4:11

Ajinaqa kallpakuna ari Diospa qosqan samarikuyman yaykunanchejpaj. Chaywanpis sichus Diosta mana kasusunchejchu chayqa, ñawpa israelitakuna jina urmallasunmantaj.

Hebreos 4:3

Noqanchej Diospi atinikojkunaqa samarinanman yaykunchej. Diospi mana atinikojkunamantarí Dios kay jinata nin: Chayrayku k'araj phiñakuyniypi tiluspa nerqani: Mana samarinankupaj qosqayman yaykonqankuchu, nispa. Dios ajinata nerqa, kay pachata ruwayta tukuytawan samarisqanmanta parlaspa.

1 Corintios 11:31

Sichus noqanchej kikinchej sonqonchejta allinta qhawarikusunman chayqa, Dios mana jasut'iwasunmanchu.

San Mateo 5:4

Kusikuyniyojmin kanku kunan waqajkunaqa, imaraykuchus Diosmin paykunata sonqochanqa.

Isaías 61:3

Chantapis Tata Dios kachamullawantaj Sionpi llakisqa kajkunapaj kay allin imakunata ruwanaypaj: Pikunachus llakisqa kasqankurayku ushphawan qhallisqa kashanku, chaykunaman may k'achitu pilluta churasaj. Llakiy p'achawan churakuspa kanankutaqa, kusiywan p'achallisqa kanankuta ruwallasajtaj. Jinallataj phutisqa kanankumantaqa kusisqallapuni kanankuta ruwasaj. Paykuna justiciata ruwasqankurayku “Tata Diospa Mallkisqan Roble Sach'a”, nispa sutichasqa kanqanku, paypa jatun kayninta rikuchinankupaj.

Isaías 57:15

Ajinata patapi kaj wiñaypaj kawsaj Tata Dios nini, May Llimphu Kaj sutiyoj Dios: Noqa patapi tiyakuni, may llimphu cheqapi. Jinallataj llamp'u sonqoyojwan, k'umuykojwan ima kashani, k'umuykoj sonqoyojkunata, sonqo p'akisqakunatapis kusichinaypaj.

Salmos 51:17

17 (19) Manachayqa k'umuykoj sonqo kanayta munanki. Qanqa Diosníy, tukuy sonqo k'umuykojta, chantá qanman kutirikamusojta mana qhesachankichu.

Salmos 35:13

Paykuna onqojtinkoqa, noqa paykunarayku llakikoj kani. Ayunaspa, qhashqa p'achata churakoj kani, sonqoy ukhupitaj Tata Diosmanta paykunarayku mañapoj kani.

Levítico 23:27

Jinallataj qanchis kaj killapi chunka kaj p'unchaypi Jucha Pampachana p'unchay kanqa. Chaypacha Tata Diospa sutinpi tantakuspa, ayunankichej, chantá uywakunata q'olachispa Tata Diosman ñak'asqa uywakunata jaywankichej.

Levítico 16:31

Kay kamachisqaqa wiñaypaj kanqa. Chay p'unchay qankunapaj samarina p'unchay kanqa. Chay p'unchaytaj ayunankichej.

Levítico 23:31

Chayrayku chay p'unchayqa ruwanaykichejmanta amapuni imatapis ruwankichejchu. Kay kamachisqaqa tukuy mirayniykichejpaj wiñaypaj kanqa, maypichus tiyakunkichej, chaypi.

Levítico 23:33

Tata Dios Moiseswan parlaspa, nillarqataj:

Nehemías 13:19

Chantá punkuta qhawajkunata kamacherqani samarina p'unchay qallarikunanpaj ch'isiyaykushajtin, Jerusalén llajtaj punkunkunata wisq'aykunankuta samarina p'unchay pasanankama. Chay jawataj kamachiykunata punkuta qhawanankupaj churarqani.

Levítico 16:29

Kay kamachisqaqa qankunapaj wiñaypaj kanqa: Qanchis kaj killapi, chunka kaj p'unchaypi ayunankichej.Chay p'unchayqa ama ni ima ruwanaykichejta ruwankichejchu, ni kikin llajtayoj, nitaj qankunawan tiyakoj waj llajtayojkunapis.