Levítico 23:27 - DIOSPA QHELQACHISQ

²⁷ Jinallataj qanchis kaj killapi chunka kaj p'unchaypi Jucha Pampachana p'unchay kanqa. Chaypacha Tata Diospa sutinpi tantakuspa, ayunankichej, chantá uywakunata q'olachispa Tata Diosman ñak'asqa uywakunata jaywankichej.

DIOSPA QHELQACHISQAN DEUTEROCANONICAL

²⁷ Jinallataj qanchis kaj killapi chunka kaj p'unchaypi Jucha Pampachana p'unchay kanqa. Chaypacha Tata Diospa sutinpi tantakuspa, ayunankichej, chantá uywakunata q'olachispa Tata Diosman ñak'asqa uywakunata jaywankichej.

Levítico 23:27 Referans Kwoze

Éxodo 30:10

Aaronqa watapi uj kutita altarpa wajrankunata, uywa ñak'asqaj yawarninwan jawenqa. Ajinata ruwanqa jucha pampachasqa kananpaj. Chaytaqa sapa watapi uj kutillata jucha pampachasqa kananpaj ruwanqa. Chay altartaj Tata Diospaj may llimphumin kanqa, nispa. Ajinata Tata Dios nerqa.

Levítico 16:24

Jinaspataj, Diospaj T'aqasqa Cheqapi yakuwan mayllakuspa, waj p'achata churaykukuytawan llojsimonqa. Chantá payrayku, jinataj tukuy israelitakunarayku jaywanata q'olachispa Tata Diosman jaywanqa. Ajinata ruwaspa, paypa juchan, chantá israelitakunaj juchankupis pampachasqa kananta tarenqa.

Levítico 16:15

Chaymantataj tukuy israelitakunaj juchanku pampachasqa kananpaj chivotañataj ñak'anqa. Chantá chivoj yawarninta veloj wasannejman apanqa. Chay ukhupitaj kirpanaj patanta, ñawpaqentawan ch'ajchonqa, imaynatachus torilloj yawarninwan ruwarqa, ajinata.

Zacarías 12:10

Chantá Davidpa mirayninman, jinataj Jerusalenpi tiyakojkunaman sumaj sonqota qosaj, noqa Diosmanta mañakuyta munana sonqotawan. Noqata qhawariwanqanku, pitachus t'ojserqanku, chayta. Chaymantataj may jinata waqanqanku, imaynatachus runakuna waqanku k'ata wawanku chayrí kuraj kaj churinku wañojtin, ajinata.

Isaías 58:5

Qankunaqa runaj rikunallanta k'umuykunkichej. T'utura qhora jina k'umuykuspa, qhashqa p'achata churakunkichej, ushpha patapitaj winkunkichej. Chaytachu qankuna ayuno kasqanta ninkichej? Noqa Tata Diospaj allin kasqantachu yuyankichej?

Esdras 8:21

Chay qhepata Ahava mayu qayllapi tukuyninku ayunanaykuta kamacherqani, Diosniykoj ñawpaqenpi k'umuykukunaykupaj. Diosmanta yanapata mañakorqayku allillanta pusanawaykupaj, jinallataj aylluykuta, tukuy tiyapuyniykutapis waqaychananpaj.

Levítico 25:9

Chantá qanchis kaj killapi, chunka p'unchay kashajtin, Jucha Pampachana p'unchayta, tukuy suyupi carneroj wajranmanta putututa waqachinkichej.

Levítico 16:11

Chantá Aaronqa paypa juchan, chantá ayllunpa juchan pampachasqa kananpaj torillota ñak'aspa, Tata Diosman jaywanqa.

Santiago 4:9

Jinallataj llakikuychej, phutikuychej, jik'un jik'untataj waqaychej. Asisqaykichej waqanaman tukuchun, kusikusqaykichejtaj phutikunaman.

Salmos 35:13

Paykuna onqojtinkoqa, noqa paykunarayku llakikoj kani. Ayunaspa, qhashqa p'achata churakoj kani, sonqoy ukhupitaj Tata Diosmanta paykunarayku mañapoj kani.

Hechos 27:9

Alliyllawan rispa, noqayku anchata qheparikorqayku. Chayrayku barcopi rinapaj mana walejñachu karqa, Jucha Pampachana p'unchay pasayta, chiri tiempo kasqanrayku. Chayrayku Pabloqa barcota purichejkunata kay jinata yuyaycharqa:

Levítico 23:26

Tata Dios Moiseswan parlaspa, nillarqataj:

Levítico 23:28

Chay p'unchayqa imachus ruwanaykichejmanta amapuni ni imata ruwankichejchu, imaraykuchus chay p'unchayqa Jucha Pampachana p'unchaymin. Chay p'unchayqa noqa Tata Dios juchaykichejta pampachasaj.

Levítico 16:16

Ajinata Diosta yupaychana cheqata llimphuchanqa israelitakunaj tukuy mana allinta ruwasqankumanta, mana uyarikoj kasqankumanta, juchankumantawan ima. Ajinallatataj Aaronqa Dioswan Tinkukuna Toldotapis llimphuchanqa, ch'ichichakoj israelitakunaj chawpinpi kasqanrayku.