Levítico 23:17 - DIOSPA QHELQACHISQ

¹⁷ Jinallataj wasiykichejmanta sumaj jak'umanta levadurayoj ruwasqa iskay t'antata apamullankichejtaj. Sapa t'anta tawa kilo jak'umanta ruwasqa kanqa. Chay kanqa ñawpaj kaj poqoymanta Tata Diosman ikhaspa jaywana.

Qheshwa Biblia DC

¹⁷ Chaymanta apallankichejtaj wasiykichejmanta sumachaj iskay t'antasta, ñut'u jak'umanta levadurayoj ruwasqasta. Sapa ujnintaj tawa kilo jak'umanta kanqa. Chayqa kanqa Señorpaj ñaupaj kaj poqoymanta sumajnin kaj rikuchiku.

DIOSPA QHELQACHISQAN DEUTEROCANONICAL

¹⁷ Jinallataj wasiykichejmanta sumaj jak'umanta levadurayoj ruwasqa iskay t'antata apamullankichejtaj. Sapa t'anta tawa kilo jak'umanta ruwasqa kanqa. Chay kanqa ñawpaj kaj poqoymanta Tata Diosman ikhaspa jaywana.

Levítico 23:17 Referans Kwoze

Levítico 23:10

Israelitakunata kay jinata niy: Maypachachus noqaj qosqay, chay jallp'aman yaykunkichej chayqa, chajrata oqharisqaykichejmanta ñawpaj kaj marq'ata, sacerdoteman apamunkichej.

Números 28:26

Semana nisqa raymipi, maypachachus ñawpaj kaj poqoyta Tata Diosman jaywankichej chaypacha, Diosta yupaychanaykichejpaj tantakunkichej. Chay p'unchayqa imachus ruwanaykichejmanta mana ni imata ruwankichejchu.

Levítico 7:13

Jinallataj pachis nispa allinyakuna jaywanatawan khuska jaywananpaj levadurayoj t'antata apamullanqataj.

Éxodo 34:26

Jallp'aykichejpi poqojmanta ñawpaj kaj poqoyta, sumajnin kajta Tata Diosniykichejpa toldonman apankichej. Cabra uñataqa ama jayk'ajpis mamanpa lechenwan chayachinkichejchu, nispa. Ajinata Tata Dios nerqa.

Éxodo 34:22

Ruwallankichejtaj Semana nisqa raymita. Trigo Ruthuy Qallariy raymita, chantá Trigo Ruthuy Tukukuy raymita ima. Chay raymikunata sapa wata chajra oqhariy tukukuyta ruwankichej.

Éxodo 23:19

Jallp'aykej ñawpajta poqosqanmanta sumajnin kajta Tata Diosniykej wasinman apamunki. Cabra uñataqa ama mamanpa lechenpi chayachinkichu.

Apocalipsis 14:4

Paykunaqa mana jayk'aj warmikunawan puñuykorqankuchu, jinallataj Corderoj qhepanta rej kanku mayllamanpis rejtin. Jinallataj paykunaqa runakuna ukhumanta rantisqa karqanku Diospaj, Corderopaj ima ñawpaj kaj jaywana jina kanankupaj.

Santiago 1:18

Payllataj munasqanrayku cheqan nisqannejta kawsayta qowarqanchej, tukuy imatachus ruwasqanmanta noqanchej ñawpaj kaj poqoy jina kananchejpaj.

1 Corintios 15:20

Chaywanpis Cristo wañusqamanta kawsarimpusqanqa jinapuni. Pay wañojkunamanta ñawpajta kawsarimoj kaspa, yachayta qon qhepanejman wajkunapis kawsarimunallankutataj.

Romanos 8:23

Mana chayllachu, noqanchej Santo Espirituta señata jina jap'ejkunapis sonqonchejpi ayqollashanchejtaj. Jinallataj suyashanchej Dios imapajchus wawankunapaj rejsikapuwarqanchej, chayta jap'iyta. Chaypacha ukhunchejpis kacharichisqallataj kanqa.

San Mateo 13:33

Jinallataj, Jesús waj rijch'anachinata paykunaman willarqa: Diospa janaj pacha kamachiynenqa levaduraman rijch'akun. Uj warmi kinsa arroba jak'uman pisi levadurata jich'aykusqa chaypis, tukuynin masata poqochisqa, nispa.

Números 15:17

Tata Dios Moisesta nillarqataj:

Levítico 2:12

Levadurata, misk'itawan ima chajramanta ñawpaj kaj poqoyta jina Tata Diosman jaywayta atinkichej. Chaywanpis amapuni Tata Diospaj ima munay q'aparishaj jaywanata jina altarpi q'olachinkichejchu.

Éxodo 23:16

Chantá tukuy tarpusqaykichejmanta Ñawpaj Kaj Poqojta Oqharina raymitapis ruwallankichejtaj. Jinallataj Chajra Poqoyta Oqharina Tukukuy raymitapis.

Éxodo 22:29

29 (28) Chajra poqoyta oqharisqaykimanta, jinataj vinota ruwasqaykimanta ofrenda qonawaykita ama qonqankichu. Jinallataj kuraj kaj churiykitapis qopullawankitaj.

Levítico 23:18

T'antatawan khuska uj watayoj qanchis corderokunata mana imanku imanasqata, uj torillota, iskay carnerokunatawan apamullankichejtaj, q'olachispa Tata Diosman jaywanapaj. Chay q'olachispa jaywasqaj q'apaynenqa ima munayta Tata Diospa sonqonman chayanqa. Chaykunatawan khuska, ch'aki mikhuy jaywanata, chantá vinotawan ima jaywallankichejtaj.

Nehemías 10:37

Jinallataj nerqayku Diosniykoj Templonpi jallch'ana wasiman sacerdotekunapaj apanaykuta chajraykumanta ñawpaj kaj poqoyta, ñawpaj kaj poqoymanta jak'uta, huertaykumanta ñawpaj kaj poqoyta, vinomanta, aceitemanta ima. Chantá levitakunaman apanaykuta nillarqaykutaj, tukuy chajra poqoykunamanta sapa chunkamanta ujta, imaraykuchus paykuna chayta sapa llajtaykupi tantananku karqa.

Números 18:12

Chantá israelitakuna ñawpajta poqochisqankumanta sapa wata noqa Tata Diosman jaywawasqankuta qanman qollaykitaj: Sumajnin kaj aceiteta, sumajnin kaj vinota, trigotawan ima.

Números 18:13

Jinallataj israelitakuna mikhuyta oqharispa, ñawpaj kaj poqoyta Tata Diospaj apamuwasqankoqa qankunapaj kanqa. Chaymantaqa wasi aylluykimanta tukuy llimphuchasqa kajkunalla mikhuyta atenqanku.