Levítico 20:23 - DIOSPA QHELQACHISQ

²³ Pikunatachus qankunaj ñawpaqeykichejmanta qharqosaj, chay runakunaj usunkuta ama ruwankichejchu. Paykuna chay jina millayta ruwasqankurayku, mana noqa paykunata rikuyta aterqanichu.

Qheshwa Biblia DC

²³ Qankunaqa runaspa ususninkuta ama ruwankichejchu, mayqenkunatachus qankunaj ñaupaqeykichejmanta qharqosaj, chaykunajta. Paykuna chay tukuy imasta ruwarqanku, chayrayku noqaqa manaña aguantayta aterqanichu.

DIOSPA QHELQACHISQAN DEUTEROCANONICAL

²³ Pikunatachus qankunaj ñawpaqeykichejmanta qharqosaj, chay runakunaj usunkuta ama ruwankichejchu. Paykuna chay jina millayta ruwasqankurayku, mana noqa paykunata rikuyta aterqanichu.

Levítico 20:23 Referans Kwoze

Deuteronomio 9:5

Mana sumaj runa kasqaykichejraykuchu, nitaj cheqan kajta ruwasqaykichejraykuchu paykunaj jallp'ankuta jap'inkichej. Tata Dios ñawpaqeykichejmanta paykunata qharqonqa millayta ruwaspa kawsasqankurayku. Chantá ñawpa tataykichej Abrahamman, Isaacman, Jacobman ima nisqanta junt'anqa.

Levítico 18:24

Ama chaykunata ruwaspa ch'ichichakunkichejchu. Chay jina millayta ruwasqankurayku, noqa ñawpaqeykichejmanta chay millay runakunata qharqosaj. Imajtinchus chay runakuna chayta ruwaspa ch'ichichakorqanku.

Levítico 18:30

Chayrayku kamachisqaykunata kasuychej. Ama qankunaqa millay ch'ichita ruwaychejchu, imaynatachus qankunamanta ñawpajta tiyakojkuna ruwarqanku, jinataqa. Ama chaykunata ruwaspa ch'ichichakuychejchu. Noqa Tata Diosmin, Diosniykichej kani, nispa.

Levítico 18:3

Qankunaqa Egiptopi tiyakorqankichej ajinaqa, ama paykuna jinallataj ruwankichejchu. Jinallataj Canaanman pusashaykichej chaypipis, imatachus paykuna ruwayta yachasqanku, chayta amallataj ruwankichejchu, nillataj usunkuman jina kawsankichejchu.

Levítico 18:27

Manaraj qankuna tiyakushajtiykichej, chay cheqapi llajtayojkuna tukuy imaymana millayta ruwaspa karqanku. Chayrayku chay jallp'a ch'ichichasqa karqa.

Zacarías 11:8

Uj killallapi kinsa mana allin michejkunata wijch'orqani. Chaywanpis ovejakunapis noqawan sayk'usqankurayku, chejnikuwarqanku.

Salmos 78:59

Dios chayta rikuspa, phiñakorqa, Israeltataj qhesachasqatapuni qhesacharqa.

Levítico 18:25

Chay jina millayta ruwasqankurayku jallp'apis ch'ichichasqa karqa. Noqatajrí chay jina millayta ruwasqankumanta paykunata ñak'aricherqani. Chayrayku chay suyukunapi jallp'aqa, chay jina millayta ruwajkunata ajtuspa jina wijch'umorqa.

Levítico 18:2

Israelitakunata niy: Tata Dios ajinata nisunkichej: Noqa Tata Diosmin, Diosniykichej kani.