Levítico 19:26 - DIOSPA QHELQACHISQ

²⁶ Ama imatapis yawarniyojta mikhunkichejchu. Ama adivinaj kankichejchu, nillataj layqapis.

Qheshwa Biblia DC

²⁶ Ama ni ima aychata yawarnintinta mikhunkichejchu. Ama adivino kayta yachaychejchu, nitaj qhepaman imaschus kanantapis yachaychejchu.

DIOSPA QHELQACHISQAN DEUTEROCANONICAL

²⁶ Ama imatapis yawarniyojta mikhunkichejchu. Ama adivinaj kankichejchu, nillataj layqapis.

Levítico 19:26 Referans Kwoze

2 Reyes 17:17

Chantá qhari wawankuta, warmi wawankutapis q'olachispa diosninkuman jaywarqanku. Jinallataj layqeriyoman, qhepanejman imachus kananmanta watunaman ima qokullarqankutaj. Tata Diospa rikunanta ajina millayta ruwanaman qokuspa, payta sinch'ita phiñacherqanku.

2 Crónicas 33:6

Chay jawa Manasesqa Ben Jinón vallepi churinkunatapis ruphachispa diosninkunaman jaywarqa. Sajra espiritukunata wajyanaman qokorqa, jinallataj suerteta qhawayman, aysiri kayman, layqeriyoman ima qokorqa. Ajinata Tata Diospa rikunanta millaytapuni ruwaspa, sinch'ita phiñacherqa.

2 Reyes 21:6

Chay jawa churintapis q'olachispa diosninkunaman jaywarqa. Sajra espiritukunata wajyanaman qokorqa, jinallataj suerteta qhawanaman, aysiriman, layqeriyoman ima qokullarqataj. Ajinata Tata Diospa rikunanta millaytapuni ruwasqanwan Diosta sinch'ita phiñacherqa.

Deuteronomio 12:23

Chaywanpis yawartaqa ni ima kashajtin mikhunkichejchu, imaraykuchus kawsayqa yawarpimin kashan. Ajinaqa amapuni yawarta aychawan khuskataqa mikhunkichejchu.

Levítico 7:26

Maypichá tiyakunkichej, chaypi phuruyoj uywaj yawarninta, nitaj animalpa yawarnintapis mikhunkichejchu.

Levítico 3:17

Kay kamachisqayqa, maypichá tiyakunkichej, chaypi qankunapaj chantá mirayniykichejpaj ima wiñaypaj kanqa. Amapuni wirata, nitaj yawartapis mikhunkichejchu, nispa.

Jeremías 10:2

Tata Dios ajinata nin: Ama waj suyukunaj ruwasqallankutataj ruwaychejchu, nillataj janajpi t'ukuna señal kajtin, mancharikuychejchu chay waj suyukuna jinaqa.

Malaquías 3:5

Tukuy Atiyniyoj Tata Dios nin: Noqa qankunata juzgaj jamusaj. Chaypachataj noqamin testigo jina sayasaj kay jina kajkunaj contrankupi: Layqakuna, wasanchajkuna, llullakuspa tilojkuna, jornal pagota mana qopojkuna, pikunachus warmisapatawan ni piniyoj wajchakunatawan ñak'arichejkuna, waj llajtayojta ñak'arichejkuna, pikunachus mana jatun respetowan noqata qhawawanku ima, chaykunaj contrankupi sayaykusaj.

Daniel (hebreo) 2:10

Jinapi chay yachayniyoj runakuna kutichispa, nerqanku: Kay pachapi mana pipis atinmanchu mosqokusqaykita willasuyta. Chantá mana jayk'ajpis mayqen kuraj kamachejpa may atiyniyoj kaspapis kayman rijch'akojta mañarqachu aysirimanta nitaj yatirimantapis nillataj yachayniyojkunamantapis.

1 Samuel 15:23

Tata Diospa contranpi oqharikoyqa layqeriyo juchawan ninakun, Tata Diosta mana kasuytaj lanti yupaychana juchawan ninakullantaj. Imaynatachus qan Tata Diospa kamachisqanta qhesacharqanki, ajinallatataj paypis qanta amaña kuraj kamachej kanaykipaj qhesachasunki, nispa.

Éxodo 8:7

7 (3) Chaywanpis yatirikunapis yachasqankuwan kikillantataj ruwaspa, Egipto suyuman k'aylankulakunata astawan rikhuricherqanku.

Éxodo 7:11

Chaywanpis faraonqa yachayniyojkunata, yatirikunatawan ima wajyacherqa. Egiptomanta yatirikunataj yachasqankuwan kikillantataj ruwarqanku.

Hechos 15:20

Manachayqa uj cartata paykunaman apachispa, kayllata nisunman: Qhasi dioskunaman jaywasqamantaqa ama mikhunankuta, ama khuchichakunankuta, amataj jeq'eqasqa chayrí sipisqa uywaj aychanta mikhunankuta, nillataj yawartapis mikhunankuta, nispa.

Génesis 9:4

Kayllata mana mikhunaykichejchu tiyan: Yawarniyoj aychata, imaraykuchus yawarpi kawsay kashan.

Génesis 44:5

chantá qhawaspa imachus kananta yachanan vasota suwankichejri? Kaytaqa mana allintachu ruwankichej, nispa.

Levítico 19:25

Phishqa watamantataj poqosqanta mikhuyta atinkichej. Ajinamanta sach'aykichejqa astawan poqopusonqachej. Noqa Tata Diosmin Diosniykichej kani.

Deuteronomio 12:16

Chaywanpis yawartaqa amapuni mikhunkichejchu, manachayqa yakuta jina jallp'aman suruchinkichej.

Deuteronomio 15:23

Chaywanpis yawarnintaqa amapuni mikhunkichu, manachayqa jallp'aman yakuta jina sururichinki.

1 Samuel 14:32

Chantá israelitakunaqa awqankumanta qhechusqanku uywakunata jap'ispa, ovejata, wakata, waka uñakunata ima ñak'arqanku, chantá aychata yawarnintillanta mikhuyta qallarerqanku.

1 Samuel 14:33

Wakinkunataj Saulman willamorqanku: Soldadokunaqa aychata yawarnintillanta mikhuspa, Tata Diospa contranpi juchallishanku, nispa. Chaypacha Saulqa nerqa: Qankunaqa sajra sonqo runakuna kankichej. Uj jatun rumita tanqaspa, kayman apamuwaychej.