Levítico 19:15 - DIOSPA QHELQACHISQ

¹⁵ Qan juez kaspaqa, cheqanta ruwanki, ama wajchaman sayakuspa, nitaj qhapajman. Justiciataqa cheqantapuni ruwanki.

Qheshwa Biblia DC

¹⁵ Sichus qan juez kanki chayqa, cheqanta ruwanki, ama wajchaman sayakuspa, nitaj qhapajman sayakuspa. Cheqan juiciota qanqa ruwanki.

DIOSPA QHELQACHISQAN DEUTEROCANONICAL

¹⁵ Qan juez kaspaqa, cheqanta ruwanki, ama wajchaman sayakuspa, nitaj qhapajman. Justiciataqa cheqantapuni ruwanki.

Levítico 19:15 Referans Kwoze

Deuteronomio 1:17

Justiciata ruwaspaqa, ama uyanta qhawaspachu ruwankichej. Pisi tiyapuyniyojtapis, qhapajtapis uj rejta justiciata ruwankichej. Ama pitapis manchachikuychejchu, imaraykuchus justiciaqa Diospatamin. Sichus imamanta queja cheqanchay mana atina chayamusunkichejman chayqa, noqaman apamuwaychej. Noqataj justiciata ruwasaj, nispa.

Proverbios 24:23

Kaykunapis waj yachayniyojkunaj nisqankunallataj kanku: Justiciata ruwaspa, wakillanta allinpaj qhawanaqa mana allinchu.

Deuteronomio 27:19

Levitakuna nillanqankutaj: Maldicisqa kachun pikunachus waj llajtayojkunaj contranpi, chayrí warmisapaj, chayrí wajcha wawakunaj contranta ima justiciata q'ewejkuna, nispa. Tukuy israelitakunataj nenqanku: Ajina kachun, nispa.

Levítico 19:35

Justiciataqa maychus kajta ruwankichej. Chimpuspa, tupuspa, chayrí imatapis vendespa, ama q'otiyankichejchu.

Proverbios 18:5

Mana allinchu mana allinta ruwajta mana juchayojta rikhuricheyqa, nitaj allinchu cheqan runata juchachayqa.

Deuteronomio 16:19

Ama justiciata q'ewinkichejchu, amataj uyankuta qhawarispa wakillanman kutikunkichejchu. Amallataj lluk'ichikunkichejchu, imajtinchus lluk'ita jap'ikunaqa aswan yachayniyoj runatapis pantachin, cheqan runakunaj nisqankutapis waj jinaman tukuchin.

Salmos 82:2

Jayk'ajkamataj qankuna mana cheqanta juzgankichejchu, millayta ruwajkunaman kutikuspapuni?

Éxodo 18:21

Chantapis israelitakuna ukhumanta allin yuyayniyojkunata, Diosta may jatun respetowan qhawayta yachajkunata, mana llullakojkunata, lluk'ichikuyta chejnejkunata ajllay. Chaykunamanta churay wakinta waranqa runata, wakintaj pachajta, wakintaj phishqa chunkata, wakintaj chunka runata kamachinankupaj.

San Juan 7:24

Ama qhawasqaykichejman jinallaqa niychejchu imachus allin, imatajchus mana allinchu kasqantaqa. Manachayqa cheqan kajman jina allinta unanchaychej chayta reparanaykichejpaj, nispa.

Hechos 23:3

Pablotaj Ananiasta nerqa: Qanqa puraj uya kanki, Diostaj qantapis jinch'allasonqataj. Qanqa Moisespa kamachisqanman jina juzganawaykipaj kashanki. Kunantajchu chay kamachisqata p'akispa, laq'achiwanki? nispa.

Deuteronomio 10:17

Tata Diosniykichejqa dioskunaj Diosnin, tukuy kamachejkunaj kamachejnintaj. Payqa kamachinanpaj mana pitapis tapunrajchu, jinallataj may atiyniyoj, manchachikunataj. Tukuyta uj rejllata qhawan, nitaj piwanpis lluk'ichikunchu.

Job 13:8

Diosman kutikusqaykichejtachu yuyankichej? Qankunaqa Diosman kutikuyta atiwajchejchu?

Job 32:21

Mana noqaqa wakillanmanchu uyata orqhosaj. Tukuyninkuta uj ñawillawan qhawasaj.

Job 34:19

Payqa mana kamachejkunaman kutikunchu, nitaj qhapajkunaman, nillataj wajchakunamanpis uyata orqhonchu, imaraykuchus paymin tukuyninkuta ruwarqa.

Proverbios 31:9

Paykunarayku parlariy, justiciata ima ruway. Wajchakunaman kutikuy, jinallataj llamp'u sonqoyojmanpis.