Levítico 18:5 - DIOSPA QHELQACHISQ

⁵ Nisqayta, kamachisqaytapis kasunkichej. Pillapis chaykunata junt'ajqa kawsanqa. Noqamin Tata Dios kani.

Qheshwa Biblia DC

⁵ Nisqasniyta, kamachisqasniytapis kasunkichej. Pillapis chaykunata junt'ajqa kausanqa. Noqamin Señorqa kani.

DIOSPA QHELQACHISQAN DEUTEROCANONICAL

⁵ Nisqayta, kamachisqaytapis kasunkichej. Pillapis chaykunata junt'ajqa kawsanqa. Noqamin Tata Dios kani.

Levítico 18:5 Referans Kwoze

Romanos 10:5

Chayrayku Moisés ajinata nerqa, pichus kamachisqanejta cheqanpaj qhawasqa kayta munajmanta: Pipis kamachisqata junt'ajqa wiñay kawsayta tarenqa, nispa.

Ezequiel 20:11

Chaypitaj kamachisqaykunata paykunaman yachacherqani, rejsicherqanitaj, pipis chaykunata kasojqa kawsananpaj.

Gálatas 3:12

Chaywanpis Moisespa kamachisqanta junt'aspa wiñay kawsayniyoj kanapajqa Diospa nisqanta jap'ikuna mana necesariochu kanman. Chaypajqa kamachisqakunallata junt'ana kanman, imaraykuchus Diospa Qhelqachisqanpi nin: Pichus kamachisqakunata junt'ajqa kasusqanrayku wiñay kawsaniyoj kanqa, nispa.

San Lucas 10:28

Chantá Jesús nerqa: Maychus kajta kutichinki. Chaytachus ruwanki chayqa, wiñay kawsayta tarinki, nispa.

Ezequiel 20:21

Chaywanpis paykunaj churinkukunapis contrayta oqharikullarqankutaj. Mana kamachisqayman jinachu purerqanku, nitaj yachachisqaytapis kasorqankuchu. Manallataj junt'arqankuchu, mayqenkunata junt'aspachus runa kawsanqa, chaykunata. Samarina p'unchayniytapis pisipaj qhawarqanku. Chayrayku noqa ch'innejpi paykunaj patankuman k'araj phiñakuyniyta kachaykamuyta yuyarqani, ajinamanta paykunapi phiñakuyniyta thasnukunaypaj.

Ezequiel 20:13

Chaywanpis israelitakunaqa ch'innejpi contrayta oqharikorqanku. Mana kamachisqayman jinachu purerqanku, nisqaytapis qhesacharqanku, mayqentachus kasuspa, kawsayta tarinkuman karqa, chayta. Samarikuna p'unchayniyta manallataj kasuta ruwarqankuchu. Chayrayku nerqani: Ch'innejpi paykunata phiñakuyniypi chinkarparichisaj, nispa.

Éxodo 6:6

Chayrayku qan israelitakunata ninki: Diosqa kay jinata nisunkichej: Noqamin Tata Dios kani. Noqataj Egiptopi sinch'i ruwanamanta orqhosqaykichej, wata runa kasqaykichejmantapis pagota qospa kacharichisqaykichej. Ajinamanta jatun atiyniywan Egipto llajtayojkunata sinch'ita ñak'arichispa, kay suyumanta pusakapusqaykichej.

Éxodo 6:2

Chaymanta Tata Diosqa Moisesta ujtawan nillarqataj: Noqamin Tata Dios kani.

Malaquías 3:6

Noqa Tata Diosqa kasqay jinallapuni kani. Chayrayku Jacobpa mirayninmanta kajkuna, noqaqa mana qankunata chinkacherqaykichejchu.

Éxodo 6:29

Noqamin Tata Dios kani. Kunantaj qan rispa, Egiptopi kuraj kamachej faraonta niy, imatachus noqa nisqayki, chay tukuyta, nispa.

San Mateo 19:17

Jesustaj kuticherqa: Imaraykutaj allin kajmanta tapuwankiri? Mana pipis allin kanchu, manachayqa Dioslla. Sichus paypa kamachiyninman yaykuyta munanki chayrí, Diospa tukuy kamachisqankunata junt'ay, nispa.

Romanos 7:10

Chay kamachisqaqa kawsayta qonawan karqa. Chaywanpis chaynejta noqaqa Diospa ñawpaqenpi wañusqa jina rikhurerqani.

Levítico 18:6

Ama pi qharipis qaylla ayllullanmanta kaj warmiwan puñuykonqachu. Noqamin Tata Dios kani.

Deuteronomio 4:1

Kunanqa israelitakuna, kamachisqaykunata, chantá yachachisqaykunata ima uyariychej. Yachachisqayman jinataj ruwaychej. Kasukunkichej chayqa, mana wañunkichejchu. Ñawpa tataykichejpa Tata Diosnin jallp'ata qosonqachej, chayman jap'inaykichejpaj yaykunkichej.

Nehemías 9:29

Qanqa paykunata k'amej kanki kamachisqaykita watej junt'anankupaj. Paykunatajrí may kasqankuta yuyakuspa, kamachisqaykita mana kasojchu kanku. Nisqaykita p'akej kanku, mayqentachus junt'aspa kawsayta tarinanku karqa, chayta. Paykunatajrí qanpa contraykita oqharikuspa, rumi sonqo kasqankurayku, mana uyarikorqankuchu.

Isaías 55:3

Noqaman qayllamuwaychej, ninriykichejta kicharispa. Sumajta uyariwaychej, kawsaytataj tarinkichej. Qankunawan wiñaypaj uj tratota ruwasaj, imatachus munakusqay Davidman nerqani, chayta junt'aspa.

Ezequiel 18:9

Kamachisqayman jina kawsan, jinataj nisqayta kasun maychus kajta ruwananpaj. Chaymin cheqan runaqa, chayraykutaj pay kawsanqa. Noqa Tukuyta Kamachej Tata Dios chayta nini.

Deuteronomio 30:6

Tata Diosniykichejqa qankunaj sonqoykichejta, chantá wawaykichejkunaj sonqonkutapis kasukuyta munana sonqota ruwasonqachej, payta tukuy sonqoykichejwan, tukuy almaykichejwan ima munakunaykichejpaj. Ajinata ruwasqaykichejrayku unayta kawsankichej.

Deuteronomio 30:20

Jinallataj Tata Diosniykichejta munakuychej, kasuychej, chantá payta mana wasanchaspa qhatikuychej ima. Ñawpa tataykichej Abrahamman, Isaacman, Jacobman ima Tata Dios tiluspa qonanta nisqan jallp'api unayta kawsanaykichejpajqa, qankunamantamin kashan, nispa.