Levítico 18:3 - DIOSPA QHELQACHISQ

³ Qankunaqa Egiptopi tiyakorqankichej ajinaqa, ama paykuna jinallataj ruwankichejchu. Jinallataj Canaanman pusashaykichej chaypipis, imatachus paykuna ruwayta yachasqanku, chayta amallataj ruwankichejchu, nillataj usunkuman jina kawsankichejchu.

Qheshwa Biblia DC

³ Egiptopi maypichus qankuna tiyakorqankichej, imastachus paykuna ruwanku chaykunata ama ruwankichejchu. Mayqenmanchus pusasqaykichej chay Canaán sutiyoj jallp'aj ususnintapis ama ruwankichejchu, nitaj kamachiykunasnintapis ruwankichejchu.

DIOSPA QHELQACHISQAN DEUTEROCANONICAL

³ Qankunaqa Egiptopi tiyakorqankichej ajinaqa, ama paykuna jinallataj ruwankichejchu. Jinallataj Canaanman pusashaykichej chaypipis, imatachus paykuna ruwayta yachasqanku, chayta amallataj ruwankichejchu, nillataj usunkuman jina kawsankichejchu.

Levítico 18:3 Referans Kwoze

Levítico 20:23

Pikunatachus qankunaj ñawpaqeykichejmanta qharqosaj, chay runakunaj usunkuta ama ruwankichejchu. Paykuna chay jina millayta ruwasqankurayku, mana noqa paykunata rikuyta aterqanichu.

Éxodo 23:24

Ama chay runakuna jina ruwankichejchu. Amallataj diosninkukunaman qonqorikunkichejchu, nitaj yupaychankichejchu. Manachayqa lantinkuta yupaychana ruminkutapis phirinkichej.

Ezequiel 23:8

Egiptopi kasqanmantapacha khuchichakuypi purisqanta mana saqerqachu, imaraykuchus sipas kashajtillanraj, ashkha runakuna paywan puñuykorqanku. Honranta t'akaspataj, khuchichakuy munayninkuta paypi sajsakorqanku.

Romanos 12:2

Ama Diosman mana kutirikojkunaj yuyasqankuman jinaqa puriychejchu. Aswanpis saqeychej Dios yuyayniykichejta mosojyachispa mosoj runaman tukuchisunaykichejta. Ajinapi yachankichej qankunapaj Diospa munaynin k'acha, sonqonta kusichej, chantá mana pantayniyoj kasqanta.

Salmos 106:35

Aswanpis Diosta mana qhatejkuna runakunawan chhapukuspa, paykuna mana walej usunkuta ruwayta yachaykorqanku.

Deuteronomio 12:4

Qankuna Tata Diosniykichejta yupaychaspaqa, ama chay llajtayojkuna jinachu yupaychankichej.

Deuteronomio 9:4

Maypachachus Tata Diosniykichej ñawpaqeykichejmanta paykunata qharqonqa chaypacha, ama sonqoykichejpi ninkichejchu: Noqanchej allinta ruwasqanchejrayku Tata Dios kay jallp'ata qowanchej, nispa. Chayqa mana jinachu. Tata Diosqa chay runakunata millayta ruwaspa purisqankumanta wijch'onqa.

2 Reyes 17:8

Chantá Tata Dios paykunaj ñawpaqenkumanta wijch'usqa, chay runakunaj usunkuta ruwallarqankutaj. Jinallatataj Israel suyuta kuraj kamachejkuna, ima usutachus apaykamorqanku, chaytapis ruwallarqankutaj.

Deuteronomio 29:17

17 (16) Chay suyukunanejta jamushaspa, k'ullumanta, rumimanta, qolqe metalmanta, qorimanta ima ruwasqa lantikunata chay llajtayojkuna yupaychasqankuta rikorqanchej. Chay lantikunaqa millay chejnina kanku.