Levítico 18:21 - DIOSPA QHELQACHISQ

²¹ Amapuni Moloc sutiyoj lantiman wawaykita q'olachispa jaywankichu. Ama ajinata ruwaspa Diosniykej sutinta p'enqaypi rikhurichinkichu. Noqamin Tata Dios kani.

Qheshwa Biblia DC

²¹ Amapuni Moloc nisqa lantiman wawasniykita mayqentapis rikuchikuta jina qonkichu. Ama chay jinamanta Diosniykej sutinta qhesachankichu. Noqamin Señorqa kani.

DIOSPA QHELQACHISQAN DEUTEROCANONICAL

²¹ Amapuni Moloc sutiyoj lantiman wawaykita q'olachispa jaywankichu. Ama ajinata ruwaspa Diosniykej sutinta p'enqaypi rikhurichinkichu. Noqamin Tata Dios kani.

Levítico 18:21 Referans Kwoze

Deuteronomio 12:31

Tata Diosniykichejtaqa ama chay llajtayojkuna imaynatachus diosninkuta yupaychanku jinataqa, yupaychankichejchu. Chay llajtayojkunaqa imatachus Tata Dios mana rikuyta atinchu, chay imakunata ruwaspa diosninkuta yupaychanku. Paykunaqa wawankutapis ninawan q'olachispa diosninkuman jaywanku.

Levítico 19:12

Amamin sutiypi tiluspa llullakunkichejchu, imaraykuchus Diosniykichejpa sutinta pisipaj qhawawajchej. Noqamin Tata Dios kani.

Deuteronomio 18:10

Ama qankuna ukhupi mayqenpis wawaykichejta q'olachispa diosninkuman jaywankichejchu. Amapuni ni mayqenniykichej watoj kaychejchu, nitaj suerteta qhawajpis, nitaj ch'askata qhawayta yachaj, nillataj layqapis,

Levítico 22:32

Ama llimphu sutiyta p'enqaypi qhawachinkichejchu, israelitakuna ukhupi manchay respetowan qhawasqa kananpaj. Noqamin Tata Diosqa kani, pichus qankunata noqapaj t'aqakorqaykichej, chay.

Hechos 7:43

Mana, qankunaqa aswanpis Molocpa toldontaraj apaykacharqankichej, Refán nisqa diosniykichejpa ch'askanpa lantintawan. Chay lantikunata qankunalla ruwakorqankichej chayta yupaychanaykichejpaj. Chayrayku noqa suyuykichejmanta wijch'usqaykichej, Babilonia suyumantapis aswan karumanraj, nispa.

Malaquías 1:12

Qankunatajrí sonqoyta nanachiwankichej, imaraykuchus altarneyqa pisipaj qhawanalla kasqanta ninkichej, jinallataj noqaman jaywanatapis.

Jeremías 19:5

Chantataj altarkunata ruwarqankichej, wawaykichejkunata Baal diosman q'olachipunaykichejpaj. Chayta noqa mana kamacherqanichu, manapuni chay jina kananta yuyallarqanipischu.

1 Reyes 11:33

Chayta ruwasaj, imaraykuchus Salomonqa noqata saqerpariwaspa, yupaychan sidonioj diosninku Astoretta, Moabpa diosnin Quemosta, amonitakunaj diosninku Moloctawan ima. Paypa ruwasqanqa mana sonqoypa munasqanman jinachu, kamachisqayta mana kasuwarqachu, nitaj nisqayta cheqanta ruwarqachu, imaynatachus tatan David junt'arqa, jinataqa.

1 Reyes 11:7

Chantá Salomonqa Moabpa millay lantin Quemospaj uj altarta Jerusalenpa chimpan orqopi ruwacherqa. Amonitakunaj chay millay lantinku Molocpajpis altarta ruwachillarqataj.

Levítico 22:2

Aaronta, miraynintawan ima niy israelitakuna imatachus apamuwanku chay t'aqasqa imakunata may respetowan qhawanankuta, llimphu sutiyta ama p'enqaypi rikhurichinankupaj. Noqamin Tata Dios kani.

Amós 5:26

Aswanpis kamachejniykichej Sicut lantita aparqankichej, jinallataj Quiún ch'askaj lantintapis lijrarikorqankichej, mayqentachus qankunalla ruwakorqankichej, chaykunata.

Ezequiel 23:37

Paykunaqa noqawan casarasqa kashaspa, wajkunawan khuchichakorqanku, runatapis wañucherqanku. Paykunaqa lantikunata yupaychaspa, wasanchawarqanku. Noqapaj paqarichikorqanku, chay wawakunatapis ninapi q'olachispa, lantinkukunaman jaywarqanku.

Ezequiel 20:31

Qankunaqa lantiykichejkunaman jaywaspa, chantá wawaykichejta q'olachispa, kunankama ch'ichichakushallankichejpuni. Israelitakuna, ajina kashaspachu tapukoj jamuwankichej, kutichinaytataj munashankichej? Noqa Tukuyta Kamachej Tata Dios tiluspa, niykichej: Tapuwajtiykichejqa manapuni kutichisqaykichejchu, nispa.

Jeremías 7:31

Ben Jinón Vallepi Tofetpa altarninta jataricherqanku, chaypi qhari wawankukunata, jinataj warmi wawankukunatapis q'olachinankupaj. Chaytaqa ni jayk'aj paykunaman kamacherqanichu, nitaj yuyallarqanipischu.

2 Reyes 23:10

Jinallatataj kuraj kamachej Josiasqa Ben Jinón vallepi jaywanata q'olachina cheqata millachikunaman tukuchillarqataj, amaña pipis qhari wawanta, chayrí warmi wawanta chaypi q'olachispa Moloc nisqaj lantinman jaywananpaj.

2 Reyes 21:6

Chay jawa churintapis q'olachispa diosninkunaman jaywarqa. Sajra espiritukunata wajyanaman qokorqa, jinallataj suerteta qhawanaman, aysiriman, layqeriyoman ima qokullarqataj. Ajinata Tata Diospa rikunanta millaytapuni ruwasqanwan Diosta sinch'ita phiñacherqa.

2 Reyes 16:3

Manachayqa Israel suyuta kuraj kamachejkuna jina paypis ruwallarqataj. Ajazqa churinta q'olachispa, waj diosman jaywarqa. Ajina millayta ruwarqa, Tata Dios pikunatachus israelitakunaj ñawpaqenkumanta wijch'usqa, chay runakunaj usunkuman jina.

Levítico 21:6

Paykunaqa noqajllataña kanankupaj t'aqasqa kasqankurayku sutiyta ama p'enqaypi rikhurichenqankuchu. Paykunaqa noqa Tata Diosman q'olachisqa jaywanata jaywawanku, jinallataj Diospaj t'aqasqa t'antantawan. Chayrayku Diospaj t'aqasqa jina kachunku.

Romanos 2:24

Chayrayku Diospa Qhelqachisqanpi nin: Qankunarayku mana judío kajkuna Diospaj millayta rimanku, nispa.

Romanos 1:23

Jinataj mana jayk'aj wañoj Jatun Kayniyoj Diosta yupaychanankutaqa, wañoj runaman rijch'akoj lantita yupaycharqanku, p'isqokunaman rijch'akojta, tawa chakiyoj uywakunaman rijch'akojta, katarikunaman rijch'akoj lantita ima.

2 Crónicas 28:3

Ben Jinón Vallepi lantikunaman inciensota q'oshñicherqa. Churinkunatapis q'olachispa jaywarqa, waj llajtayojkuna ruwayta yachasqankuman jina, pikunatachus Tata Dios israelitakunaj ñawpaqenkumanta wijch'usqa, chaykuna jina.

Jeremías 32:35

Jinallataj Ben Jinón vallepipis Baalpaj altarkunata ruwarqanku chaypi churinkunata, ususinkunata ima uywa ñak'asqata jina Molocman q'olachinankupaj. Noqatajrí chay jina millayta ruwanankuta ni jayk'aj kamacherqanichu, nitaj yuyallarqanipischu. Jinata ruwaspa, chay kurajkunaqa Judá suyupi tiyakoj runakunata juchallicherqanku, nispa.

Ezequiel 20:26

Jinataj saqellarqani ch'ichichakunankuta kuraj kaj churinkukunata lantikunaman q'olachisqankunejta. Chayta ruwarqani paykuna sinch'i mancharisqa kanankupaj, noqalla Tata Dios kasqayta yachanankupajtaj.

Miqueas 6:7

Kusikunmanchu Tata Dios waranqa corderokunata q'olachispa jaywajtiy, chayrí chunka waranqa litro aceiteta jaywajtiypis? Kusikunmanchu kuraj kaj churiyta payman jaywajtiy, Diosta wasanchasqaymanta, juchaymantawan paganaypaj? nispa.

Levítico 24:15

Jinallataj israelitakunata niy: Pillapis Diosninpa sutinta maldicejqa juchanmanta wañuchisqa kanqa.

2 Reyes 17:31

Avá llajtayojkunataj Nibejaz sutiyoj diosninkoj lantinta, chantá Tartac sutiyoj diosninkoj lantintawan ruwakorqanku. Sefarvayin llajtayojkunataj Adramelec, chantá Anamelec sutiyoj diosninkuta yupaychaspa, wawankukunata q'olachispa jaywarqanku.

Amós 2:7

Pisi tiyapuyniyojta ñak'arichinku, k'umuykachachinkutaj, llamp'u sonqoyojkunapajpis mana justiciata ruwayta munankuchu. Chantá tatawan, churinwan ima uj warmillawan puñuykunku, ajinata ruwaspataj, may llimphu sutiyta sarunku.