Levítico 17:15 - DIOSPA QHELQACHISQ

¹⁵ Sichus mayqen israelitapis, chayrí qankunawan tiyakoj karu llajtayojpis wañusqa uywaj aychanta mikhunman, chayrí k'ita animalpa jap'isqanta mikhunman chayqa, p'achanta t'ajsakunan tiyan. Jinallataj ukhuntapis yakuwan mayllakunan tiyan. Chantá ch'isiyanankama mana llimphupaj qhawasqa kanqa. Chaymantaraj llimphuchasqa kanqa.

Qheshwa Biblia DC

¹⁵ Mayqen israelitallapis, chayri karu llajtayoj qankunawan tiyakoj ima uywaj wañusqa aychanta mikhojqa, chayri ima sajra animalpa jap'isqampa puchu aychanta mikhojqa, p'achasninta t'ajsakunan tiyan, jinallataj ukhusnintapis yakuwan mayllakunan tiyan. Ch'isiyaykukamataj mana llimphupaj qhawasqa kanqa. Chaymantataj llimphuchasqa kanqa.

DIOSPA QHELQACHISQAN DEUTEROCANONICAL

¹⁵ Sichus mayqen israelitapis, chayrí qankunawan tiyakoj karu llajtayojpis wañusqa uywaj aychanta mikhunman, chayrí k'ita animalpa jap'isqanta mikhunman chayqa, p'achanta t'ajsakunan tiyan. Jinallataj ukhuntapis yakuwan mayllakunan tiyan. Chantá ch'isiyanankama mana llimphupaj qhawasqa kanqa. Chaymantaraj llimphuchasqa kanqa.

Levítico 17:15 Referans Kwoze

Deuteronomio 14:21

Payllamanta wañoj animalta amapuni mikhunkichejchu, imaraykuchus qankunaqa Tata Diosniykichejpata kanaykichejpaj t'aqasqa ayllun kankichej. Qankunaj llajtaykichejpi tiyakoj karu llajtayojman chay aychata qoyta atinkichej chayri vendeyta, paykunataj mikhuyta atillanqanku. Ñuñushaj cabra uñataqa ama mamanpa lechenpi chayachinkichejchu.

Levítico 22:8

Payllamanta wañusqa uywaj aychanta, chayrí k'ita animalpa jap'isqan aychataqa mana mikhunanchu tiyan, ama chaywan ch'ichichasqa rikhurinanpaj. Noqamin Tata Dios kani.

Éxodo 22:31

31 (30) Qankunaqa noqapaj t'aqasqa runakuna kankichej. Ama atoj, chayrí leonpa jap'isqan aychata mikhunkichejchu. Chaytaqa alqoman qopunkichej.

Levítico 11:25

Jinallataj pillapis kay khurukunamanta wañusqata oqharejqa p'achanta t'ajsakonqa, ch'isiyaykuykamataj mana llimphupaj qhawasqa kanqa.

Apocalipsis 7:14

Noqataj payman kuticherqani: Wiraqochi, chaytaqa qan yachanki, nispa. Paytaj niwarqa: Kaykunaqa chay jatun ñak'ariypi wañojkuna kanku. Paykunaqa Corderoj yawarninpi t'ajsaspa, p'achankuta yurajyacherqanku.

Ezequiel 44:31

Sacerdotekunaqa payllamanta wañusqa uywaj aychanta mana mikhonqankuchu, nitaj lijrayoj phawajkunaj wañusqa aychankutapis, nillataj ima k'ita animal mithaspa wañuchisqantapis mikhonqankuchu, nispa.

Ezequiel 4:14

Noqatajrí kuticherqani: Ay, Tukuyta Kamachej Tata Diosníy, manapuni jayk'aj ima millay ch'ichipaj qhawasqata llankharqanichu, nillataj jayk'ajpis pay kikinmanta wañusqa uywaj aychanta mikhorqanichu, nitaj k'ita animalkunaj uywa wañuchisqan aychata, nillataj ch'ichipaj qhawasqa aychatapis, nispa.

Levítico 15:5

Sichus pillapis q'eya onqoyniyoj qharej puñunanta llankhanman chayqa, p'achanta t'ajsakunan tiyan. Jinallataj yakuwan mayllakonqa, chantá ch'isiyaykuykama mana llimphupaj qhawasqa kanqa.

Números 19:21

Kay kamachisqayqa wiñaypaj qankunapaj kanqa. Pichus llimphuchakuna yakuwan wajta ch'ajchojqa p'achanta t'ajsakunan tiyan. Jinallataj chay yakuta llankhajpis ch'isiyanankama mana llimphupaj qhawasqa kanqa.

Números 19:19

Pichus llimphu kaj runaqa kinsa kaj p'unchaypi, chantá qanchis kaj p'unchaypi, mana llimphupaj qhawasqa runata ch'ajchonqa. Qanchis kaj p'unchaypi mana llimphupaj qhawasqa runata llimphuchanqa. Chantá mana llimphupaj qhawasqa runa p'achanta t'ajsanqa, jinallataj ukhuntapis pay kikin mayllakonqa. Jinapis ch'isiyaykuykamaraj mana llimphupaj qhawasqa kanqa.

Números 19:8

Wakata ruphachej runapis kikillantataj p'achanta yakuwan t'ajsanqa, jinallataj tukuy ukhuntapis mayllakonqa. Paypis kikillantataj ch'isiyaykuykama mana llimphupaj qhawasqa kanqa.

Levítico 15:21

Sichus pillapis killanpi kashaj warmej puñunanta llankhanman chayqa, p'achanta t'ajsakunan tiyan. Jinallataj paypis yakuwan mayllakunan tiyan. Chantá ch'isiyanankama mana llimphupaj qhawasqa kanqa.

Levítico 15:10

Pichus q'eya onqoyniyoj imapichus tiyaykusqanta llankhajqa ch'isiyaykuykama mana llimphupaj qhawasqa kanqa. Jinallataj q'eya onqoyniyoj tiyasqan imakunata apaykachajqa p'achanta t'ajsakunan tiyan, chantá yakuwan mayllakunan tiyan. Jinataj ch'isiyaykuykama mana llimphupaj qhawasqa kanqa.

Levítico 7:24

Wañusqa uywakunaj wiranta, chayrí k'ita animalpa mithasqan uywaj wiranwanqa imatapis ruwayta atinkichej. Chaywanpis amapuni chayta mikhunkichejchu.

Levítico 11:40

Pichus wañusqa animalpa aychanta mikhojqa p'achanta t'ajsakonqa, ch'isiyaykuykamataj mana llimphupaj qhawasqa kanqa. Jinallataj pichus wañusqa animalta orqhojqa p'achanta t'ajsakonqa, chantá ch'isiyaykuykama mana llimphupaj qhawasqa kallanqataj.

Éxodo 22:30

30 (29) Chantapis wakaykimanta, ovejaykimanta phiwi uñanta apamuwanki. Phiwi uñaqa qanchis p'unchayta mamanwan kanqa, pusaj kaj p'unchaypitaj noqaman qopuwanki.

Levítico 11:24

Qankunamanta pipis kayta ruwajqa mana llimphupaj qhawasqa kankichej. Pillapis kay animalkunamanta wañusqata llankhajqa ch'isiyaykuykama mana llimphupaj qhawasqa kankichej.

Levítico 11:27

Tawa chakiyoj animalkunamanta, chaki pampanwan purejkunata ch'ichipaj qhawankichej. Chantá pillapis chay wañusqa animalta llankhajqa ch'isiyaykuykama mana llimphupaj qhawasqa kanqa.

Levítico 11:28

Jinallataj pillapis wañusqa animalta oqharejqa p'achanta t'ajsakonqa, chantá ch'isiyaykuykama mana llimphupaj qhawasqa kanqa. Qankunaqa chay animalkunata ch'ichipaj qhawanaykichej tiyan.

Levítico 11:31

Chay animalkunata qankunaqa ch'ichipaj qhawankichej. Pillapis chay animalkunamanta wañusqata llankhajqa ch'isiyaykuykama mana llimphupaj qhawasqa kanqa.

Levítico 11:32

Jinallataj imamanchus chay wañusqa animal urmaykonqa chayqa, chaypis ch'ichillapajtaj qhawasqa kanqa. K'aspimanta ruwasqapis kachun, chayrí kachun p'acha, qara, costalkuna, llank'anapaj herramientapis, ch'ichipaj qhawasqa kanqa. Chaykunataqa yakuwan mayllankichej, ch'isiyanankamataj ch'ichipaj qhawasqa kanqa. Chaymantaraj llimphu kanqa.

Levítico 11:39

Sichus mikhunaykichejpaj llimphupaj qhawasqa animal wañunman, chaytataj pipis llankhanman chayqa, ch'isiyaykuykama chay runa mana llimphupaj qhawasqa kanqa.