Levítico 16:3 - DIOSPA QHELQACHISQ

³ Aaronqa Diosllapaj T'aqasqa nisqa cheqaman yaykunan tiyan, jucha pampachasqa kananpaj jaywananpaj, uj torillowan, chantá q'olachispa Diosman jaywananpaj uj carnerowan ima.

Qheshwa Biblia DC

³ Aaronqa Dios maypichus kashan chayman yaykuchun uj torillo aysarisqa juchamanta uj rikuchikuta jaywanampaj. Apamullachuntaj uj carnerota ruphachisqa kanampaj.

DIOSPA QHELQACHISQAN DEUTEROCANONICAL

³ Aaronqa Diosllapaj T'aqasqa nisqa cheqaman yaykunan tiyan, jucha pampachasqa kananpaj jaywananpaj, uj torillowan, chantá q'olachispa Diosman jaywananpaj uj carnerowan ima.

Levítico 16:3 Referans Kwoze

Levítico 4:3

Sichus kuraj kaj sacerdote juchallinman chayqa, tukuy israelitakuna juchayojllataj rikhurenqanku. Jina kajtenqa, juchallisqan pampachasqa kananpaj sacerdoteqa mana iman imanasqa torillota Tata Diosman jaywanqa.

Hebreos 9:7

Diosllapaj T'aqasqa Cheqamanrí, watapi uj kutita kuraj kaj sacerdotella yaykoj. Chayman uywa ñak'asqaj yawarnin aparisqa yaykoj. Chay yawartataj Diosman jaywanan karqa, paypa juchanta Dios pampachananpaj, chantá runakuna mana reparakuspalla juchallikusqanku, chaytawan Dios pampachananpaj.

Levítico 8:18

Chaymanta Moisesqa q'olachispa jaywanapaj corderota apamunankuta nerqa. Apamojtinkutaj, Aaronwan, churinkunawan ima uywaj umanman makinkuta churarqanku.

Levítico 1:10

Sichus israelitakunamanta pipis q'olachispa jaywananpaj ovejamanta, chayrí cabramanta apamonqa chayqa, orqota mana iman imanasqata apamunan tiyan.

Hebreos 9:12

Chantá Cristoqa manallataj chivokunaj nitaj torillokunaj yawarnin aparisqachu yaykorqa. Manachayqa pay kikinpa yawarnin aparisqa Diosllapaj T'aqasqa Cheqaman uj kutillata yaykorqa. Ajinamanta Cristo wiñaypaj juchaj atiyninmanta kacharichiwarqanchej.

Levítico 9:3

Israelitakunatataj niy: Jucha pampachasqa kananpaj Diosman jaywanapaj uj chivota apamuychej. Jinallataj mana iman imanasqa uj watayoj torillota, uj watayoj corderotawan ima apamullaychejtaj q'olachispa Tata Diosman jaywanapaj.

Levítico 8:14

Chantá Moisés kamacherqa jucha pampachasqa kananpaj jaywana torillota apamunankuta. Apamojtinkutaj, Aaronwan, churinkunawan ima torilloj umanman makinkuta churarqanku.

Levítico 1:3

Sichus mayqenpis sonqonmanta munaspa q'olachispa jaywanata wakankunamanta apamuwanqa chayqa, mana iman imanasqa uj torota apamuchun. Jaywasqanta Tata Dios kusisqa jap'ikunanpajqa, Dioswan Tinkukuna Toldoman yaykuna punkupi jaywanqa.

Levítico 4:1

Tata Diosqa Moisesta nillarqataj:

Levítico 16:6

Chantá Aaronqa chay torillota ñak'aspa, Tata Diosman jaywanqa paypa juchan, jinataj ayllunpa juchan pampachasqa kananpaj.

Levítico 9:2

Chantá Moisés Aaronta nerqa: Juchata pampachanapaj uj torillota apamuy. Jinallataj q'olachispa jaywanapaj mana iman imanasqa corderotawan apamullaytaj. Jinaspataj chaykunata Tata Diosman jayway.