Levítico 16:29 - DIOSPA QHELQACHISQ

²⁹ Kay kamachisqaqa qankunapaj wiñaypaj kanqa: Qanchis kaj killapi, chunka kaj p'unchaypi ayunankichej.Chay p'unchayqa ama ni ima ruwanaykichejta ruwankichejchu, ni kikin llajtayoj, nitaj qankunawan tiyakoj waj llajtayojkunapis.

Qheshwa Biblia DC

²⁹ Kay kamacheyqa qankunapaj wiñaypaj kanqa: Qanchis kaj killapi chunka días kashajtin sinch'itapuni tukuy sonqoykichejpi llakikunkichej ayunankichejtaj. Chay p'unchaypeqa ni imata ruwankichejchu, ni kikin llajtayoj israelitas, nitaj karu llajtayojkuna qankunawan tiyakojkunapis.

DIOSPA QHELQACHISQAN DEUTEROCANONICAL

²⁹ Kay kamachisqaqa qankunapaj wiñaypaj kanqa: Qanchis kaj killapi, chunka kaj p'unchaypi ayunankichej.Chay p'unchayqa ama ni ima ruwanaykichejta ruwankichejchu, ni kikin llajtayoj, nitaj qankunawan tiyakoj waj llajtayojkunapis.

Levítico 16:29 Referans Kwoze

Isaías 58:3

Chantá ninku: Noqaykoqa ayunayku, qantajrí mana kasuta ruwawaykuchu. Sonqoykuta llamp'uyachiyku, qantajrí mana repararqankichu, nispa. Chaywanpis ayunashaspa, munasqallaykichejta ruwankichej. Chay p'unchaypi peonniykichejtapis astawan ch'irwankichej.

Números 29:7

Qanchis killallapitaj, chunka kaj p'unchayta tantakuspa, Diosta yupaychankichej. Chay p'unchayqa ayunankichej, jinataj ruwanaykichejmanta ama ni imata ruwankichejchu.

Daniel (hebreo) 10:12

Chantá niwarqa: Daniel, ama mancharikuychu. Qanqa ñawpaj p'unchaymantapacha, mana entiendey atina imakunata yachayta munaspa, Diosman k'umuykuyta yuyaychakorqanki. Chaymantapacha Diosqa mañakusqaykita uyarishasorqa, chayraykutaj noqa jamuni.

Isaías 58:5

Qankunaqa runaj rikunallanta k'umuykunkichej. T'utura qhora jina k'umuykuspa, qhashqa p'achata churakunkichej, ushpha patapitaj winkunkichej. Chaytachu qankuna ayuno kasqanta ninkichej? Noqa Tata Diospaj allin kasqantachu yuyankichej?

Salmos 35:13

Paykuna onqojtinkoqa, noqa paykunarayku llakikoj kani. Ayunaspa, qhashqa p'achata churakoj kani, sonqoy ukhupitaj Tata Diosmanta paykunarayku mañapoj kani.

Levítico 23:36

Qanchis p'unchay junt'ata q'olachispa Tata Diosman jaywankichej. Pusaj kaj p'unchaypitaj, watej Tata Diospa sutinpi tantakuspa, uywata q'olachispa payman jaywankichej. Chay p'unchay raymichakuna p'unchay kasqanrayku, ama ima ruwanatapis ruwankichejchu.

Levítico 23:21

Chay kikin p'unchayllataj qankunapis Tata Diosta yupaychanaykichejpaj tantakunkichej, amataj ni ima ruwanata ruwankichejchu. Kay kamachisqaqa tukuy mirayniykichejpaj wiñaypaj kanqa, maypichus tiyakunkichej, chaypi.

Éxodo 20:10

Qanchis kaj p'unchayrí, samarina p'unchay kanqa, noqapaj t'aqasqa p'unchaymin. Chay p'unchayqa ama ni ima ruwanaykita ruwankichu ni qan, ni churiyki, ni ususiyki, ni qhari kamachiyki, ni warmi kamachiyki, ni uywaykikuna, nitaj qankunawan tiyakoj waj llajtayojpis.

Hebreos 4:10

imaraykuchus pichus Diospa qosqan samarinaman yaykojqa paypa imachus ruwananmanta samarin, imaynatachus Diospis kay pachata ruwaytawan samarikorqa, ajinata.

1 Corintios 11:31

Sichus noqanchej kikinchej sonqonchejta allinta qhawarikusunman chayqa, Dios mana jasut'iwasunmanchu.

Daniel (hebreo) 10:3

Mana sumaj mikhuyta nitaj aychatapis mikhorqanichu, nillataj vinotapis ujyarqanichu. Nillataj, kinsa semana junt'akunankama sumaj q'apashaj jawinawanpis jawikorqanichu.

Isaías 58:13

Samarina p'unchaypi ama karuta puriychejchu, nitaj ajllakusqay p'unchaypi munayniykichejta ruwaychejchu. Manachayqa kayta niychej: Chay p'unchayqa Tata Diospa sumaj p'unchaynin, nispa. Chay p'unchaypi noqata jatunchawankichej mana imatachus munasqaykichejta ruwaspa, nitaj munasqaykichejta mask'aspa, nillataj qhasi manakajta parlaspa.

Salmos 69:10

10 (11) Waqajtiypis, ayunajtiypis, runakuna alqochakuwanku.

Esdras 3:1

Qanchis kaj killapi israelitakunaqa sapa ujpis llajtankupi tiyakushaspaña, Jerusalenpi tukuyninku uj runa jinalla tantakorqanku.

1 Reyes 8:2

Tukuynin Israelmanta runakunataj qanchis kaj killa, Etanim sutiyoj killapi, kuraj kamachej Salomonwan tantakorqanku. Chaypachataj may jatun raymita ruwarqanku.

Levítico 23:3

Sojta p'unchayta llank'ankichej, qanchis kaj p'unchaytataj ruwanaykichejmanta ama ni imata ruwankichejchu. Chay p'unchayqa qankunapaj jatun p'unchay kanqa, Diospa sutinpi tantakunaykichejpaj. Maypichari tiyakunkichej, chaypipis chay p'unchayqa samarikunaykichejpaj kanqa, Tata Diospaj t'aqasqa p'unchay kasqanrayku.

Éxodo 30:10

Aaronqa watapi uj kutita altarpa wajrankunata, uywa ñak'asqaj yawarninwan jawenqa. Ajinata ruwanqa jucha pampachasqa kananpaj. Chaytaqa sapa watapi uj kutillata jucha pampachasqa kananpaj ruwanqa. Chay altartaj Tata Diospaj may llimphumin kanqa, nispa. Ajinata Tata Dios nerqa.

Éxodo 12:16

Chantá ñawpaj kaj p'unchayta, jinallataj qanchis kaj p'unchaytapis yupaychanawaykichejpaj tantakunkichej. Chay p'unchaykunapeqa ama ni imata ruwankichejchu, manachayqa imatachus sapa uj mikhunkichej, chayllata wayk'ukuyta atinkichej.

Hechos 27:9

Alliyllawan rispa, noqayku anchata qheparikorqayku. Chayrayku barcopi rinapaj mana walejñachu karqa, Jucha Pampachana p'unchay pasayta, chiri tiempo kasqanrayku. Chayrayku Pabloqa barcota purichejkunata kay jinata yuyaycharqa:

Éxodo 31:14

Samarina p'unchayta maypaj qhawankichej, imaraykuchus qankunapaj samarina p'unchay kanqa. Pichus chay p'unchayta mana waqaychajqa wañuchisqa kanqa. Chantapis pichus chay p'unchaypi imatachus ruwananta ruwajqa israelitakuna ukhumanta chinkachisqa kallanqataj.

Éxodo 31:15

Sojta p'unchayta llank'ankichej, qanchis kaj p'unchaytaj samarina p'unchay Tata Diospaj t'aqasqa kanqa. Chayrayku pichus chay p'unchaypi imatachus ruwananta ruwajqa wañuchisqa kanqa.

Levítico 3:17

Kay kamachisqayqa, maypichá tiyakunkichej, chaypi qankunapaj chantá mirayniykichejpaj ima wiñaypaj kanqa. Amapuni wirata, nitaj yawartapis mikhunkichejchu, nispa.

1 Samuel 7:6

Israelitakunataj Mispá llajtapi tantakorqanku, chaypitaj yakuta pujyumanta orqhospa, Tata Diosman jaywaspa jich'arqanku. Chay p'unchay ayunarqanku, tukuypa uyarinantataj nerqanku: Tata Diospa contranta juchallikuyku, nispa. Israelitakunaqa Mispá llajtapi Samuelta juezninkupaj rejsikaporqanku.

Esdras 8:21

Chay qhepata Ahava mayu qayllapi tukuyninku ayunanaykuta kamacherqani, Diosniykoj ñawpaqenpi k'umuykukunaykupaj. Diosmanta yanapata mañakorqayku allillanta pusanawaykupaj, jinallataj aylluykuta, tukuy tiyapuyniykutapis waqaychananpaj.

Levítico 25:9

Chantá qanchis kaj killapi, chunka p'unchay kashajtin, Jucha Pampachana p'unchayta, tukuy suyupi carneroj wajranmanta putututa waqachinkichej.