Levítico 16:15 - DIOSPA QHELQACHISQ

¹⁵ Chaymantataj tukuy israelitakunaj juchanku pampachasqa kananpaj chivotañataj ñak'anqa. Chantá chivoj yawarninta veloj wasannejman apanqa. Chay ukhupitaj kirpanaj patanta, ñawpaqentawan ch'ajchonqa, imaynatachus torilloj yawarninwan ruwarqa, ajinata.

Qheshwa Biblia DC

¹⁵ Chaymantataj chay chivota ñak'anqa israelitaspa juchankumanta rikuchikuta Señorman jaywanampaj. Chay chivoj yawarnintataj veloj wasannejman apanqa. Chay ukhupitaj kirpanaj patanta ñaupajnintawan ch'ajchonqa, imaynatachus torilloj yawarninwan ruwarqa ajinata.

DIOSPA QHELQACHISQAN DEUTEROCANONICAL

¹⁵ Chaymantataj tukuy israelitakunaj juchanku pampachasqa kananpaj chivotañataj ñak'anqa. Chantá chivoj yawarninta veloj wasannejman apanqa. Chay ukhupitaj kirpanaj patanta, ñawpaqentawan ch'ajchonqa, imaynatachus torilloj yawarninwan ruwarqa, ajinata.

Levítico 16:15 Referans Kwoze

Hebreos 9:7

Diosllapaj T'aqasqa Cheqamanrí, watapi uj kutita kuraj kaj sacerdotella yaykoj. Chayman uywa ñak'asqaj yawarnin aparisqa yaykoj. Chay yawartataj Diosman jaywanan karqa, paypa juchanta Dios pampachananpaj, chantá runakuna mana reparakuspalla juchallikusqanku, chaytawan Dios pampachananpaj.

Hebreos 9:12

Chantá Cristoqa manallataj chivokunaj nitaj torillokunaj yawarnin aparisqachu yaykorqa. Manachayqa pay kikinpa yawarnin aparisqa Diosllapaj T'aqasqa Cheqaman uj kutillata yaykorqa. Ajinamanta Cristo wiñaypaj juchaj atiyninmanta kacharichiwarqanchej.

Hebreos 9:3

Chaymantataj warkhusqa uj velo karqa, chay wasanpitaj Diosllapaj T'aqasqa Cheqa karqa.

Hebreos 2:17

Chayta ruwananpajtaj payqa tukuy imapi wawqenkuna jina kananpuni karqa, ajinamanta kunan Diospa ñawpaqenpi khuyakuyniyoj kuraj kaj sacerdotenchej kananpaj. Jinataj cruzpi wañuspa kawsayninta jaywarqa runakunaj juchanku pampachasqa kananpaj.

Hebreos 6:19

Diospi atinikunaqa sinch'ita sayayta yanapawanchej, imaynatachus jatun gancho barcota pachanpi sayachin, ajinata. Ajinata mana iskayrayaspa Diospi atinikuyta atinchej Jesucristo janaj pachapi kaj Diospa Templonpi cortina ukhuman yaykusqanrayku.

Hebreos 5:3

Chayrayku payqa uywata ñak'aspa, Diosman jaywan ajinamanta juchan pampachasqa kananpaj. Chantá runakunaj juchanku pampachasqa kananpaj uywa ñak'asqata jaywanallantaj tiyan.

Levítico 16:2

Chantá Tata Dios Moisesta nerqa: Wawqeyki Aaronta niy ama mayk'ajllapis veloj wasanpi kashan, chay Diosllapaj T'aqasqa nisqa cheqaman yaykunanta. Nillataj Diospa arcanpata kirpananpa ñawpaqenman chimpananchu tiyan. Sichus yaykunman chayqa, wañonqa imaraykuchus arcaj kirpananpi noqa, phuyupi rikuchikusaj.

Hebreos 7:27

Jesusqa mana chay waj kuraj kaj sacerdotekuna jinachu. Paykuna sapa p'unchay uywa ñak'asqata q'olachispa Diosman jaywananku karqa, ñawpajta paykunaj juchankurayku, qhepantataj runakunaj juchankurayku. Jesusrí runakunaj juchanku pampachasqa kananpaj uj kutillata wiñaypaj wañorqa, pay kikin kawsayninta qospa.

Hebreos 9:13

Ñawpajta chivokunajta, chayrí torillokunajta yawarnin, china waka uña q'olachisqaj ushphan ima mana llimphupaj qhawasqa runakunaman qhallisqa karqa. Ajinata ruwaspataj, runakunaj ukhunpa jawallanta llimphuchaj kanku.

Levítico 4:21

Chaymantataj ñak'asqa torillota jaramanta jawaman orqhospa, q'olachenqa, imaynatachus ñawpaj kaj torillowan ruwarqanku, ajinallatataj. Chayqa israelitakunaj juchallisqanku pampachasqa kananpaj jaywanamin.

Levítico 4:5

Chantá kuraj kaj sacerdotellataj torilloj yawarninmanta uj chhikata Dioswan Tinkukuna Toldo ukhuman apanqa.

Números 17:11

11 (26) Chantá Moisesqa Tata Diospa kamachisqanman jina, tukuyninta ruwarqa.

Números 28:15

Chay jawa, q'olachispa Tata Diosman sapa p'unchay jaywanata vinotawan khuska jaywasqaykichejmanta, jucha pampachasqa kananpaj, uj chivota jaywallankichejtaj.