Levítico 16:13 - DIOSPA QHELQACHISQ

¹³ Chantá Tata Diospa ñawpaqenpi ninaman inciensota jich'aykonqa. Inciensoj q'oshñintaj Diospa trato ruwasqan arcaj kirpananta p'ampaykonqa. Ajinata ruwaspa Aarón mana wañonqachu.

Qheshwa Biblia DC

¹³ Jinaspataj chay nina brasasman jich'aykonqa chay inciensota Señorpa ñaupaqempi. Chay inciensoj q'osñintaj Diospa leyninwan kashan chay cajompa kirpananta pakaykonqa. Ajinamanta Aaronqa mana wañonqachu.

DIOSPA QHELQACHISQAN DEUTEROCANONICAL

¹³ Chantá Tata Diospa ñawpaqenpi ninaman inciensota jich'aykonqa. Inciensoj q'oshñintaj Diospa trato ruwasqan arcaj kirpananta p'ampaykonqa. Ajinata ruwaspa Aarón mana wañonqachu.

Levítico 16:13 Referans Kwoze

Éxodo 25:21

Chantá kirpanata arca pataman churanki. Arcaj ukhunmantaj rumipi noqaj qhelqasqay kamachisqakunata churanki.

Éxodo 30:1

Jinallataj inciensota q'oshñichinapaj, acacia maderamanta uj altarta ruwallankitaj.

Hebreos 9:24

Cristoqa mana runakunaj ruwasqan toldomanchu yaykorqa, mayqenchus cheqa kajpa rijch'aynillan karqa, chayman. Manachayqa pay kikin janaj pachamanpuni yaykorqa, Diospa ñawpaqenpi rikhurispa noqanchejrayku Diosmanta mañapunawanchejpaj.

Hebreos 7:25

Chayrayku pay wiñaypaj qhespichiyta atin, pikunachus paynejta Diosman qayllakojkunata, imaraykuchus pay wiñaypaj kawsallanpuni paykunarayku Diosmanta mañapunanpaj.

Números 16:46

46 (17.11) Chantá Moisés Aaronta nerqa: Incienso q'oshñichinaykita apamuspa, altarmanta ninata churay, patanmantaj inciensota jich'aykuy. Chantá runakuna kashanku, chayman usqhayta rispa, Tata Dios juchallisqankuta pampachananta mañampuy. Tata Dios sinch'ita phiñakusqanrayku millay onqoy runata wañuchiyta qallarinña, nispa.

Números 16:18

Chantá sapa ujninku incienso q'oshñichinankuta jap'ispa, ninata churaytawan, inciensota jich'arqanku. Jinaspataj, Dioswan Tinkukuna Toldo punkupi, Moisespa chantá Aaronpa qayllanpi sayarqanku.

Números 16:7

Q'aya chayman ninata churaspa, inciensota jich'aykunkichej. Chantá Tata Diospa ñawpaqenman churankichej. Pitachus Tata Dios ajllan, chaymin paypaj t'aqasqa kanqa. Qankuna levitakunarí anchataña sayk'uchiwankichej, nispa.

Levítico 22:9

Niy paykuna kamachisqayta junt'anankuta, ama chaykunarayku juchallinankupaj, nitaj kamachisqayta pisipaj qhawasqankurayku wañunankupaj. Noqamin Tata Dios kani, pichus paykunata noqapaj t'aqakorqani, chay.

Éxodo 28:43

Aarón, jinataj churinkunapis chay p'achakunata churaykukonqanku, Dioswan Tinkukuna Toldoman yaykunankupaj, chayrí toldopi kaj altarman chimpanankupaj, sacerdote jina imachus ruwanankuta ruwashaspa. Manachus chayta sapa kuti ruwanqanku chayqa, noqa juchachaspa, paykunata wañuchisaj. Kay kamachisqayqa Aaronpaj, jinataj mirayninpaj ima wiñaypaj kanqa.

Números 4:15

Maypachachus Aaronwan, churinkunawan ima tukuy chaykunata q'epichayta tukojtinku, jinataj puririnapaj jinaña kashajtinku, Coatpa churinkuna tukuy chaykunata apanankupaj jamonqanku. Chaywanpis paykunaqa Diospaj t'aqasqa imakunata ama llankhanqankuchu. Sichus llankhanqanku chayqa, wañonqanku. Ajinata Dioswan Tinkukuna Toldoj imankunata Coatpa churinkuna apanqanku.

Números 4:20

Chaywanpis paykunaqa Diosllapaj t'aqasqa imakunata qhawaj mana yaykunankuchu tiyan, ama wañuchisqa kanankupaj, nispa.

Deuteronomio 33:10

Paykunaqa Jacobman kamachisqaykita yachachinku, Israelmantaj nisqaykita. Altarniykiman inciensota q'oshñichinapaj, uywa ñak'asqata ima q'olachinapaj churanku.