Levítico 16:12 - DIOSPA QHELQACHISQ

¹² Chaymantaqa incienso q'oshñichinata jap'ispa, Tata Diospa ñawpaqenpi kashan, chay altarmanta nina k'ajata churanqa. Jinallataj sumaj incienso kutasqamanta iskay pojtuta churaspa, veloj wasanman apanqa.

Qheshwa Biblia DC

¹² Chaymantaqa incienso q'osñichinata apamonqa nina brasas junt'ayojta, Señorpa ñaupaqempi kashan chay altarmanta. Apamullanqataj iskay maki q'apiy kutasqa sumaj inciensota. Jinaspataj chayta apanqa maypichus velo kashan chaypa wasanman.

DIOSPA QHELQACHISQAN DEUTEROCANONICAL

¹² Chaymantaqa incienso q'oshñichinata jap'ispa, Tata Diospa ñawpaqenpi kashan, chay altarmanta nina k'ajata churanqa. Jinallataj sumaj incienso kutasqamanta iskay pojtuta churaspa, veloj wasanman apanqa.

Levítico 16:12 Referans Kwoze

Levítico 10:1

Uj kuti Aaronpata churinkuna Nadabwan, Abiuwan ima sapa uj incienso q'oshñichinata oqharikuspa, ninata churarqanku. Chantá ninaman inciensota churaspa, Tata Diosman jaywarqanku, mana kamachisqanman jinachu.

Números 16:46

46 (17.11) Chantá Moisés Aaronta nerqa: Incienso q'oshñichinaykita apamuspa, altarmanta ninata churay, patanmantaj inciensota jich'aykuy. Chantá runakuna kashanku, chayman usqhayta rispa, Tata Dios juchallisqankuta pampachananta mañampuy. Tata Dios sinch'ita phiñakusqanrayku millay onqoy runata wañuchiyta qallarinña, nispa.

Números 16:18

Chantá sapa ujninku incienso q'oshñichinankuta jap'ispa, ninata churaytawan, inciensota jich'arqanku. Jinaspataj, Dioswan Tinkukuna Toldo punkupi, Moisespa chantá Aaronpa qayllanpi sayarqanku.

Éxodo 31:11

Jinallataj Diospaj t'aqanapaj jawina aceiteta ruwallanqankutaj, Dioswan Tinkukuna Toldopaj sumaj k'achituta q'apashaj inciensota ima. Paykuna chay tukuy imata ruwanqanku, imaynatachus kamachishayki chayman jina, nispa.

Hebreos 9:14

Cristorí wiñaypaj kawsaj Santo Espiritunejta Diosman mana iman imanasqa uywa jina pay kikin jaywaykukorqa. Ajinaqa Cristoj yawarnin may jinatarajchus sonqonchejta millay ruwasqanchejmanta llimphuchawasunchej, kawsaj Diospa munayninta ruwananchejpaj.

1 Juan 1:7

K'anchaypichus kawsanchej chayqa, imaynatachus Diospis k'anchaypi kashan, ajinata, noqanchejpis ujkuna ujkunawan uj sonqolla kawsanchej, Diospa Churin Jesuspa yawarnintaj tukuy juchamanta llimphuchawanchej.

Éxodo 37:29

Chaymantataj Besalelqa Diospaj t'aqanapaj jawina aceiteta ruwarqa. Jinallataj k'achituta q'apaj inciensotapis ruwallarqataj, imaynatachus sumaj q'apashaj jawinata ruwajkuna ruwanku, ajinata.

Hebreos 9:7

Diosllapaj T'aqasqa Cheqamanrí, watapi uj kutita kuraj kaj sacerdotella yaykoj. Chayman uywa ñak'asqaj yawarnin aparisqa yaykoj. Chay yawartataj Diosman jaywanan karqa, paypa juchanta Dios pampachananpaj, chantá runakuna mana reparakuspalla juchallikusqanku, chaytawan Dios pampachananpaj.

Apocalipsis 8:5

Chaymantataj angelqa incienso q'oshñichinata jap'ispa, altar patapi kaj ninawan junt'aykucherqa. Chaytataj kay pachaman jich'amorqa, chantá tukuynejpi qhon qhonkuna, lliuj lliujkuna, jallp'a ikhakuy ima karqa.

Deuteronomio 33:10

Paykunaqa Jacobman kamachisqaykita yachachinku, Israelmantaj nisqaykita. Altarniykiman inciensota q'oshñichinapaj, uywa ñak'asqata ima q'olachinapaj churanku.