Levítico 11:44 - DIOSPA QHELQACHISQ

⁴⁴ Noqa Tata Diosniykichej kani. Chayrayku qankunaqa noqapaj t'aqasqa jina allinta puriychej, imaraykuchus noqaqa may llimphu kani. Qankunaqa amapuni pampata qhatatakuspa purej animalkunata llojchispa ch'ichichakunkichejchu.

DIOSPA QHELQACHISQAN DEUTEROCANONICAL

⁴⁴ Noqa Tata Diosniykichej kani. Chayrayku qankunaqa noqapaj t'aqasqa jina allinta puriychej, imaraykuchus noqaqa may llimphu kani. Qankunaqa amapuni pampata qhatatakuspa purej animalkunata llojchispa ch'ichichakunkichejchu.

Levítico 11:44 Referans Kwoze

Éxodo 20:2

Noqa Tata Diosniyki kani, pichus Egiptopi wata runa kashajtiyki orqhomorqayki, chay.

Levítico 19:2

Tukuy israelitakunata niy: Tata Dios ajinata nisunkichej: Qankunaqa noqapaj t'aqasqa jina llimphu kaychej, imaraykuchus noqa Tata Diosniykichej may llimphumin kani.

Levítico 20:7

Tukuyniykichej juchamanta t'aqakuspa, noqallata kasuspa puriychej, imaraykuchus noqa Tata Diosmin Diosniykichej kani.

1 Tesalonicenses 4:7

Diosqa mana millayta ruwaspa purinapajchu wajyawarqanchej, manachayqa juchamanta t'aqasqa kaspa, Diospa munasqanman jina kawsananchejpaj.

Levítico 20:26

Qankunaqa noqapaj t'aqasqa kajkuna jina puriychej, imaraykuchus noqaqa may jina llimphu llimphupuni kani. Noqamin qankunata suyukuna ukhumanta t'aqarqaykichej noqajllata kanaykichejpaj.

1 Pedro 2:9

Qankunarí Diospa ajllakusqan ayllu kankichej, Kuraj Kamachejpa sacerdotenkuna, juchamanta t'aqasqa runakuna, Diospatapuni kanaykichejpaj t'aqasqa ima. Chayrayku qankuna Diospa t'ukuna may sumaj ruwasqanmanta willayta atinkichej, pichus laqhamanta sumaj k'anchayninman wajyasorqachej, chaypa ruwasqanmanta.

Levítico 21:8

Chayrayku paykunata Tata Diospaj t'aqasqata jina qhawankichej, imaraykuchus paykunaqa Tata Diosniykichejman t'antanta jaywanku. Chayrayku sacerdotekunata Diospaj t'aqasqa kasqankuta jina qhawaychej, imajtinchus noqaqa may llimphumin kani, pichus qankunata noqajta kanaykichejpaj t'aqakuykichej, chay.

Deuteronomio 14:2

Qankunaqa Tata Diosniykichejpata kanaykichejpaj t'aqasqa kankichej. Paymin tukuy suyumanta ajllakusorqachej, paypata uj k'ata ayllun kanaykichejpaj.

Apocalipsis 22:11

Chaykamarí millayta ruwajqa millay kajta ruwallachunrajpuni, ch'ichi puriyniyojtaj ch'ichichakuspallapuni purichun. Cheqan runarí cheqan kajta ruwallachunpuni, juchamanta t'aqasqataj astawan astawan llimphuchakun.

Salmos 99:9

Tata Diosninchejta jatunchaychej, jinataj ajllakusqan orqoj ñawpaqenpi k'umuykukuychej. Tata Diosninchejqa may llimphumin.

Salmos 99:5

Jatunchaychej Tata Diosninchejta, ñawpaqenpitaj qonqorikuychej. Diosqa may llimphumin.

San Mateo 5:48

Janaj pachapi kashaj Tata Diosniykichejqa cheqan munakuyniyoj. Chayrayku qankunapis ajinallataj kaychej. Ajinata nispa Jesús yachacherqa.

Levítico 10:3

Chaymanta Moisesqa Aaronta nerqa: Kay kananta mana munaspa Tata Dios ajinata nerqa: Noqaman qayllamuwajkunaman may llimphu kayniyta rikuchisaj. Tukuy israelitakunamantaj jatun kayniypa lliphipiyninta rikuchillasajtaj, nispa. Aarontajrí ch'inlla karqa.

Éxodo 23:25

Qankunaqa noqa Tata Diosnillaykichejta yupaychawankichej, noqataj mikhunata, yakutapis may chhikata qosqaykichej. Tukuy onqoymantataj qankunata jark'asqaykichej.

Éxodo 19:6

Qankuna sacerdoteykuna kankichej, munasqaytapuni ruwanapaj t'aqasqa runakuna. Ajinata nispa, israelitakunaman willamuy, nispa.

Isaías 43:3

Noqa Tata Diosniyki kani, Israelpa May Llimphu Kaj Diosnin, qhespichisojniykitaj. Kacharichisunaypaj noqa Egiptota, Etiopiata, Sebatawan ima qanmanta pagota jina qorqani.

1 Samuel 6:20

Chantá Bet Semes llajtayojkuna nerqanku: Pitaj llimphu llimphu kaj Tata Diospa ñawpaqenpi sayayta atinmanri? Ama noqanchej ukhupi qhepakunanpaj, arcanta maymantaj apachisunmanri? nispa.

Levítico 11:43

Ama ari, ni mayqen pampata qhatatakuspa purej animalrayku mana llimphupaj qhawasqa kaychejchu, nitaj paykunawan ch'ichichakuychejchu, imajtinchus ch'ichipaj qhawasqa kanku.

Éxodo 6:7

Noqa qankunata aylluypaj jap'ikapusqaykichej, noqataj Diosniykichej kasaj. Ajinamanta yachankichej noqa Tata Diosniykichej Egiptopi wata runa kanaykichejmanta kacharichisqayta.

Amós 3:3

Sichus iskay runakuna khuska purinku chayqa, ujllata parlasqankurayku ajinata purinku.

Isaías 51:15

Noqamin Tata Diosniyki kani, suteyqa Tukuy Atiyniyoj Tata Dios. Noqamin mama qochata sinch'ita qhollchoqeyachini, jinataj pata patata oqharichini.

Éxodo 16:12

Noqa uyarini israelitakuna noqapaj thutusqankuta. Chayrayku paykunata kay jinata ninki: Manaraj inti yaykuyta aychata mikhunkichej, tutamantataj t'antata sajsakunaykichejkama mikhunkichej. Ajinapi noqamin Tata Dios qankunaj Diosniykichej kasqayta yachankichej, nispa.

Éxodo 19:10

Chantá Tata Dios Moisesta nillarqataj: Rispa, israelitakunata niy kunan q'ayatawan ima llimphuchakunankuta. Jinallataj niy p'achankuta t'ajsakunankuta.

Éxodo 22:31

31 (30) Qankunaqa noqapaj t'aqasqa runakuna kankichej. Ama atoj, chayrí leonpa jap'isqan aychata mikhunkichejchu. Chaytaqa alqoman qopunkichej.

Levítico 18:2

Israelitakunata niy: Tata Dios ajinata nisunkichej: Noqa Tata Diosmin, Diosniykichej kani.

Levítico 19:3

Sapa ujpis mamaykichejta, tataykichejtapis jatun respetowan qhawaychej. Jinallataj samarina p'unchayniyta maypaj qhawaspa, samariychej. Noqa Tata Diosmin Diosniykichej kani.

Números 15:40

Ajinamanta tukuy kamachisqayta yuyarikuspa, junt'ankichej. Noqa Diosniykichejpajtaj t'aqasqa kankichej.

Éxodo 22:30

30 (29) Chantapis wakaykimanta, ovejaykimanta phiwi uñanta apamuwanki. Phiwi uñaqa qanchis p'unchayta mamanwan kanqa, pusaj kaj p'unchaypitaj noqaman qopuwanki.

Levítico 19:4

Ama lantikunata yupaychankichejchu, amallataj metalta unuyachispa, dioskunata ruwakunkichejchu. Noqa Tata Diosmin Diosniykichej kani.

Levítico 19:10

Uva huertaykichejmanta ama tukuynintachu pallankichej, nitaj pampaman t'akakojtapis oqharinkichejchu. Chayqa pisi tiyapuyniyojkuna, jinallataj waj llajtayojkuna pallakunankupaj kanqa. Noqa Tata Diosmin Diosniykichej kani.

Josué 24:19

Josuetajrí israelitakunata nerqa: Qankunaqa Tata Diosta kasuspa puriyta mana atinkichejchu, imaraykuchus payqa manchay llimphu Diosmin, celosotaj. Payqa mana qhawallanqachu contranpi oqharikusqaykichejta nitaj juchallisqaykichejtapis.

1 Samuel 2:2

Tata Diosníy, qan jina llimphupuneqa mana pipis kanchu. Qanmanta jawaqa mana waj kanchu. Mana pipis qan jina waqaychajqa kanchu.