Levítico 11:40 - DIOSPA QHELQACHISQ

⁴⁰ Pichus wañusqa animalpa aychanta mikhojqa p'achanta t'ajsakonqa, ch'isiyaykuykamataj mana llimphupaj qhawasqa kanqa. Jinallataj pichus wañusqa animalta orqhojqa p'achanta t'ajsakonqa, chantá ch'isiyaykuykama mana llimphupaj qhawasqa kallanqataj.

Qheshwa Biblia DC

⁴⁰ Pichus chay wañusqa animalpa aychanta mikhojqa, p'achasninta t'ajsakonqa, ch'isiyaykukamataj ch'ichichasqa kanqa. Pichus chay wañusqa animalta aysarejpis p'achasninta t'ajsakonqa, ch'isiyaykuykamataj ch'ichichasqa kanqa.

DIOSPA QHELQACHISQAN DEUTEROCANONICAL

⁴⁰ Pichus wañusqa animalpa aychanta mikhojqa p'achanta t'ajsakonqa, ch'isiyaykuykamataj mana llimphupaj qhawasqa kanqa. Jinallataj pichus wañusqa animalta orqhojqa p'achanta t'ajsakonqa, chantá ch'isiyaykuykama mana llimphupaj qhawasqa kallanqataj.

Levítico 11:40 Referans Kwoze

Ezequiel 44:31

Sacerdotekunaqa payllamanta wañusqa uywaj aychanta mana mikhonqankuchu, nitaj lijrayoj phawajkunaj wañusqa aychankutapis, nillataj ima k'ita animal mithaspa wañuchisqantapis mikhonqankuchu, nispa.

Levítico 22:8

Payllamanta wañusqa uywaj aychanta, chayrí k'ita animalpa jap'isqan aychataqa mana mikhunanchu tiyan, ama chaywan ch'ichichasqa rikhurinanpaj. Noqamin Tata Dios kani.

Deuteronomio 14:21

Payllamanta wañoj animalta amapuni mikhunkichejchu, imaraykuchus qankunaqa Tata Diosniykichejpata kanaykichejpaj t'aqasqa ayllun kankichej. Qankunaj llajtaykichejpi tiyakoj karu llajtayojman chay aychata qoyta atinkichej chayri vendeyta, paykunataj mikhuyta atillanqanku. Ñuñushaj cabra uñataqa ama mamanpa lechenpi chayachinkichejchu.

Ezequiel 4:14

Noqatajrí kuticherqani: Ay, Tukuyta Kamachej Tata Diosníy, manapuni jayk'aj ima millay ch'ichipaj qhawasqata llankharqanichu, nillataj jayk'ajpis pay kikinmanta wañusqa uywaj aychanta mikhorqanichu, nitaj k'ita animalkunaj uywa wañuchisqan aychata, nillataj ch'ichipaj qhawasqa aychatapis, nispa.

1 Juan 1:7

K'anchaypichus kawsanchej chayqa, imaynatachus Diospis k'anchaypi kashan, ajinata, noqanchejpis ujkuna ujkunawan uj sonqolla kawsanchej, Diospa Churin Jesuspa yawarnintaj tukuy juchamanta llimphuchawanchej.

1 Corintios 10:21

Qankuna mana atinkichejchu Tukuyta Kamachej Jesuspa copanmanta ujyashaspa, supaykunaj copanmantapis ujyayta. Nillataj atinkichejchu Tukuyta Kamachej Jesuspa Cenanmanta mikhuyta, supaykunaj mikhunanmantapis mikhuyta.

1 Corintios 6:11

Ñawpajta qankunamanta wakin ajina karqankichej. Kunanrí llimphuchasqaña kankichej, juchamanta t'aqasqaña, cheqan runapajña qhawasqa ima Tukuyta Kamachej Jesuspa atiyninnejta, chantá Diosninchejpa Espiritunnejta ima.

Zacarías 13:1

Chay p'unchaypi Davidpa ayllunpaj jinataj Jerusalenpi tiyakojkunapaj yaku juturi kicharisqa kanqa, chaypi millay juchankuta mayllanankupaj.

Ezequiel 36:25

Llimphu yakuwan mayllasqaykichej, tukuy ch'ichi kawsayniykichejmantataj llimphuchasqa kankichej. Tukuy lantikunamantapis t'aqasqaykichej.

Isaías 1:16

Mayllakuychej, llimphuchasqataj kaychej. Ñawpaqeymanta mana allin ruwasqaykichejta wijch'uychej. Amaña mana allin kajta ruwaychejchu.

Números 19:19

Pichus llimphu kaj runaqa kinsa kaj p'unchaypi, chantá qanchis kaj p'unchaypi, mana llimphupaj qhawasqa runata ch'ajchonqa. Qanchis kaj p'unchaypi mana llimphupaj qhawasqa runata llimphuchanqa. Chantá mana llimphupaj qhawasqa runa p'achanta t'ajsanqa, jinallataj ukhuntapis pay kikin mayllakonqa. Jinapis ch'isiyaykuykamaraj mana llimphupaj qhawasqa kanqa.

Levítico 16:28

Pichus chaykunata ruphachimojqa p'achanta t'ajsakunan tiyan, ukhuntapis mayllakunallantaj tiyan. Chaymantaraj jaraman kutipuyta atenqa.

Levítico 16:26

Pichus Azazelpaj ch'in pampaman kacharparinanpaj chivota aparqa, chay runaqa p'achanta t'ajsakonqa, chantá ukhunta yakuwan mayllakonqa. Chaymantaraj jaraman yaykupuyta atenqa.

Levítico 15:27

Pichus chaykunata llankhajqa mana llimphupaj qhawasqa kanqa. Pichus llankhajqa p'achanta t'ajsakunan tiyan, jinallataj yakuwan mayllakunan tiyan. Chantá ch'isiyaykuykama mana llimphupaj qhawasqa kanqa.

Levítico 11:28

Jinallataj pillapis wañusqa animalta oqharejqa p'achanta t'ajsakonqa, chantá ch'isiyaykuykama mana llimphupaj qhawasqa kanqa. Qankunaqa chay animalkunata ch'ichipaj qhawanaykichej tiyan.

Levítico 11:25

Jinallataj pillapis kay khurukunamanta wañusqata oqharejqa p'achanta t'ajsakonqa, ch'isiyaykuykamataj mana llimphupaj qhawasqa kanqa.

Éxodo 22:31

31 (30) Qankunaqa noqapaj t'aqasqa runakuna kankichej. Ama atoj, chayrí leonpa jap'isqan aychata mikhunkichejchu. Chaytaqa alqoman qopunkichej.

Levítico 11:39

Sichus mikhunaykichejpaj llimphupaj qhawasqa animal wañunman, chaytataj pipis llankhanman chayqa, ch'isiyaykuykama chay runa mana llimphupaj qhawasqa kanqa.

Levítico 14:46

Sichus pipis sacerdote wasi wisq'asqa kananta kamachishajtin yaykunman chayqa, chay runa ch'isiyanankama mana llimphupaj qhawasqa kanqa.

Levítico 15:15

Sacerdotetaj chaykunamanta ujninta jucha pampachasqa kananpaj jaywanqa, ujnintataj q'olachispa Tata Diosman jaywanqa. Ajinata sacerdoteqa q'eya onqoyniyoj qhari Tata Diospa ñawpaqenpi llimphupaj qhawasqa kananpaj ruwanqa.

Levítico 22:6

ch'isiyaykuykama mana llimphupaj qhawasqa kanqa. Chayraykutaj Diospaj t'aqasqa kajmanta mana mikhuyta atenqachu, manaraj ukhunta yakuwan mayllakuspaqa.