Levítico 10:1 - DIOSPA QHELQACHISQ

¹ Uj kuti Aaronpata churinkuna Nadabwan, Abiuwan ima sapa uj incienso q'oshñichinata oqharikuspa, ninata churarqanku. Chantá ninaman inciensota churaspa, Tata Diosman jaywarqanku, mana kamachisqanman jinachu.

Qheshwa Biblia DC

¹ Aarompa wawasnin, Nadabwan, Abiuwan, sapa ujninku juch'uy braserosta oqharispa, chaykunamantaj ninata inciensotawan churaykorqanku. Chaytataj Señorman jaywarqanku millaypaj qhawasqa ninata, mayqentachus Señorqa mana kamacherqachu, chay ninata larwachinankuta.

DIOSPA QHELQACHISQAN DEUTEROCANONICAL

¹ Uj kuti Aaronpata churinkuna Nadabwan, Abiuwan ima sapa uj incienso q'oshñichinata oqharikuspa, ninata churarqanku. Chantá ninaman inciensota churaspa, Tata Diosman jaywarqanku, mana kamachisqanman jinachu.

Levítico 10:1 Referans Kwoze

Números 26:61

Nadabwan, Abiuwan imaqa Tata Diospa ñawpaqenpi wañusqanku, mana Tata Diospa kamachisqanman jinachu inciensota q'oshñichisqankurayku.

Levítico 16:12

Chaymantaqa incienso q'oshñichinata jap'ispa, Tata Diospa ñawpaqenpi kashan, chay altarmanta nina k'ajata churanqa. Jinallataj sumaj incienso kutasqamanta iskay pojtuta churaspa, veloj wasanman apanqa.

Deuteronomio 12:32

32 (13.1) Kay tukuy kamachisqayta junt'aychejpuni, ama yapaspa, nitaj chaymanta imatapis qhechuspa.

Números 16:46

46 (17.11) Chantá Moisés Aaronta nerqa: Incienso q'oshñichinaykita apamuspa, altarmanta ninata churay, patanmantaj inciensota jich'aykuy. Chantá runakuna kashanku, chayman usqhayta rispa, Tata Dios juchallisqankuta pampachananta mañampuy. Tata Dios sinch'ita phiñakusqanrayku millay onqoy runata wañuchiyta qallarinña, nispa.

Éxodo 24:1

Tata Dios Moisesta nerqa: Maypichus noqa kashani, chayman Aaronwan, Nadabwan, Abiuwan, chantá israelitakunamanta qanchis chunka kurajkunapiwan ima wicharimuy. Paykunaqa noqamanta karullapi qonqorikonqanku.

Éxodo 6:23

Aaronqa Elisabetwan casarakorqa. Payqa Nasonpata panan, Aminadabpata ususintaj karqa. Aaronqa warminpi tawa wawakunata rejserqa: Nadabta, Abiuta, Eleazarta, Itamarta ima.

Salmos 141:2

Mañakususqayqa inciensoj q'apaynin jina qanman chayamusuchun. Makiyta oqharispa mañakusqaytaj inti yaykuyta q'olachisqa jaywana jina kachun.

Levítico 22:9

Niy paykuna kamachisqayta junt'anankuta, ama chaykunarayku juchallinankupaj, nitaj kamachisqayta pisipaj qhawasqankurayku wañunankupaj. Noqamin Tata Dios kani, pichus paykunata noqapaj t'aqakorqani, chay.

Éxodo 28:1

Tata Dios Moisesta ujtawan nillarqataj: Wawqeyki Aaronta, churinkuna Nadabta, Abiuta, Eleazarta, Itamarta ima qanman jamunankuta niy. Paykunata sacerdoteykuna kanankupaj israelitakuna ukhumanta t'aqanki.

Éxodo 24:9

Chaymanta Moisesqa Aaronwan, Nadabwan, Abiuwan, israelitakunamanta qanchis chunka kurajkunawan khuska orqoman wicharerqa.

Levítico 16:1

Aaronpata iskaynin churinkuna Tata Diospa ñawpaqenman anchata qayllaykusqankurayku wañorqanku. Chay qhepata, Tata Dios Moiseswan parlarqa.

Levítico 9:24

Chaymantataj Tata Diospa ñawpaqenmanta nina llojsimuspa, altarpi aychata, wiratawan ima q'olaykorqa. Chayta rikuspataj, tukuy israelitakuna kusikuspa qhaparerqanku, chantá pampakama k'umuykorqanku.

Éxodo 27:3

Altarpi imachus ruwanata ruwanapaj imakunataqa, tukuyninta broncemanta ruwanki: Ushpha oqharinata, palakunata, jatuchaj qerukunata, trinchekunata, nina k'ajata apaykachanatawan.

Hebreos 9:4

Chaypitaj qorimanta incienso q'oshñichina karqa, jinallataj Diospa trato ruwasqan cajonpis, mayqenchus qoriwan lluch'isqa karqa, chay. Chay cajonpa ukhunpitaj qorimanta uj juch'uy manka karqa maná nisqa t'antayoj. Chaypi Aaronpa varan kallarqataj, mayqenchus q'omeryaspa t'ikasqa, chay. Kallarqataj p'alta rumikunapi qhelqasqa kamachisqakuna.

Jeremías 44:15

Chantá tukuy warmi, tukuy qhariwan ima, pikunachus yacharqanku warminku inciensota waj dioskunaman q'oshñichisqankuta, chaykuna, pikunatajchus Egiptopi Patros chaynejpi tiyakojkuna ima tantaykukuspa, Jeremiasman kuticherqanku:

Jeremías 44:8

Imaraykutaj millayta ruwasqaykichejwan phiñachiwankichej, Egiptopi kay waj dioskunaman inciensota q'oshñichispari? Chayta ruwaspaqa, qankunapis chinkachisqa kanallaykichejpajtaj mask'akushankichej. Chay kajtin, tukuypa rikunanta maldicisqa kankichej, tukuy suyu ukhupitaj k'umuykachachisqa kankichej.

Jeremías 32:35

Jinallataj Ben Jinón vallepipis Baalpaj altarkunata ruwarqanku chaypi churinkunata, ususinkunata ima uywa ñak'asqata jina Molocman q'olachinankupaj. Noqatajrí chay jina millayta ruwanankuta ni jayk'aj kamacherqanichu, nitaj yuyallarqanipischu. Jinata ruwaspa, chay kurajkunaqa Judá suyupi tiyakoj runakunata juchallicherqanku, nispa.

Jeremías 19:5

Chantataj altarkunata ruwarqankichej, wawaykichejkunata Baal diosman q'olachipunaykichejpaj. Chayta noqa mana kamacherqanichu, manapuni chay jina kananta yuyallarqanipischu.

Jeremías 7:31

Ben Jinón Vallepi Tofetpa altarninta jataricherqanku, chaypi qhari wawankukunata, jinataj warmi wawankukunatapis q'olachinankupaj. Chaytaqa ni jayk'aj paykunaman kamacherqanichu, nitaj yuyallarqanipischu.

Deuteronomio 17:3

Jinallataj qonqorikuspa waj dioskunata yupaychanman, chantá intiman, killaman, ch'askakunamanpis qonqorikuspa yupaychanman, Tata Dios chayta mana kamachejtinpis.

Deuteronomio 4:2

Imatachus qankunaman kamachisqaymantaqa ama qhechunkichejchu, nitaj chayman imatapis yapankichejchu. Aswanpis, noqa kamachisqayman jina, Tata Diospa kamachisqanta junt'aychej ari.

Éxodo 40:27

Chantá altar patapi k'achituta q'aparishaj inciensota q'oshñicherqa, Tata Dios payman kamachisqanman jina.

Éxodo 38:3

Jinallataj altarpi ruwanapaj imakunachus kanan karqa, chaykunatapis broncemanta ruwarqa: Ushpha oqharinata, palakunata, tazakunata, trinchekunata, nina k'ajata apaykachanata ima.

Éxodo 37:29

Chaymantataj Besalelqa Diospaj t'aqanapaj jawina aceiteta ruwarqa. Jinallataj k'achituta q'apaj inciensotapis ruwallarqataj, imaynatachus sumaj q'apashaj jawinata ruwajkuna ruwanku, ajinata.

Éxodo 31:11

Jinallataj Diospaj t'aqanapaj jawina aceiteta ruwallanqankutaj, Dioswan Tinkukuna Toldopaj sumaj k'achituta q'apashaj inciensota ima. Paykuna chay tukuy imata ruwanqanku, imaynatachus kamachishayki chayman jina, nispa.

1 Reyes 18:38

Jinallapi Tata Diosmanta nina urayk'amuspa, ujllata q'olaykorqa chay ñak'asqa torota, llant'ata, rumikunata, jallp'ata ima. Larq'api yakutapis ch'akirpayacherqa.

Éxodo 8:27

27 (23) Noqaykoqa Diosniyku kamachiwasqaykuman jina kinsa p'unchay puriyta ch'innejman rinayku tiyan, chaypitaj uywata ñak'aspa, Tata Diosniykuman jaywanayku tiyan, nispa.

Números 4:18

Qankunaqa Leví jatun ayllu ukhumanta Coatpa miraynin chinkapunanta ama saqenkichejchu.