Jueces 9:4 - DIOSPA QHELQACHISQ

⁴ Chaypajqa qolqeta orqhorqanku Baal Berit nisqa diosninkoj yupaychana wasinmanta Abimelecman qonankupaj. Chay qolqewantaj Abimelecqa millay suwa runakunata mink'akorqa paywan rinankupaj.

Qheshwa Biblia DC

^4-5 Chay jawaqa Baal-berit nisqa yupaychana wasinmanta orqhomuspataj qanchis chunka qolqesta Abimelecman qorqanku. Chay qolqeswantaj Abimelecqa qhella walaychu runasta mink'akorqa paywan rinankupaj. Chay runasqa paywan rispa, Ofra llajtaman maypichus tatan Jerobaal tiyakorqa chayman, chaypi uj rumillapitaj ch'anqaspa chay qanchis chunkantin hermanosninta wañucherqa. Jerobaalpa sullk'a wawallan Jotam sutiyoj ayqekusqanrayku mana wañuchisqachu karqa.

DIOSPA QHELQACHISQAN DEUTEROCANONICAL

⁴ Chaypajqa qolqeta orqhorqanku Baal Berit nisqa diosninkoj yupaychana wasinmanta Abimelecman qonankupaj. Chay qolqewantaj Abimelecqa millay suwa runakunata mink'akorqa paywan rinankupaj.

Jueces 9:4 Referans Kwoze

Jueces 8:33

Gedeón wañupusqanmanta qhepaman israelitakunaqa Diosmanta karunchakuyta qallarillarqankutaj, Baalpa tukuy imaymana lantinkunaman yupaychaj rispa. Baal Berit lanti nisqata diosninku kananpaj ajllakorqanku.

Hechos 17:5

Chaymanta wakin judiokunaqa Pablotawan, Silastawan envidiawan qhawarqanku ashkha runakuna paykunata qhatisqankurayku. Chayrayku qhella millay runakunata mink'amorqanku, paykunawan llajtantinpi ch'ajwata oqharichinankupaj. Jinapitaj paykuna Jasonpa wasinman ujllata yaykuykorqanku Pablota, Silastawan mask'aj, paykunata orqhomuspa, ch'ajwashaj runakunaman jaywaykunankupaj.

2 Crónicas 13:7

Paywantaj mana allin kaj, qhella runakuna tantakuspa, Salomonpa churin Roboanpa contranpi oqharikorqanku. Roboantaj waynallaraj, chantapis as manchili runa kasqanrayku, Jeroboanman mana sayaykuyta munarqankuchu.

Jueces 11:3

Chantá Jefteqa wawqenkunamanta ayqekuspa, Tob llajtaman tiyakoj riporqa. Chaypitaj suwa runakunawan tantakorqa, jinataj paykunaj kamachejninkuman tukorqa.

Proverbios 12:11

Pichus jallp'anta llank'ajqa ashkha mikhunayoj kanqa. Qhella runarí mana yuyayniyoj kaspa, manakaj ruwanallapi tiemponta usuchin.

Job 30:8

Paykunaqa ni imapaj walej runakuna kanku, ni piniyoj. Millay runa kasqankurayku mana llajtankupi kawsanankupaj jinachu karqanku.

1 Samuel 22:2

Paywan tantakullarqankutaj tukuy ñak'arichisqa kajkuna, manu kajkuna, llakiyniyoj kajkunapiwan. Davidtaj paykunaj kamachejninku karqa. Paywan khuska purej runakunaqa 400 jina karqanku.

2 Samuel 6:20

Chantá David ayllu masinta saminchananpaj kutipojtin, Saulpa ususin Mical payta taripaj llojsimuspa, nerqa: Mana p'enqayniyoj runa, Israelpa kuraj kamachej kashaspa chay kamachiyki imillakunaj rikunankuta sikiyki rikhurishajta tususqayki qanpajqa allinchu? nispa.

Sofonías 3:4

Diosmanta sut'inchajninkukunaqa jaramalla kanku, mana atinikunapaj jina. Sacerdotenkunapis Diospaj t'aqasqa imakunata pisipaj qhawanku, Tata Diospa kamachisqantataj p'akinku.

Jueces 9:27

Chantá tukuyninku llojserqanku campoman uvata pallaj. Vinota ruwaspataj, uj jatun raymita ruwarqanku. Chantá mikhuspa, ujyaspataj diosninkoj yupaychana wasinpi Abimelecpaj millayta rimarqanku.