Jueces 9:15 - DIOSPA QHELQACHISQ

¹⁵ Khishkarara sach'ataj paykunata nisqa: Sichus cheqamanta kuraj kamachejniykichej kanayta munankichej chayqa, llanthuy uraman tukuyniykichej jamunaykichej tiyan. Manatajchus kuraj kamachejniykichej kanayta munankichej chayrí, noqamanta llojsispa, nina lawray tukuy Libanopi kaj pinokunata ruphaykonqa, nispa.

Qheshwa Biblia DC

¹⁵ Khiskataj paykunata nerqa: Sichus cheqamanta reyniykichej kanayta munankichej chayqa, llanthuy uraman tukuyniykichej jamunaykichej tiyan. Manataj reyniykichej kanayta munankichej chayqa, noqamanta llojsispa larway tukuy Libanopi kaj cedrosta ruphaykunman.

DIOSPA QHELQACHISQAN DEUTEROCANONICAL

¹⁵ Khishkarara sach'ataj paykunata nisqa: Sichus cheqamanta kuraj kamachejniykichej kanayta munankichej chayqa, llanthuy uraman tukuyniykichej jamunaykichej tiyan. Manatajchus kuraj kamachejniykichej kanayta munankichej chayrí, noqamanta llojsispa, nina lawray tukuy Libanopi kaj pinokunata ruphaykonqa, nispa.

Jueces 9:15 Referans Kwoze

Isaías 30:2

Usqhay usqhayta Egiptoman rerqanku mana noqata tapuriwaspalla, faraonwan yanapachikunankupaj, Egiptoj ojllayninpitaj waqaychasqa kanankupaj.

Oseas 14:7

Israelitakuna watejmanta llanthuy urapi kawsanqanku, chantá trigo jina wiñarenqanku, uva sach'a jinataj t'ikarenqanku, Libanopi vino jinataj manchay rejsisqa kanqanku.

Isaías 2:13

Tata Dios Libanopi jatun cedrokunata k'uturanqa, jinallataj Basanpi encina sach'atapis chinkachillanqataj.

Jueces 9:20

Mana jina chayrí, Abimelecmanta nina lawray llojsispa, ruphaykuchun Sichem llajtapi tiyakojkunata, jinataj Milopi tiyakojkunatapis. Ajinallatataj Sichem llajtamanta, Milomantawan nina lawray llojsillachuntaj, Abimelectañataj ruphananpaj.

Daniel (hebreo) 4:12

12 (9) Laqhenqa may k'achitu kasqa, poqoynintaj may ashkha kasqa. Poqoyninmanta tukuy mikhusqanku. K'ita animalkunapis llanthunpi llanthurikoj kasqanku. Thansanpi p'isqokunapis thapachakoj kasqanku. Kay pachapi tukuy kawsajpis chay sach'aj poqoyninwan kawsaj kasqanku.

Ezequiel 19:14

Thansanqa jatunta lawraykuspa, poqoyninta ruphaykusqa. Manaña thansanpis kuraj kamachej varanpaj jina kanchu. Kay takeyqa llakiy yarawi, may llakisqa kaspa takinapaj.

Isaías 37:24

Qanqa kamachiykikunata kachamorqanki kaypi Tukuyta Kamachej Diospa contranta millayta rimaspa, ninankupaj: May ashkha carretaykunawan jatuchaj orqo pataman wicharini, Líbanoj kinraykunaman ima. Jatuchaj kaj cedro sach'akunata k'utuni, sumachaj kaj pinokunatawan. Aswan jatuchaj kaj orqo pataman wicharini, jinallataj aswan k'iski montekunamanpis yaykullanitaj.

Salmos 104:16

Tata Diospa sach'ankunaqa yakuwan sajsakunku, Libanopi cedropis, kikin makinwan mallkisqan sach'ankunapis.

2 Reyes 14:9

Israel suyuta kuraj kamachej Joastajrí Judata kuraj kamachej Amasiasman kuticherqa: Uj kuti ithapalloqa Libanopi jatun cedro sach'aman nichimusqa: Ususiykita churiytawan casarachina, nispa. Chaywanpis Libanomanta k'ita animal chayninta purispa, ithapalluta sarurparisqa.

Números 21:28

Jesbonmanta nina llojsimun. Sijonpa llajtanmanta nina lawray llojsimuspa, Moab suyupi, Ar llajtata ruphaykorqa. Arnón orqonejpi tiyakojkunatapis ruphaykullarqataj.

San Mateo 13:32

Mostaza mujoqa tukuy mujumanta aswan juch'uy. Jinapis wiñaspa, tukuy qhoramanta aswan jatunta wiñan sach'ayanankama. Chantá p'isqokunapis jamuspa, thansankunapi thapacharikunku, nispa.

Ezequiel 31:3

Egiptoqa Asiriaman rijch'akun, mayqenchus Libanopi kaj pino sach'a jina karqa, chayman. Chay pinoqa k'acha thansayoj, k'iski laqheyoj, sumaj llanthuyojtaj karqa. Chay jina jatun puntanqa phuyukama chayarqa.

Isaías 1:31

Qankunamanta wapu kajkunaqa q'opa jina kanqanku, millay ruwasqankutaj phawaj nina jina pajaman urmamonqa. Chay runakuna millay ruwasqankuwan ima ujllapi lawrarenqanku, nitaj pipis thasnoj kanqachu, nispa.

Jueces 9:49

Tukuyninku thansata k'uturaspa q'epiriykukuytawan, qhaterqanku Abimelecta chay llajtayojkunaj diosninku Beritta yupaychananku wasikama. Chaypitaj k'utusqanku thansata qolluykuytawankama, ninata jap'iykucherqanku. Jinamanta chay yupaychana wasipi pakakojkunata wañucherqanku. Paykuna karqanku qharikuna, warmikunapiwan ima 1.000 jina.

Jueces 9:14

Chay sach'akunaqa khishkarara sach'atañataj parlapayasqanku kuraj kamachejninku kananpaj.

Jueces 9:16

Kunantaj tapusqaykichej: Allintachu, cheqan sonqowanchu Abimelecta kuraj kamachejniykichejpaj ajllankichej? Yerubaalpa churinkunawanpis allintachu ruwarqankichej, imaynatachus Yerubaalqa qankunawan ruwarqa, jinatachu?

Salmos 29:5

Tata Diospa parlasqanqa cedro sach'akunata chaqon. Tata Diosqa Libanopi cedro sach'akunata k'ajllaran.

Jueces 9:44

Abimelecqa uj t'aqa soldadonkunawan llajta punkuta jap'ej rerqanku. Chay iskay t'aqa soldadokunataj chajrankupi kashajkunata wañuracherqanku.

Lamentaciones 4:20

Tata Diospa ajllakusqan kuraj kamachej, pichus noqaykuta kallpachawajniyku preso urman, pimantachus noqayku nej kayku: Tukuy suyoj chawpinkupi paypa llanthullanpi kawsasunchej, nispa, chay.