Jueces 8:33 - DIOSPA QHELQACHISQ

³³ Gedeón wañupusqanmanta qhepaman israelitakunaqa Diosmanta karunchakuyta qallarillarqankutaj, Baalpa tukuy imaymana lantinkunaman yupaychaj rispa. Baal Berit lanti nisqata diosninku kananpaj ajllakorqanku.

Qheshwa Biblia DC

³³ Gedeompa wañupusqanmanta qhepamanqa, israelitasqa Diosmanta qonqapuyta qallarillarqankuñataj Baalpa tukuy laya lantisninman yupaychaj rinankupaj. Baal-berit lanti nisqatataj ajllakorqanku diosninku kanampaj.

DIOSPA QHELQACHISQAN DEUTEROCANONICAL

³³ Gedeón wañupusqanmanta qhepaman israelitakunaqa Diosmanta karunchakuyta qallarillarqankutaj, Baalpa tukuy imaymana lantinkunaman yupaychaj rispa. Baal Berit lanti nisqata diosninku kananpaj ajllakorqanku.

Jueces 8:33 Referans Kwoze

Jueces 9:46

Abimelecpa ruwasqanta yachaspa, Migdal torre Sichempi kashajkunaqa Berit nisqa yupaychana wasipi pakakorqanku.

Jueces 9:4

Chaypajqa qolqeta orqhorqanku Baal Berit nisqa diosninkoj yupaychana wasinmanta Abimelecman qonankupaj. Chay qolqewantaj Abimelecqa millay suwa runakunata mink'akorqa paywan rinankupaj.

Jueces 2:19

Juezninku wañupojtintajrí, watejmanta israelitakuna juchallillajtaj kanku, ñawpa tatankumanta astawanraj waj dioskunata qhatispa, chantá yupaychaspa ima. Manapuni t'aqakorqankuchu millayta ruwaspa kawsanamanta nitaj mana uyarikoj kanamanta.

Jueces 8:27

Chantá Gedeonqa chay qorimanta uj lantita ruwaytawan, Ofrá llajtaman churaykorqa. Ajinamanta chay lantita Gedeón ruwachisqanrayku, Tata Diosta wasancharqanku chay llajtayojkuna, jinataj Israel ayllukunapis. Jinallataj Gedeonpajpis, ayllunpajpis misk'ana jina karqa.

Jueces 2:17

Chaywanpis israelitakunaqa manapuni kasorqankuchu chay juezkunataqa, manachayqa Tata Diosta wasanchaspa, waj dioskunata yupaycharqanku. Ñawpa tatankukunaqa Tata Diospa kamachisqanta kasukuspa kawsakusqanku. Paykunarí manaraj imapi Tata Diosta wasancharqanku.

Jeremías 3:9

Israelqa imatachus ruwasqanta pujllakunata jinalla qhawaspa, tukuy suyuntinta ch'ichicharqa. Pay t'aqakuwaspa, rumikunata, k'ullukunatawan yupaychaj churakorqa.

2 Reyes 12:2

Sacerdote Joyadá yuyaychasqanrayku, Joasqa Tata Diospa munasqanman jina allin kajta ruwaspa purerqa.

Jueces 9:27

Chantá tukuyninku llojserqanku campoman uvata pallaj. Vinota ruwaspataj, uj jatun raymita ruwarqanku. Chantá mikhuspa, ujyaspataj diosninkoj yupaychana wasinpi Abimelecpaj millayta rimarqanku.

Josué 24:31

Josué kawsashajtin, israelitakunaqa Diosllata kasuspa purerqanku. Chantá Josué wañupusqanmanta qhepamanpis kurajkuna kawsanankukama Tata Diosllata kasuspa purillarqankutaj. Chay kurajkunaqa israelitakunapaj Tata Dios imatachus ruwapusqanta allinta yacharqanku.

Jueces 2:12

Paykunaqa karunchakorqanku ñawpa tatankoj yupaychasqanku Tata Diosmanta, pichus Egiptomanta paykunata orqhomusqa, chaymanta. Israelitakunaqa Canaán jallp'api tiyakojkunaj diosninkuta yupaychayta qallarerqanku, Tata Diosta sinch'ita phiñachispa.

Jueces 8:32

Gedeonqa allin machuña wañuporqa. Paytataj p'ampaykorqanku tatan Joaspa aya p'ampananpi. Chay karqa Abiezerpa ayllunpa Ofrá sutiyoj llajtanpi.

Jeremías 23:27

Chay mosqokusqankuta willanakusqankuwan aylluykuna noqamanta qonqanankuta munanku, imaynatachus ñawpa tatankukunapis qonqarpariwarqanku Baalpa qhepanta ripunankupaj, ajinata.

Jueces 3:7

Israelitakunaqa Tata Diosta qonqayman churaspa, paymanta karunchakorqanku, yupaycharqankutaj Baalpa lantinkunata, Aseraj lantinkunata ima.

Jueces 10:6

Israelitakunaqa watej Tata Diospa contranta juchallillarqankutaj, yupaychaspa Baalman, jinataj Astarotman rijch'akoj lantikunata. Yupaychallarqankutaj Siriamanta, Sidonmanta, Moabmanta, Amonmanta lantikunata, jinataj filisteokunajpata kajkunatawan. Tata Diosmanta karunchakuspa, manaña payta kasorqankuchu.