Jueces 8:27 - DIOSPA QHELQACHISQ

²⁷ Chantá Gedeonqa chay qorimanta uj lantita ruwaytawan, Ofrá llajtaman churaykorqa. Ajinamanta chay lantita Gedeón ruwachisqanrayku, Tata Diosta wasancharqanku chay llajtayojkuna, jinataj Israel ayllukunapis. Jinallataj Gedeonpajpis, ayllunpajpis misk'ana jina karqa.

Qheshwa Biblia DC

²⁷ Gedeonqa chay qoriswan ruwarqa uj lantita, chaytataj Ofra llajtaman churaykorqa. Jinapis chay lantita ruwachisqanrayku Señorman mana cheqatachu purerqanku chay llajtayojkuna jinataj Israel ayllupis. Gedeompaj ayllumpajpis chayqa pantaypaj karqa.

DIOSPA QHELQACHISQAN DEUTEROCANONICAL

²⁷ Chantá Gedeonqa chay qorimanta uj lantita ruwaytawan, Ofrá llajtaman churaykorqa. Ajinamanta chay lantita Gedeón ruwachisqanrayku, Tata Diosta wasancharqanku chay llajtayojkuna, jinataj Israel ayllukunapis. Jinallataj Gedeonpajpis, ayllunpajpis misk'ana jina karqa.

Jueces 8:27 Referans Kwoze

Salmos 106:39

Ajinata ruwaspa, paykuna ch'ichichakorqanku, millay ruwasqankuwantaj khuchichakorqanku.

Jueces 18:14

Chantá pikunachus Lais llajtata qhawaj jamusqanku, chay phishqa kachakunaqa llajta masinkuman nerqanku: Yachankichejchu kay wasipi tiyan Diosta tapuna efodta, chantá lantikuna, jinataj k'ullu llajllasqamanta uj lanti qolqewan lluch'isqa ima. Ima ninkichejtajri? nispa.

Jueces 17:5

Micaiataj wasinpi uj cheqata lantita yupaychanapaj wakicherqa, jaqaypitaj churarqa waj lantinkunatawan ima. Chantá ruwakorqa uj efod lantita. Ujnin kaj churintapis sacerdote kananpaj churallarqataj.

Jueces 18:17

Jinapi chay phishqa kachakunaqa wasiman yaykuykuspa, suwakorqanku k'ullumanta llajllasqa qolqewan lluch'isqa lantita, Diosta tapuna efodta, chay waj lantikunata ima. Chaykamarí sacerdoteqa chay 600 soldadokunawan khuska punkupi kasharqa.

Deuteronomio 7:16

Tata Dios makiykichejman jaywasonqachej, chay suyukunapi tiyakojkunata wañuchispa tukuchinaykichej tiyan. Paykunataqa ama khuyankichejchu, diosninkutapis ama yupaychankichejchu. Mana jinata ruwankichejchu chayqa, qankuna pantaykunaykichejpaj tojlla jina kanman.

Jueces 6:24

Chaypi Gedeonqa Tata Diospaj uj altarta ruwaporqa, suticharqataj: “Tata Diosmin Sonqo Tiyaykoyqa”, nispa. Chay altarqa Abiezerpa ayllun ukhupi Ofrá llajtapi kunankama kashallanrajpuni.

Éxodo 23:33

Paykunatachus llajtaykipi tiyakojta saqellanki chayqa, noqaj contrayta juchallichisunkiman. Ama llajtaykipi jap'ikuychu, imaraykuchus diosninkuta yupaychanaman qokuwaj, chaytaj llakiynillaykipaj kanman, nispa. Ajinata Tata Dios israelitakunata nerqa.

Oseas 2:2

2 (4) Chaywanpis Tata Dios nin: Israel mamaykichejta uyanpi nipuychej, imaraykuchus payqa manaña warmiychu, nitaj noqapis qosanñachu kani. Pay saqechun ujwan ujwantaj khuchichakuyta, jinallatataj amaña waj qharikunawan puñuykuchunchu.

Isaías 8:20

Chayrayku Tata Diospa yachachisqanta mask'aychej. Sichus mana Diospa yachachisqanman jina parlanku chayqa, paykuna pantaypi kashanku.

Salmos 73:27

Diosníy, qanmanta karunchakojkuna wañonqanku, qanta mana qhatisojkunatataj qan chinkarparichinki.

Jueces 6:11

Aswan qhepaman uj kuti Tata Diospa angelnin jamuspa, Ofrá chaypi uj encina sach'a urapi tiyaykukorqa. Chay sach'aqa Abiezerpa ayllun Joaspata karqa. Chay sach'a qayllapitaj Joaspa churin Gedeontaj pakayllamanta trigota wayrachisharqa, maypichus uvata saroj kanku, chay t'oqopi, madianitakunamanta pakaykunanpaj.

Deuteronomio 12:5

Tata Diosqa Israelpata tukuy ayllun ukhupi uj cheqata ajllakonqa, qankuna chayman rispa, paypa sutinta yupaychanaykichejpaj.

Deuteronomio 7:25

Lantinkuta ninaman wijch'uykuspa, ruphachinkichej. Chay lantinkoj qorinta, qolqentapis munapayaspa, ama jap'ikapunkichejchu. Chaykunatachus jap'ikapuwajchej chayqa, juchallinaykichejpaj tojlla jina kasunkichejman. Tata Diosqa chaykunata millachikuspa, rikuyta mana atinchu.

Jueces 8:26

Tukuyninpi chay qori walqakunaqa chunka jisq'onniyoj kilo jina pesarqa. Chaypis wajlla karqa qorimanta kaj k'achanchakuna imakuna, jinallataj Madianmanta kuraj kamachejpa p'achallikunanmanta puka telakuna, chantá camellokunaj kunkankupi kaj k'achanchanapis.

Jueces 8:28

Ajinata ari israelitakunaqa madianitakunata atipaykorqanku. Chaymantapacha madianitakuna manaña israelitakunaj contrankupi oqharikorqankuchu. Tawa chunka wata junt'ata, Gedeón kawsanankama, allin kawsakuylla chay suyupi karqa.

Éxodo 32:4

Paytaj jap'ispa qorita ninapi unuyacherqa. Chaymantataj cincelwan t'illmispa, waka uñaman rijch'akoj lantita ruwarqa. Chantá israelitakuna waka uña lantita rikuspa nerqanku: Israelitakuna, kaymin Egiptomanta orqhomuwarqanchej, chay diosninchejqa, nispa.

Éxodo 34:16

Ichapis churiykichejkunata ususinkukunawan casarachiwajchej. Jinataj ususinkukuna millayta ruwaspa, diosninkuta yupaychanaman rispa, churiykichejtapis juchallichillankumantaj.

Jueces 2:2

Qankunataj amapuni chay llajtayojkunawan ima tratotapis ruwankichejchu, manachayqa lantinkoj altarninkukunata phirirankichej, nispa. Qankunarí mana kasuwarqankichejchu. Imaraykutaj jinata ruwarqankichejri?

Jueces 2:3

Chayrayku kunan niykichej: Chay runakunata ñawpaqeykichejmanta mana wijch'usajchu. Aswanpis paykuna tojlla jina qankunapaj kanqanku, jinallataj diosninkupis misk'anaykichejpaj jina kanqa, nispa.

Salmos 106:35

Aswanpis Diosta mana qhatejkuna runakunawan chhapukuspa, paykuna mana walej usunkuta ruwayta yachaykorqanku.

Ezequiel 7:20

Valorniyoj jaluchunkumanta mayta runaykacharqanku, chaykunawantaj millay lantikunata ruwakorqanku. Chayrayku noqaqa k'acha jaluchunkuta q'opaman tukuchisaj.

Oseas 3:4

Chayqa yachayta qon israelitakuna unayta mana kuraj kamachejniyoj, nitaj kurajkunayoj kanankuta. Mana uywa ñak'asqa q'olachina kanqachu, nitaj yupaychanapaj rumikunapis, nitaj sacerdotej p'achankunapis, nillataj lantikunapis.