Jueces 7:22 - DIOSPA QHELQACHISQ

²² Chaykama 300 israelitakunaqa pututunkutaqa waqachishallarqankupuni, Tata Diostaj madianitakunataqa paykunapurata maqanaykucherqa. Jinallapi paykuna Bet Sitaman ayqekorqanku, Sererá ñanninta rispa, Tabat qayllapi Abel Meholá tinkuykama chayarqanku.

Qheshwa Biblia DC

²² Chaykamataj chay kinsa pachajnintin israelitasqa chay pututusninkutaqa waqachishallarqankupuni, Señortaj madianitas purata maqanacherqa, llojsispataj ayqekorqanku Bet-sitakama, Zerera ñanninta rispa, Tabat qayllapi Abel-mehola tinkuykama.

DIOSPA QHELQACHISQAN DEUTEROCANONICAL

²² Chaykama 300 israelitakunaqa pututunkutaqa waqachishallarqankupuni, Tata Diostaj madianitakunataqa paykunapurata maqanaykucherqa. Jinallapi paykuna Bet Sitaman ayqekorqanku, Sererá ñanninta rispa, Tabat qayllapi Abel Meholá tinkuykama chayarqanku.

Jueces 7:22 Referans Kwoze

1 Reyes 4:12

Ajiludpa churin Banaqa Tanacpi, Meguidopiwan churasqa karqa, tukuynin Bet Seanpi, Saretán qayllapi, Jezrelmanta aswan urapi, Bet Seanmanta Abel Mejolá chaykama, chantá Jocmeanmanta chay uj ladokama churasqallataj karqa.

2 Crónicas 20:23

Chaypacha amonitakunaqa, moabitakunawan ima Seír orqomanta kajkunata wañuchej sayaykorqanku, tukuyninkuta wañuchiytawantaj, paykunapurañataj wañuchinakullarqankutaj.

1 Reyes 19:16

Jinallataj Nimsij allchhin Jehutapis Israel suyuta kamachinanpaj churanki. Abel Meholamanta Safatpa churin Eliseotataj qanpa cuentaykipi Diosmanta sut'inchaj kananpaj churallankitaj.

Josué 6:20

Chantá sacerdotekunaqa pututunkuta waqacherqanku, soldadokunataj jatunmanta qhaparerqanku. Israelitakunapis pututu waqasqanta uyariytawan, kunkankoj atisqanta qhapariyta qallarerqanku. Chantá ujllata llajtaj perqan loqhekuspa urmaykorqa. Chaymantataj sapa soldado cheqanta llajtaman phinkiykorqapacha, ajinamantataj Jericó llajtata jap'erqanku.

Isaías 19:2

Tata Dios nin: Chaypacha Egipto llajtayojkunata paykunapurata maqanachisaj, sapa ujninkuta wawqepurata maqanachisaj, jinallataj runa masinkupurawan, uj llajtata waj llajtawan, uj jap'iyta waj jap'iywan.

Isaías 9:4

4 (3) Qanqa paykunata yugoman watasqa jina ñak'ariymanta kacharichinki. Jinallataj llasa q'epita wasankumanta q'epirachinki, chantá sinch'i llakiypi jarap'asqa kasqankumanta ima. Jinataj kamachinanku varatapis p'akillankitaj, imaynatachus Madianwan ruwarqanki, ajinata.

Salmos 83:9

9 (10) Diosníy, paykunawan ruway, imaynatachus Madianta ruwarqanki, ajinata, imaynatachus Sisarata ruwarqanki, ajinallatataj. Paykunata ruway, imaynatachus Cisón wayq'opi Jabinta ruwarqanki, ajinallatataj.

Josué 6:16

Chantá qanchis kutita muyurisqankutawan, sacerdotekuna pututunkuta sinch'ita waqachejtinku, Josué israelitakunata nerqa: Qhapariychej, imaraykuchus Tata Dios kay llajtata makiykichejman jaywaykusunkichejña.

Josué 6:4

Tata Diospa trato ruwasqan arcaj ñawpaqenta qanchis sacerdotekuna renqanku, sapa ujninku carneroj wajranmanta pututuyoj. Qanchis kaj p'unchaypitaj qanchis kutita llajtata muyurinkichej, chaykamataj sacerdotekunaqa pututunkuta waqachenqanku.

2 Corintios 4:7

Kunan chay k'anchay sonqoykupi kashan. Chaywanpis noqaykoqa t'urumanta ruwasqa manka jina p'akikoj kayku, chay manka ukhupirí may valorniyoj imakuna tiyan. Ajinamanta tukuy reparanku, imatapis ruwanaykupaj chay sumaj ateyqa Diosmanta kasqanta, manataj noqaykumantachu.

1 Samuel 18:19

Chaywanpis mayk'ajchus Merabta Davidwan casarachinan p'unchay chayamojtin, Saulqa ususinta Mejolá llajtamanta Adrielwan casaracherqa.

Ezequiel 38:21

Tukuynin orqokunapi Gogpa contranta wañuchejkunata wajyasaj. Chantá paykunapura wañuchinakonqanku. Noqa Tukuyta Kamachej Tata Dios chayta nini.

Habacuc 3:14

Kurajninkuta arcowan flechaspa wañucherqanki. Chaypacha paykuna caballonkupi lloq'asqa phinkiykorqanku, sinch'i wayra jina manchay wapuykachaspa. Ajinaqa mana jark'akuyta atejkunata pakayllamanta wañuchiyta munarqanku.

Hageo 2:22

Kay pachapi atiyniyojkunata phiriykusaj, kamachinanku tiyanakunatapis urmarachisaj. Urmarachillasajtaj carretakunata, chay carretakunapi purejkunatawan. Caballokuna, chaypi purejkunapis wañullanqankutaj, paykunapurataj espadawan wañuchinakonqanku.

Josué 3:16

patanejmanta jamoj yakoqa kikinpi sayarqa, Adán nisqa llajtamanta Saretán nisqa llajtakama. Uraman p'itikoj yakutaj tukukunankama Wañusqa Qochaman urayk'orqa. Ajinata yakoqa mayupi iskayman t'aqarpayakorqa, israelitakunataj Jericó llajtanejman chayninta chimparqanku.

Isaías 9:3

3 (2) Qanqa kay Israel suyupi tiyakojkunata miraykuchinki, kusiywantaj junt'achinki. Ñawpaqeykipi tukuy kusikonqanku, imaynatachus runakuna poqoyta oqharispa kusikunku, ajinata. Maytapuni kusikonqanku, imaynatachus soldadokuna maqanakupi qhechusqankuta rak'inakuspa kusikunku, ajinallatataj.

Zacarías 14:13

Chay p'unchaypi Tata Diosqa jatun manchachikuyta apachimonqa. Chantá sapa ujninku paykunapura wañuchinakonqanku.