Jueces 7:14 - DIOSPA QHELQACHISQ

¹⁴ Chantá soldado masin kuticherqa: Chayqa Israelmanta Joaspa churin Gedeonpa soldadonkuna kanman. Tata Diosqa paykunata yanapanqa noqanchej madianitakunata atipanawanchejpaj, nispa.

Qheshwa Biblia DC

¹⁴ Chay ujnintaj kuticherqa: Kayqa, Israelmanta Joaspa wawan Gedeompa espadampuni. Madianitastaqa jarantinta ima Gedeonman Diosqa jaywaykonqa, nispa.

DIOSPA QHELQACHISQAN DEUTEROCANONICAL

¹⁴ Chantá soldado masin kuticherqa: Chayqa Israelmanta Joaspa churin Gedeonpa soldadonkuna kanman. Tata Diosqa paykunata yanapanqa noqanchej madianitakunata atipanawanchejpaj, nispa.

Jueces 7:14 Referans Kwoze

Josué 2:9

Noqa yachani Tata Dios qankunaman kay jallp'ata qosqasuykichejta, chayrayku noqayku sinch'ita manchachikushayku. Tukuy kaypi tiyakojkunaqa qankunata manchachikuspa, wañushaykuña.

Job 1:10

Manachu qan tukuy imamanta payta, ayllunta, jinataj tukuy iman kajtapis waqaychanki? Qan tukuy ima ruwasqanpi yanapanki. Chayrayku paypa uywan manchayta mirasqanrayku, tukuy kay cheqanejman junt'aykushan.

Josué 5:1

Chaypacha amorreokunaqa Jordanmanta inti yaykuynejpi tiyakusharqanku, cananeokunataj Jatun Mama Qocha qayllapi. Chantá chay llajtayojkunaj kuraj kamachejninkukuna uyarerqanku israelitakuna chimpanankupaj Tata Dios imaynatachus Jordán mayuta ch'akichisqanta. Chayrayku manchachikuywan llawch'iyaspa, israelitakunawan mana maqanakuyta munarqankuchu.

Josué 2:24

Paykuna Josueta nerqanku: Tata Diosqa chay tukuynin jallp'ata qowanchejña. Tukuy chaypi tiyakojkunaqa may jina mancharisqa kashanku, nispa.

Números 23:20

Dios kamachiwan israelitakunata saminchanayta. Sichus Dios saminchan chayqa, noqa mana jark'ayta atiymanchu.

Números 23:5

Chantá Tata Dios Balaam imatachus parlananta yachacherqa. Nerqataj: Kutispa, Balacta nimuy imatachus qanman nisqayki, chayta, nispa.

Números 22:38

Balaamtajrí kuticherqa: Kunanqa kaypiña kashani. Chaywanpis mana imatapis parlayta atisajchu, manachayqa Tata Dios imatachus niwanqa, chayllata, nispa.

Jueces 7:13

Jinapi Gedeonqa awqankoj jarankuman qayllaykuspa, uyarerqa uj soldado madianita mosqokusqanta ujninman willarishajta: Mosqoyniypi rikorqani uj cebada t'anta jaranchejman tilinkamushasqanta, ujnin toldoman takakuspataj, urmarparichisqanta, nispa.

Jueces 7:15

Chay mosqoymanta willajta, jinataj ima niytachus munasqantawan uyarispa, Gedeonqa sonqon ukhupi Tata Diosta yupaycharqa. Chaymanta israelitakunaj jarankuman kutispataj, soldadonkunata kamacherqa: Jakuchej, imaraykuchus Tata Diosqa madianitakunata atipayta yanapawasun, nispa.

Jueces 3:28

Jinapi Aodqa paykunata nerqa: Qhatiwaychej, imaraykuchus Tata Diosqa awqaykichej moabitakunata atipayta yanapasonqachej, nispa. Chaypacha Aodta qhatispa, israelitakunaqa Jordán mayoj ch'ajchankunata jap'ikaporqanku, manataj ni pita chayninta chimpajta saqerqankuchu.

1 Samuel 14:12

Filisteokunarí Jonatanta, kamachintawan rikuytawankama, qhaparimorqanku: Kayman wicharimuychej. Imatachá qankunaman willarisqayku, nispa. Chantá Jonatanqa kamachinta nerqa: Qhepayta wicharimuy, imaraykuchus Tata Diosqa filisteokunata atipaykuyta yanapawasunchej, nispa.