Jueces 6:25 - DIOSPA QHELQACHISQ

²⁵ Chay ch'isipacha Tata Diosqa Gedeonta nerqa: Tataykej uywankunamanta qanchis watayoj kaj torota apamuy. Chantá tataykej ruwasqan Baalpaj altarta phirimuy. Ajinallatataj chay Baalpa altarnin qayllapi kashan, Asera k'ullutapis urmachiy.

Qheshwa Biblia DC

²⁵ Chay ch'isipacha Señorqa Gedeonman nerqa: Tataykej wakasninmanta uj torota apamuy, qanchis watayoj sullk'a kaj torota, tataykejpata kaj Baalpa altarninta phiriy. Ajinallatataj chay Baalpa altarnin qayllapi kashan Aserapaj t'aqasqa k'ullutapis llant'ay.

DIOSPA QHELQACHISQAN DEUTEROCANONICAL

²⁵ Chay ch'isipacha Tata Diosqa Gedeonta nerqa: Tataykej uywankunamanta qanchis watayoj kaj torota apamuy. Chantá tataykej ruwasqan Baalpaj altarta phirimuy. Ajinallatataj chay Baalpa altarnin qayllapi kashan, Asera k'ullutapis urmachiy.

Jueces 6:25 Referans Kwoze

Jueces 3:7

Israelitakunaqa Tata Diosta qonqayman churaspa, paymanta karunchakorqanku, yupaycharqankutaj Baalpa lantinkunata, Aseraj lantinkunata ima.

Éxodo 34:13

Manachayqa altarninkuta thuñirankichej, yupaychananku rumitapis, yupaychananku k'ullutapis phirinkichej.

Hechos 5:29

Chantá Pedrowan, Jesuspa chay waj kuraj kachankunawan ima kuticherqanku: Diostapuni astawanqa kasunayku tiyan, runakunata kasunaykumantaqa.

San Mateo 10:37

Pichus tatanta, chayrí mamanta noqamanta astawan munakojqa mana noqajta kananpaj jinachu. Ajinallatataj, sichus pipis churinta, chayrí ususinta noqamanta astawan munakun chayqa, nillataj payqa noqajta kananpaj jinachu.

San Mateo 6:24

Mana pipis iskay patronkunaj kamachiyninpi ujllapi kayta atinchu, imaraykuchus ujninta chejnenqa, ujnintataj munakonqa. Chayrí, ujnin patronman k'askakonqa, ujnintataj qhesachanqa. Manallataj qankunapis ujllapi qolqetawan, Diostawan aswanpaj qhawayta atinkichejchu.

1 Reyes 18:21

Chantá Eliasqa tukuy runaman chimpaykuspa, nerqa: Mayk'ajkamataj iskayrayaspa kankichejri? Sichus Tata Diosqa cheqa kaj Dios kanman chayqa, payta qhatiychej. Baal cheqa kaj dios kajtinrí, paypa ruwananpi kaychej, nispa. Runakunatajrí mana imatapis kuticherqankuchu.

Hechos 4:19

Jinapi Pedrowan, Juanwan ima kuticherqanku: Qankuna unancharispa niwayku qankunata kasunaykuchus, chayrí Diosta kasunaykuchus aswan allin kasqanta.

Salmos 101:2

Jinallataj cheqanta ruwaspa kawsayta munani. Mayk'ajtaj noqata yanapawaj jamunkiri? Wasiypipis mana k'aminapaj jina purillasajtaj.

Job 22:23

Sichus k'umuykuspa Tukuy Atiyniyoj Diosman kutirikunki chayqa, pay aysarisonqa. Ajinata ruwaspataj, wasiykimanta llakiykunata karunchanki.

Deuteronomio 7:5

Chayrayku qankunaqa kayta ruwanaykichej tiyan: Chay runakunaj altarninkuta thuñinkichej, yupaychana ruminkuta, yupaychana k'ullunkutawan ima p'akirankichej. Jinallataj lantinkutapis ninawan ruphaykuchinkichej.

Génesis 35:2

Chantá Jacob ayllunta, jinataj pikunachus paywan risharqanku, chaykunata nerqa: Jap'ishankichej, chay tukuy imaymana dioskunata wijch'uychej. Jinaspataj, mayllakuychej, llimphu p'achatataj churakuychej.

Jueces 2:11

Chaymantataj israelitakunaqa Tata Diospa mana munasqan millaykunata ruwarqanku. Baalman rijch'akoj tukuy imaymana lantikunata yupaychayta qallarerqanku.

Jueces 6:26

Jinaspataj, chay orqo puntapi uj altarta ruwapuway. Chantá qanchis watayoj torota apamuspataj, noqaman jaywanata jina q'olachipuway chay Asera k'ullu llant'asqaykiwan.