Jueces 6:16 - DIOSPA QHELQACHISQ

¹⁶ Chantá Tata Dios kuticherqa: Atinkipuni, imaraykuchus noqa qanwan kasaj. Madianitakunataqa uj sapan runallapis kanman jina atipanki, nispa.

Qheshwa Biblia DC

¹⁶ Señortaj kuticherqa: Noqa qanwan kasqayrayku qanqa ruwayta atillanki. Madianitastaqa atipanki imaynatachus uj sapan runata atipanchej jinata.

DIOSPA QHELQACHISQAN DEUTEROCANONICAL

¹⁶ Chantá Tata Dios kuticherqa: Atinkipuni, imaraykuchus noqa qanwan kasaj. Madianitakunataqa uj sapan runallapis kanman jina atipanki, nispa.

Jueces 6:16 Referans Kwoze

Josué 1:5

Kawsanaykikamaqa, mana pipis atipasonqachu, imaraykuchus noqa qanwan kasaj, imaynatachus Moiseswan karqani, ajinata. Mana jayk'ajpis saqesqaykichu, nitaj wijch'urpasqaykichu.

Éxodo 3:12

Chantá Dios kuticherqa: Noqamin qanwan kasaj. Noqa qanta kachasusqayta yachanaykipajtaj, kaymin señal kanqa: Maypachachus israelitakunata Egiptomanta orqhomunki chaypacha, tukuyniykichej kay orqopipuni yupaychawankichej, nispa.

Hechos 11:21

Jinataj Dios atiyninwan chay wawqekunata yanapasqanrayku, ashkha runakuna Diosman kutirikuspa Jesuspi atinikorqanku.

Marcos 16:20

Paypa yachachisqankunataj, tukuynejman rispa Jesusmanta sumaj willayta willaramorqanku. Tukuyta Kamachej Jesuspis paykunata yanapaj, runaj mana jayk'aj rikusqan t'ukunata ruwasqankuwan yachayta qonankupaj yachachisqanku cheqan kasqanta.

Isaías 41:10

Chayrayku ama manchachikuychu, imaraykuchus noqa qanwanpuni kashani. Ama q'enaqakuychu, imaraykuchus noqa Diosniyki kani. Noqa kallpachasqayki, yanapasqaykitaj. Jinallataj justiciata ruwaj paña makiywan sayachillasqaykipuni.

San Mateo 28:20

Chantá paykunaman yachachimuychej, imatachus noqa kamacherqaykichej, chayta, paykunapis kasunankupaj. Jinallataj yachaychej noqa qankunawan tuta p'unchay kanayta kay pacha tukukunankama, nispa.

Jueces 6:12

Jinapi Tata Diospa angelnin payman rikhurispa, nerqa: Tata Dios qanwan kashan, kallpayoj wapu runa, nispa.

Jueces 6:36

Chantá Gedeonqa Tata Diosta nerqa: Sichus cheqamanta qan wajyawanki israelitakunata kacharichinaypaj, niwasqaykiman jina chayqa,

Deuteronomio 20:1

Awqaykichejwan maqanakoj llojsispa, ichapis rikuwajchej paykuna ashkha caballoyoj, ashkha carretayoj kasqankuta, jinataj qankunamanta nisqa aswan ashkha soldadoyoj kasqankuta. Chayta rikuspa, ama manchachikunkichejchu, imaraykuchus pichus Egiptomanta orqhomusorqachej, chay Tata Diosniykichejqa qankunawan kashan.

Josué 10:8

Tata Diostaj Josueta nerqa: Ama manchachikuychu, noqa paykunata atipaykuchisqaykichej, nitaj mayqenninkupis qanman sayaykuyta atenqankuchu, nispa.

Jueces 2:18

Tata Diosqa sapa kuti uj juezta churaj, chantá chay juezta yanapallajpuni. Chay juez kawsashajtintaj, Tata Diosqa israelitakunata awqankukunamanta kacharichejpuni, imaraykuchus sinch'i ñak'ariypi waqasqankuta uyarispa, paykunamanta khuyakorqa.

Rut 2:4

Rut chaypi chajmashajtintaj, Boozqa Belén llajtamanta chajraman chayaykamuspa, ruthojninkunata napaykorqa: Tata Dios qankunawan kachun, nispa. Paykunataj kuticherqanku: Tata Diosqa qantapis yanapasuchun, nispa.